Isaya 26:2 - Bhibhiliya Nya Guage

² Tulani malimba gasi vathu va lulamidego, vathu nya gutumbege va ta bela.

Isaya 26:2 Iomraidhean Croise

Dzindzimo 106:5

Nyi gire nyi wona guandra ga vathu vago, nyi hengela makategwa nya litigo lago, gutsakani ga vale va lumbago uwe.

Dzindzimo 118:19

Nyi tuleleni malimba nya gululame; nya gu vbweta gu bela nyi ya rungudza Pfhumu Nungungulu.

Dzindzimo 118:20

Eyi khu nyangwa ya Pfhumu Nungungulu, va na belago khiyo va nya gululama.

Dzindzimo 24:7

Enu myanya, khusedzani mihungo yanu; khusegani enu malimba ya gale, gasi a bela Mufumeli nya Wudhumo!

Ekisodha 19:6

Enu mu na khalani litigo nya vaphasi nya mhamba, litigo li agidego. Aya khu magana u na ya embelago sanana sa Israyeli.”

Isaya 45:25

Aholu, situgulwana satshavbo sa Israyeli si na sayedwa gululama avbo ga Pfhumu Nungungulu, va dzi zundza khavbo gwaye.

Isaya 54:14

U na tiyiswa khu gululama, sitshaniso si na manega hwindzo ni uwe, khu na thava gilo, ambari gu thusedzedwa kha gu na hidzimela vbafuvbi gwago.

Isaya 54:17

Matshari yatshavbo ma giridwego gasi gu gu sasela, kha ma na gu gira gilo; ni watshavbo uye a vbwetago gu gu lumbedza malipha, uwe u na mu kona; eyi khiyo thomba ya sithumi sa Pfhumu Nungungulu, ni gululama gwawe gwa guta khiyo gwangu; a ngu ganela Pfhumu Nungungulu.

Isaya 58:8

Wa gu gira kharalo, mwenge wago wu na wenga kha nga Wuronga, silondra sago kha si na hwela guvbola, gululama gu na thanga mbeli gwago, u na vhikedwa khu wudhumo wa Pfhumu Nungungulu.

Isaya 60:11

Malimba yago ma na khala na ma tudwe gikhati gyatshavbo, wutshigu ni mihani ma na khala nyamba segwa, gasi va gu resele dzithomba nya mayigo, na va gu vbwelegedzwa khu vafumeli vawe.

Isaya 60:18

Kha gu na pwala gambe gu ganedwa khu dzihanyi tigoni gwago, khu vaphangi mwendro vapfhungumuli, mivbinganoni gwago. “U na rana mabhiyo yago khuwe “Guvbanyisa” ni dzinyangwa dzago khuwe “Rungudzo.”

Isaya 60:21

Vathu vatshavbo va tigoni gwago va na bani vari vathu nya gululame, va na lumbwa khu litigo kala gupindruga; avo va na bani vari pfhundre nyi wu yadego, thumo nya mandza yangu gasi va fela gu wonegisa wudhumo wangu.

Isaya 61:3

Ni gu degudza vatshavbo vale va lilago va Siyoni, ni gu va ambagisa gihugu wulangani nya nguma, ni mafura nya gutsake, wulangani nya gililo, ni ngandzu nya wuzundzo, wulangani nya wuvi; gasi va ranwe gupwani misimbo nya gululame, yi yadwego khu Pfhumu Nungungulu gasi gu dzi dhumisa khiyo.

Isaya 62:1

Khu kotani nya lihaladzo nyi gu nalo ni Siyoni, kha nyi na degula, khu lihaladzo langu ga Jerusalema, gima kha nyi na hefemula, kala gululama gwago gu duga kha nga wuronga, guvbanyisa gwago, kha nga mwenge wu khondrago.

Isaya 62:10

Dugani, dugani khu myanya! Tulelani ndzila vathu vangu! Guledzelani, guledzelani makondro! Mu duselani siwindri! Ghwimbani ngavbya gasi va nya mayigo va wone!

Isaya 62:2

Mayigo ma na wona gululama gwago, ni vafumeli vatshavbo, va na wona wudhumo wago; u na ranwa khu lina nya liphya u na riywago khu Pfhumu Nungungulu.

Zakariya 8:20

Pfhumu Nungungulu nya Tshivba Yatshavbo, a ngu ganela kharati, khuye: “Ma nata nyaluphye mahundzu ma vbanyago madhoropani nya gutale,

Mithumo 2:47

Va di rungudza Nungungulu, va godwa khu vathu vatshavbo. Khu litshigu ni litshigu, Pfhumu a di engedzela tsawani gwawe tengo nya vale va na gu vbanyiswago.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

2 Pedro 3:13

Aholu, khu kotani nya gitumbiso gya Nungungulu, ethu hi ngu lindrela ndzadzi yiphya ni mafu maphya, umo gu guromo gululama.

Judha 1:3

Sigodwa sangu, eni nyi di gira tshivba nya gu mi loveleni khu mahungu nya guvbanyiswe hi gu nago gumogo nanu. Nyi di dzipwa gukheni i tshukwana nyi mi lovela olu gasi gu mi tiyiselani litungani mu li dwanago khu kotani nya gukhodwe gu ningidwego sihathwa saye kala gupindruga.

Gutuledwa 21:24

Mayigo ma na gimbila vbakari nya safa nya wenengedzo waye. Ni vafumeli nya mayigo va nata, va resa dzithomba dzawe dhoropani.

Gutuledwa 5:9

Ma di gu emba ndzimo nya yiphya, khayo: “U na ni fanelo nya gu hakhe libhuku ni gu namula sifungo saye, kholu u songidwe; khu novba wago, u dzegiside vathu nya mahundzu, malimi, mafumbu, ni mayigo yatshavbo. U gu va ningela ga Nungungulu.