Isaya 26:7 - Bhibhiliya Nya Guage

⁷ Ndzila ya wule a lulamidego khya lisine, uwe u lulamidego guvbindrisa, agisa ndzila ya vale va lulamidego.

Isaya 26:7 Iomraidhean Croise

1 Dzikoronika 29:17

Nungungulu wangu, nyi ngu dziti gukheni, Uwe u ngu khedza myonyo ni gu gambe, U ngu salalegiswa khu gululama; khu guralo, eni neni khu gutsaka nya monyo wangu nyi ngu gu ninga silo sesi, olu nyi wonide khu gunengela iso vathu vago va guromo avba va ningedego khu gugola nya myonyo yawe.

Joba 31:6

Nungungulu a na nyi vege vbagikalotunu gi lulamidego, a na dziti gukhuye nyi mwalo nandru;

Dzindzimo 1:6

Kholu Nungungulu a ngu yiti ndzila nya vathu nya gululame, aholu ndzila nya vathu nya guvivbe monyo ya gu va yisa gufani.

Dzindzimo 11:4

Aholu, Pfhumu Nungungulu womo nyumbani gwaye nya guage; Pfhumu Nungungulu a na ni gikhalo nya wufumu waye ndzadzini, maho yaye ma ngu khedzisa tigoni, a wona sanana nya vathu.

Dzindzimo 11:7

Kholu Pfhumu Nungungulu lulamide, a gu gola gululama; va nya myonyo nya yadi, va na wona khovbe yaye.

Dzindzimo 25:4

Nyi nonedze dzindzila dzago Pfhumu Nungungulu, nyi hevbudze dzindzila dzago.

Dzindzimo 25:5

Nyi gimbidzise khu lisine lago, nyi hevbudze, kholu uwe khuwe Nungungulu, muvbanyisi wangu, nyi ngu tumba uwe gikhati gyatshavbo.

Dzindzimo 27:11

Nyi hevbudze ndzila yago Pfhumu Nungungulu, nyi gimbidzise khu ndzila nya gululame khu kotani nya talo ya valala vangu;

Dzindzimo 5:9

Kholu va mwalo lisine maganani gwawe; myonyo yawe yi tade khu maalakanyo nya guvivbe; migolo yawe marowo ma tulegidego, malimi yawe ma gu songa.

Mavingu 11:5

Gululama gwa muthu a tumbegidego, gu na lulamisela ndzila yaye, aholu gighohi gi na thega khu sighoho saye.

Mavingu 20:7

Muthu nya wadi a gu gimbila gululamani gwaye, si kategide sanana si na mu landrelago.

Mavingu 21:8

Muthu nya guvivbedwe khu monyo ndzila yaye yi wegede, gasi ya uye nya monyo wu agidego yi lulamide.

Mavingu 3:6

Alakanya Uye dzindzilani gwago gwatshavbo, Uye a na lulamisa dzindzila dzago.

Mavingu 4:18

Aholu ndzila ya va nya gululama ya gu wenengedza kha nga wuronga nya gugye, wu wenengedzago kala gu gira safa nya mihani.

Isaya 30:18

Ambari khu guralo, Pfhumu Nungungulu a ngu lirela litshigu nya gu mi pwele wuhindzi; Uye a na simama a mi pwela wusiwana, kholu Pfhumu Nungungulu nya gululame; va kategide vatshavbo vale va mu tumbago.

Isaya 35:8

Gu na manega avbovbo ndzila nya yikhongolo nya likondro, yi na ranwago pwani Ndzila nya Guage; va nya gunyenyeza, kha va na vbindra khiyo. Yi emisedwe basi vathu va Nungungulu, khavo va na gimbilago khiyo, ambari nari sipumbu, kha va na dzimela.

Isaya 42:16

Nyi na gimbidzisa sikhumu khu ndzila si si yitigo, nyi va gimbidzisa khu sindzilana nya gu gima kha sa nga gimbila khiyo, mbeli gwawe nyi na vbindrugedza gidema gi khala guwonegela, ni dzindzila nya sikhidinga dzi na guledzedwa. Silo sesi nyi na si gira satshavbo nyamba tshiya ni gimwegyo.

Isaya 52:12

Kholu kha mu na duga khu givbiredza, ambari gu khugani khu gu thava; kholu Pfhumu Nungungulu a na thanga mbeli gwanu, ni Nungungulu wa Israyeli, a na mi vhikela khu hwane gwanu.

Isaya 57:2

A na bela gurulani; avo va gimbidego khu gululama va na hefemula dawuni gwawe.

Jeremiya 10:23

Uwe Pfhumu Nungungulu, eni nyi ngu dziti gukheni ndzila nya muthu yi mwalo tshivbani gwaye, gambe mwalo a kodzago gu lulamedza ndzila yaye.

Hoseya 14:9

Khu mani a gu ni guti, nya gukodze gu pima silo sesi? Uye a gu ni mapimo gasi a siti? Kholu dzindzila dza Pfhumu, dzi lulamide, va nya gululama va na gimbila khidzo, aholu sindraga milayo, dzi na va tshunganiswa va thega.

Sofoniya 3:5

Pfhumu Nungungulu a gu romo vbakari nya lidhoropa leli, lulamide, kha giri gilo nya guvivbe. Gugya ni gugya uye a gu thuma gulamula gwaye guwonegelani; kha phazami, aholu va nya guvivbedwa khu monyo kha vapwi dzitshoni.

1 Vakorinto 4:5

Khavbo avbo, mu nga tutumeli gu lamula gi si gu vbohi gikhati. Virelani Pfhumu a wuye. Uye khuye a nata wenengedzago esi si sihadego gidemani, ni gu funungula esi si sihadego myonyoni nya vathu. Khavbo avbo, muthu ni muthu a na ningwa khu Nungungulu wuzundzo wu mu fanelago.

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

Vaefeso 2:10

Kholu khuye a nga hi wumbago; a hi vangide, a hi tshanganisa ni Kristo Jesu gasi hi mane guvbanya nya gutale khu mithumo ya yadi, mithumo Nungungulu a yi dongisedego khu gale gukhuye hi vbanya khiyo ethu.

1 Johane 3:10

Ogu khugo guhambana nya lisine nya sanana sa Nungungulu ni sanana sa Sathane. Oyu a si girigo esi nya gululame, ni gumba haladza ndriyaye, khandri gyanana gya Nungungulu.

1 Johane 3:7

Vanavangu, mu nga dzumeli mu sengwa khu muthu! Oyu a girago esi nya lisine lulamide, kha nga nuye Kristo a lulamidego.