Isaya 26:14 - Bhibhiliya Nya Guage

¹⁴ Vathu vava, va fude, gima kha va na wuga gambe; va dzingidwe marowoni, kha va na duga khumo, kholu u va tsayiside u va mbembisa, u fuviside malina yawe va si alakanywi gambe.

Isaya 26:14 Iomraidhean Croise

Joba 18:17

Kha va na alakanywa gambe mafuni, ni malina yawe kha ma na pwala gambe tigoni.

Joba 24:20

Va na divadwa khu vamayi vawe, siwungu si va hodza na si tsakide; mwalo a na gu va alakanyago; vathu nya sighohi va na sigudwa khu tshinani kha nga simbo.

Joba 7:9

Nya nga mapfhi ma phalalegago ma mwalalega, kharato nugo wule a relelago phalani nya vafi, gima kha wuyi gambe.

Dzindzimo 106:28

Va di khozela gambe nungungulu nya gupwani khu Bhahali-Peyori, va hodza dzimhamba dza vanungungulu nya gufe.

Dzindzimo 109:13

Livelego laye latshavbo li na vbele hilo bhi, ni lina laye li na futwe ga situgulwana si nga gutago.

Dzindzimo 135:17

Va na ni dzindzeve, aholu kha vapwi; kholu va mwalo hefemulo maganani gwawe.

Dzindzimo 36:12

Va thegide vbavbatshi avo va girago guvivba; va thegede muphelo nyamba kodza gu wuga gambe.

Dzindzimo 59:5

Uwe Pfhumu Nungungulu nya Tshivba Yatshavbo, Uwe Nungungulu wa Israyeli; wuga u ta tsayisa va nya mayigo vava; u nga pweli wusiwana vakanganyisi vava.

Dzindzimo 9:6

Valala va mbembide muphelo, madhoropa yawe ma di tshala marumbi basi, mwalo gambe a na gu va alakanyago.

Ekisodha 14:30

Khu guralo, litshigu lolo, Pfhumu Nungungulu a di vbanyisa sanana sa na Israyeli mandzani ga Vagipiti. Israyeli a di wona Vagipiti na va fude funguni wa phwani.

Mavingu 10:7

Mapimo ma tshidwego khu muthu nya gululame, ma gu resa gikategiso, aholu lina la muthu nya guvivbedwe khu monyo, la gu vbiredza gufuva,

Muhevbudzi 9:5

Avo va vbanyago va ngu dziti gukhavo va nafa, aholu vale va fudego kha va pimi gambe gilo, ambari gu mana tshatshazelo, kholu kha va dundrugi gambe.

Isaya 10:3

Mu na khenu ginani khu litshigu nya tsayiso, gingulu gi ngu guta khu hwindzo? Mu na thavela ga mani gasi guya lomba guphaswa? Dzithomba dzanu mu na dzi vega hayi?

Isaya 26:19

Vafi vago va na bwelo khavbo va vbanya, si na duga khu marowoni sirumbi sa vathu vago, wugani mu ghiya, enu mwatshavbo mu ladego umo nya kudzudzwane nya mafu, kholu thondrwane yago uwe Pfhumu Nungungulu, ya gu fanana ni thondrwane nya guvbanyise mitongwe, kholu mafu ma na bwelo khavbo ma dusa vale va fudego.

Isaya 29:6

Pfhumu Nungungulu nya Tshivba Yatshavbo, a nata gu tsayisa khu mabara, sirevareva, ni gudzuma nya guthise, ni singulu ni sipupwane ni malavbelavbe nya nilo nya gumbembise.

Isaya 37:19

va vbisedzede vanungungulu vawe, kholu khandri a diri vanungungulu, aholu a diri sifananiso, thumo nya mandza nya vathu, nya guvatwe khu misimbo ni siwindri; khu guralo va si khungumulede.

Isaya 8:19

Vambe va na mi kutsedzela, khavo: Wudzisani maphuvbo ya vale va fudego ni valoli nya dzisolo va ngurangurago ni gu lembelana; ina kamwe va na Israyeli va gu bani vari ni mahungu kha va na ngaya wudzisa Nungungulu wawe, gani? Ina avo va vbanyago va ngu yela guya wudzisa avo va fudego, gani?

Matewu 2:20

“Khuga u dzega gyanana ni mayi waye, u gu hongola tigoni ga Israyeli, kholu va fude avo va nga bani va vbweta gu songa gyanana.”

Dhewuteronome 4:28

Iyoyo, mu naya thumela vanungungulu nya gugirwe khu mandza nya vathu, nya mapulango ni siwindri, si si wonigo, mwendro gupwa, si si hodzigo ambari gupwa gununga.

Gutuledwa 20:5

Vambe va nya gufa kha va na wuswa kala gu enela likhumi mazana myaga. Ogu khu gu wuga nya guhegule khu gufani.