Isaya 26:11 - Bhibhiliya Nya Guage

¹¹ Mandza yago ma khusegide, Pfhumu Nungungulu, ambari khu guralo, kha va ma woni! Va yeyedze nya gukhuwe u ngu khathalela vathu vago, gasi va khale dzitshoni; va na dagarele khu nilo u wu dongisedego valala vago.

Isaya 26:11 Iomraidhean Croise

Joba 34:27

Kholu va mu pfhuraredego, va ndreya dzindzilani gwaye dzatshavbo a dzi emisidego.

Dzindzimo 10:12

Khuga u ema Pfhumu Nungungulu! Yeyedza tshivba yago! U nga divali sisiwana.

Dzindzimo 21:8

Mandza yago ma na manela valala vago vatshavbo, Nyamudye wago a na manela avo va gu nyenyago.

Dzindzimo 28:5

Avo kha va khathali khu sile a giridego Pfhumu Nungungulu, ni sigiro nya mandza yaye; u na va fuvisa nyamba va wusedza gambe.

Dzindzimo 78:63

Madzaha ma di dagarela khu nilo, vanyamahegyane va hamuga vama nya gudzegwe khavo.

Dzindzimo 86:17

Nyi ninge giyeyedzo nya wuwadi wago, gasi va gi wone avo va nyi vengago va khale dzitshoni, kholu uwe Pfhumu Nungungulu u ngu nyi phasa ni gu nyi tangadzisa.

Ekisodha 9:14

Kholu gikhati gegi nyi na rumela mitungu yangu yatshavbo gwago ni ga sithumi sago ni ga vathu va tigoni gwago gasi u dziti gukhuwe mwalo mumbe nya gufanane ni eni mafuni gwatshavbo.

Isaya 1:31

Muthu nya tshivba a na fanana ni mavivi, ni thumo waye, wu na khala kha nga tshahe nya nilo; vatshavbo va na vbiswa gumogo va hamuga ni muthu nya gu va tshimele.

Isaya 10:16

Khu guralo, Pfhumu Nungungulu nya Tshivba Yatshavbo, a na rumela tungu ga vathu, wu ta wondrisa sitetema satshavbo sa Asiriya; vbavbatshi nya thomba yawe wu na dzura nilo, kha nga uye a vbiswago khu nilo.

Isaya 10:17

Kholu Wenengedzo wa Israyeli wu na vbindrugedza wu khala nilo, ni Uye a Agidego waye, a na khala kha nga lilavbelavbe, li na vbisago li dagaredzisa miba ni sirangalabwa sa Asiriya khu litshigu limwedo basi.

Isaya 11:13

Khu guralo, a na vbedza lidiwo la Efrayimi, valala va Judha, va na mbembiswa; Efrayimi kha na girela gambe lidiwo Judha, ambari Judha nuye, kha na tshanisa Efrayimi.

Isaya 18:3

Enu, mwatshavbo vavbanyi va mafuni ni sivelegwa sa tigoni, ya gu ghwimbwa ngavbya vbatshani nya sigomo, mu na yi wonani; avbo gu wombwago pundru, mu na wu pwani.

Isaya 37:32

kholu dhoropani ga Jerusalema gu na duga mitshaledwa, khu gigomoni ga Siyoni, gu duga avo va na vbulugago, si na girega isoso khu lihaladzo la Pfhumu Nungungulu nya Tshivba Yatshavbo.

Isaya 42:13

Pfhumu Nungungulu a na duga kha nga ndrena, kha nga muthu a dugago guya nyimbitunu, a goroga a wusa likhulo laye, a huwata, a gira ligwaha nya likhongolo nya nyimbi, a yeyedza tshivba yaye mbeli ga valala vaye.

Isaya 44:18

Vathu nya nga vovo, kha vati gilo ambari gu pima; kholu maho yawe ma tulegide, aholu kha ma woni, ni myonyo yawe, kha yi pimi gilo.

Isaya 44:9

Vatshavbo vawumbi nya sifananiso khandri va gilo, ni mithumo yawe va yi tsakelago, kha yi phasi gilo; avo vabune kamwe dzifakazi nya gukhavo kha va woni ambari gu pima gukhavo va na thedwa dzitshoni.

Isaya 5:24

Kha nga malavbelavbe nya nilo ma vbisago dzitshava ni mwasi nya gubange, kharato nugo, mikhamba yaye yi na hina ni senge saye si na vbuvba kha nga kudzudzwane, kholu va yeyiside Nayo wa Pfhumu Nungungulu, nya Tshivba Yatshavbo, ni gu bomba magana ya uye a Agidego wa Israyeli.

Isaya 59:17

A di ambala wululami gukhwatshi gikatawu nya gikete, ni gupala kha nga gihugu nya gu dzi vbanyise hungoni gwaye; bwelo khavbo a ambala guambala nya guphodze, a ambala guvbisega, gukhwatshi libhadzi.

Isaya 60:14

Sanana sa vatshanisi vago, si nata noga migondroni gwago; ni vale va nga bani va gu hembulula, va nata khidzima migondroni gwago; va na gu rana khavo u “Lidhoropa la Pfhumu Nungungulu,” “Siyoni wa Uye a Kategidego wa Israyeli.”

Isaya 63:15

Khedza khu vbatshani yoyo ndzadzini, u wona khu nyumbani gwago nya guage ni wudhumo. Gomo hayi gukhathalela gwago ni mithumo yago nya tshivba? Wuwadi wa monyoni gwago ni wuhindzi wago, khu si giri gambe avbo gwathu!

