Isaya 26:10 - Bhibhiliya Nya Guage

¹⁰ Muthu nya guvivbedwe khu monyo, ambari a gu tsetseledwa, kha hevbuli gululama, ambari a gu khala tigoni la va nya gululama, uye a gu gira ugo nya guvivbe, kha woni wugulu wa Pfhumu Nungungulu.

Isaya 26:10 Iomraidhean Croise

2 Dzipfhumu 13:6

Ambari khu guralo, kha va nga hambana ni sighoho sa nyumbani ga Jerobhowamo, a nga gira a ghohisa Israyeli watshavbo, kholu va di dzi ningela ga isoso, ni gifananiso gya Asitaroti gi di tshala na gi emide Samariya.

Dzindzimo 106:43

A va vbanyiside dzinyondro nya dzingi, aholu, avo va di hambana ni dzindzila dzaye, va engedzela gu siga maragani nya guvivbe gwawe.

Dzindzimo 143:10

Uwe khuwe Nungungulu wangu, nyi hevbudze gu gira guhaladza gwago, liphuvbo lago nya wuhindzi, li na nyi gimbidzise khu ndzila nya gululame.

Dzindzimo 69:27

Va engedzele milandru yawe, u nga va dzumedzisi va mana gu tsetseledwa.

Ekisodha 8:15

Aholu, avbo Faro a nga dzipwago na hefemudzidwe, a di bangisa gambe monyo waye, a bomba gu yingisa kha nga idzo a nga ganelago khidzo Pfhumu Nungungulu.

Ekisodha 9:30

Aholu eni nyi ngu dziti gukheni uwe gumogo ni madhota yago ni olu gambe kha mu na nga thava mbeli ga Pfhumu Nungungulu.”

Ekisodha 9:34

Faro na wonide gukhuye ndzadzi yi khamugide gumogo ni mabara ni maralala, a di simamisa a ghoha khu gu dzi bangisa monyo waye uye ni sithumi saye.

Mavingu 1:32

Kholu sipumbu si nafa khu gumba yingisa gwawe, ni va nyambana mapimo, va na dzi kembela liphala khu gumba dzi garadza khu gilo.

Muhevbudzi 3:16

Hwane nya isoso, nyi wonide gambe esi mafuni momu; guvivba gu di fuma wulangani nya wulamuli, ni gighoho gi fuma wulangani nya gululame.

Muhevbudzi 8:11

Kholu gulamudwa ga va nya guvivba kha gu vbiredzi gu vboha, khu kharalo, myonyo ya vathu ya gu dogorela silo nyamba sadi.

Isaya 1:21

Wonani lidhoropa leli nya gutumbege, li vbindrugedzidego li khala libhemba! Umo gu nga bani na gu tade khu gululama, olu, gu tade khu sighevenga!

Isaya 2:10

Sihalani dziphagoni nya siwindri, belani vbavbatshi nya mavbala, mu thava likhulo la Pfhumu Nungungulu ni wudhumo nya wugulu waye.

Isaya 24:5

Kholu mafu ma nyenyezide khu kotani ya vavbanyi vaye, kholu va yeyiside milayo ni gu hambanisa sileletelo, va kavila gidzumeledzwano nya gupindruge.

Isaya 27:13

Khilo litshigu lile gu na wombwago pundru nya wukhongolo, avo va nga bani va dzimede tigoni ga Asiriya, ni vale va nga bani va vbagedwe va yiswa tigoni ga Egipito, va na wuya va ta khozela Pfhumu Nungungulu, gigomoni nya gukatege gya Jerusalema.

Isaya 32:6

Kholu gipumbu gya gu ganela wupumbu. Ni monyo waye wa gu pimisa basi gu gira silo nya guvivbe ni wughevenga. A gu ganela guvivba a wugela Phumu Nungungulu, a mu liphela. Kha khathali khu gu ninga guhodza vandzale, ni gu ninga mati nya gusele ga wule apwago lidora.

Isaya 32:7

Mipimiso ya muthu nya gidambane, yi vivbide, a gu gira makungo nya guvivbe, gasi gu ghohetela mahungu nya sisiwana khu malipha, a si ganedza ambari sa gu ganela lisine.

Isaya 5:12

Mibuzoni gwawe, va gu sela wadwa na va gu womba sitendre, sitoliyo, singomana ni dzitsholi, aholu kha va theli kota khu sigiro sa Pfhumu Nungungulu, ambari gu wona mithumo ya mandza yaye.

Jeremiya 2:7

Nyi mi vbohiside ga litigo nya gunone gasi mu hodze mihandro yaye ni silo saye nya sadi; aholu na mu bede umo, mu di li nyenyezisa mu ghohetela ni thomba yangu.

Jeremiya 31:23

Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: “La gu vboha litshigu nyi na kategisago litigo la Judha gumogo ni madhoropa yaye, avo va na ganela gambe magana yaya, khavo: Pfhumu Nungungulu a na gu kategise, uwe ndranga nya gululame, uwe gigomo nya gukatege!”

Hoseya 11:7

Kholu vathu vangu va thendregedzide va nyi pfhurarela; ambari va gu ranwa khuye a Khusegidego Ngudzu, mwalo ni moyo a dzumelago gu mu ninga githawo.

Hoseya 13:6

Avbo nyi nga bani nyi gu va hodzisa va khura, avo va di tsaka, avbo va nga bani va tsaka, myonyoni gwawe, gu di tala khu matshandza; khu guralo, va di divaledwa khu eni.

Hoseya 9:3

Kha va na simama gu khala tigoni ga Pfhumu Nungungulu, aholu Efrayimi a na bwelela tigoni ga Egipito, va naya hodza guhodza nya gunyenyeze tigoni ga Asiriya.

Mikeya 2:10

Khugani mu hongole, kholu avba khandri wulanga nya guhefemule. Khu kotani nya wudambane wanu mu pfhungumulago khuwo, mu engedzela gu pfhungumula.

Matewu 4:5

Khavbo avbo, Sathane a di mu dzega a gu hongola naye dhoropani nya gukatege; aya mu emisa gikolitunu nya Nyumba ya Nungungulu,

Dhewuteronome 32:15

Aholu Jakobe, a di ena a gugumugelana a tala khu mafura, aholu a di hambana ni Nungungulu a nga mu vangago, a wugela Giwindri nya guvbanyiswe gwaye.

Gutuledwa 2:21

Eni nyi mu ningide gikhati nya gu vbindrugedze, aholu, uye kha dzini gu vbindrugedza mavbanyelo a diga wuphuphulu waye.

1 Samuweli 15:17

Samuweli a di engedza a mu embela, khuye: “Ambari ulo u nga bani u dzi wona kha nga gyanana guwonani gwago, ina khwa khala muthangeli nya mahundzu yatshavbo ya na Israyeli, ni gu todzwa khu Pfhumu Nungungulu gu khala mufumeli wawe, gani?”