Isaya 26:12 - Bhibhiliya Nya Guage

¹² Uwe Pfhumu Nungungulu, u na hi ninga gurula, kholu khuwe u hi giredego mithumo yathu yatshavbo.

Isaya 26:12 Iomraidhean Croise

Dzindzimo 29:11

Pfhumu Nungungulu a ngu ninga tshivba vathu vaye, Pfhumu Nungungulu a ngu kategisa vathu vaye khu gurula.

Dzindzimo 57:2

Nyi na rana Nungungulu a Khusegidego ngudzu, nyi rana Nungungulu a nyi phasago satshavbo.

Dzindzimo 57:3

Uye khu ndzadzini a ngu nyi rumela giphaso gyaye a nyi vbulugisa; fenengedza khu dzitshoni avo va nyi bayisago. Rumela wuhindzi ni gutumbega gwago.

Dzindzimo 68:28

Yeyedza tshivba yago Nungungulu, tshivba yile u yi thumisago gu hi phasedzela khiyo.

Dzindzimo 90:17

Wuhigo wa Pfhumu Nungungulu wathu, wu na fenengedze vbatshani gwathu; hi kategisele thumo nya mandza yathu; ina, tiyisa thumo nya mandza yathu.

Isaya 26:3

Uwe Pfhumu Nungungulu, u ngu ninga gurula vathu mapimo yawe ma khedziselago Uwe, kholu va ngu tumba Uwe.

Isaya 27:5

Sa gumba dzina gu gira kharato, si nate sita lomba gurula ni Eni, si na pwanane ni Eni, nyi na vbanya naso khu gurula.

Isaya 29:23

Aholu, avbo uye gumogo ni sanana saye va na wonago vbakari gwawe mithumo ya mandza yangu, va na ninga githawo lina langu, va dhumisa oyu a Agidego wa Jakobe, ni gu ninga githawo Nungungulu wa Israyeli.

Isaya 32:18

Vathu vangu va na vbanya wulanga nya gurule, malangani nya gukhadzisege gwadi, khu gurula ni gutangala,

Isaya 57:10

U gimbide kala u garala; aholu kha wa ganela, khuwe: “Esi kha si phasi gilo!” Iso u nga bani nu gu si vbweta u si mane, khu guralo, khu rereki.

Isaya 57:19

Nyi na va embela vatshavbo, kheni: “Gurula ga vale va guromo hwindzo ni vale va guromo vbafuvbi.” Eni nyi na va vbanyisa, a ngu ganela Pfhumu Nungungulu.

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Jeremiya 33:6

Nyi na hungelela silondra sawe, nyi va vbodzisa ni gu va vbanyisa, nyi bwelo khavbo nyi va ninga gurula nya gungi ni lisine.

Ezekiyeli 20:14

Aholu khu lihaladzo nya lina langu, kha nya dzina kheni lina langu li nyenyeziswa na li gu wonwa khu mayigo, a gu vathu va nyi wonidego na nyi va dusa khu tigoni ga Egipito.

Ezekiyeli 20:22

Aholu kha nya si gira, nyi di neredza mandza yangu, khu kotani nya lihaladzo nya lina langu, gasi nyi si li nyenyezisi ga mayigo ma nyi wonidego na nyi gu va dusa khu tigoni ga Egipito.

Ezekiyeli 20:9

Aholu khu lihaladzo nya lina langu, kha nya dzumela gukheni lina langu li nyenyeziswa, li gu wonwa khu mayigo va vbanyidego umo ni mahoni ga vale nyi dzi wonegisidego gwawe, gasi gu va dusa tigoni ga Egipito.

Ezekiyeli 36:25

Khu guralo, nyi na mitegedzela mati nya gukatege vbatshani gwanu, mu agani; nyi na mi agisani gunyenyezani gwanu gwatshavbo mu nga dzi nyenyezisa khu sifananiso sanu.

Mitengo 6:26

Pfhumu Nungungulu a na thendregedze khovbe yaye avbo gwago, a gu ninge gurula.

Johane 14:27

“Nyi ngu mi tshiyelani gurula, nyi ngu mi ningani gurula gwangu. Kha nyi ningi gurula kha nga idzo li ningago khidzo litigo. Mu nga garadzegini myonyo yanu, gambe mu nga thavi gilo.

Vaefeso 2:10

Kholu khuye a nga hi wumbago; a hi vangide, a hi tshanganisa ni Kristo Jesu gasi hi mane guvbanya nya gutale khu mithumo ya yadi, mithumo Nungungulu a yi dongisedego khu gale gukhuye hi vbanya khiyo ethu.

Dhewuteronome 30:6

Pfhumu Nungungulu wago, a na vbindrugedza monyo wago ni monyo wa livelego lago, gasi u gole Pfhumu Nungungulu wago, khu monyo wago watshavbo ni hefemulo wago watshavbo, u kodze gu vbanya.

Vahebheru 13:20

Khu guralo, Nungungulu nya gurule, khu novba nya gidzumeledzwano nya gupindruge wuside khu ga vafudego Pfhumu yathu Jesu Kristo, a khadego Muhavisi nya khongolo nya tshambi.