Isaya 66:15

Wonani nya gukhenu Pfhumu Nungungulu a nata kha nga nilo, ni dzikareta dzaye dzi na fanana ni gipupwane, gasi gu resa likhulo laye nya guvbise. A na va kawuka khu malavbelavbe nya nilo.

Isaya 66:24

Va na duga vaya wona sirumbi nya vathu va nga nyi wugelago; kholu siwungu sawe gima kha si na ngafa, ambari nilo wawe, kha wu na tshimega; gu na bani guri tshanisa ga vathu vatshavbo.

Isaya 66:5

Yingisani magana ya Pfhumu Nungungulu enu mu mu thavago, enu mu ndrendremelago mbeli nya magana yaye. Vandriyanu va na mi nyenya va mi tutumisa, muya hwindzo khu kotani nya lihaladzo lanu khu lina langu, va ganela, khavo: “Pfhumu Nungungulu a na yeyedze wudhumo waye, gasi hi kodze gu wona gutsaka gwanu, vathu vovo va na thedwa dzitshoni.”

Isaya 9:18

Kholu guvivba gwa gu vbisa nga nilo, wu vbisago sirangalabwa ni miba, wu vbisa ni magabi nya gukhume, gasi wutshi wu gwela vbatshani nga mapfhi.

Isaya 9:19

Khu kotani nya likhulo la Pfhumu Nungungulu nya Tshivba Yatshavbo, litigo li dagarede, ni vathu va gu gira gukhwatshi dzikhuni dzi vbyago niloni, mwalo a tsetsago ndriyaye.

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Jeremiya 44:28

Vadugwana ngudzu avo va na gu vbulugago gu sasedwa khu matshari va wuya tigoni gwawe Judhiya; avo va na vbulugago nya va na Judha va nga bani va khade valuveli tigoni ga Egipito, va na dziti nya gukhavo magana ya mani ma tiyidego: Ayo yangu, mwendro yawe.

Jeremiya 5:3

Uwe Pfhumu Nungungulu, maho yago kha ma khedzi wule a girago ndruda, gani? U va bayiside, kha vapwa guvbisa; U va mbembiside, kha va dzina gu vbindrugedza; gambe va di bangisa mihungo yawe guvbindra giwindri; kha va nga dzina gu wuya eno gwago.

Mikeya 5:9

Gyandza gyago gi na khusedzwe vbatshani ga avo va gu wugelago, valala vago vatshavbo va na mbembiswa.

Mikeya 7:10

Nala wangu a na si wona isoso, a tedwa khu dzitshoni, uye a nga bani a nyi embela, khuye: “Womo hayi Pfhumu Nungungulu wago?” Maho yangu ma na wona guthega gwaye; na gu gandredzedwa kha nga maraga ya mudzindzilani.

Mikeya 7:16

Mayigo ma na si wona ma tala khu dzitshoni, khu kotani nya tshivba yago nya yikhongolo; va na vega nyala kanani, dzindzeve dzawe dzi na khala sivbwiri.

Matewu 25:41

“Khavbo avbo, a na embela va nyambade gwaye, khuye: ‘Khugani mahoni gwangu, enu mu vadwego, indrani niloni nya gupindruge wu dongisedwego Sathane ni dzingilozi dzaye.

Luka 16:23

Na romo phalani nya nilo vbakari nya tshanisa, a di khusa maho a gu wona Abrahama nari hwindzo ni Lazaro mawogoni gwaye.

Mithumo 28:27

Kholu monyo nya vathu vava wu bangide nga giwindri Va tshikide dzindzeve ni gu sega maho, vafela gumba wona, gu mbapwa ni gumba pima gilo, va si kodzi guwuya eno gwangu gasi nyi va vbanyisa.’ ”

2 Vatesalonika 1:8

A nata khu vbakari nya nilo ata tsayisa vale va si khodwigo ga Nungungulu, ni ava va si hakhigo Mahungu nya Yadi ya Pfhumu yathu Jesu Kristo.

Vahebheru 10:27

Hi na wuyedwa basi khu hwanga nya esi si nga gutago, hwanga nya gulamudwe ni nilo nyamba tshimega, wu na gu vbisago valala.

1 Pedro 3:16

Aholu, girani esi khu monyo nya gurule ni githawo, kha nga vathu va tengidego mapimoni gwawe, gasi mwa gu vadwa, vale va ganelago guvivba khu mavbanyelo yanu nya yadi nya wukristo, va na khala dzitshoni.

Gutuledwa 19:20

Aholu girengo gi di modwa gumogo ni muprofeti nya malipha, a nga girago siliwugiso tshivbani nya girengo, a gu pengisa vatshavbo ava va nga hakhago gifungo nya girengo ni va khozeli nya gifananiso gyaye. Va vavili va rinyidwe na va gu vbanya tsivani nya nilo wu dzurago na wu gu engedzedwa khu solufa.

Gutuledwa 3:9

Nyi na gu ninga tshangano nya valandreli va Sathane, vale va dzi randrago Vajudha nari va gu lipha. Va na khidzima migondroni gwago, gasi va dziti nya gukhavo nyi ngu gu gola.

1 Samuweli 6:9

Yi khedzeni; avbo yi belago khu ndzila nya guthonone tigoni ga Bheti-Semesi, hi na dziti nya gukhethu khu Pfhumu Nungungulu wa Israyeli a hi resedego libango leli nya likhongolo; gasi ya gumba hongola iyoyo, hi na dziti nya gukhethu khandri gyandza gyaye gi nga hi saselago, aholu silo si nga dugelelago basi.”