Isaya 24:9 - Bhibhiliya Nya Guage

⁹ Kha gu nga gu sedwa gambe vbinyu na gu embeledwa dzindzimo; kholu wadwa nya guvave wu nga bani wu gu sedwa, kha wu nga gutshamba gambe ga vale va wu selago.

Isaya 24:9 Iomraidhean Croise

Dzindzimo 69:12

Va gu ganela khu enu dzinyangwani nya lidhoropa, vamaleveni va gu nyi hega, va nyi poyila.

Muhevbudzi 9:7

Olu indra uya dzi hodzela khu gutsaka u sela vbinyu yago monyo wago na wu salalegide; kholu, Pfhumu Nungungulu a ngu tsaka khu mithumo yago.

Isaya 5:20

Libango ga vale va wonago guvivba khavo khwadi, wuwadi khavo wu vivbide; gidema khavo guwonegela, guwonegela, khavo gidema; esi si vavago, khavo si ngu lombela, iso nya gulombele, khavo si ngu vava!

Isaya 5:22

Libango ga vale va dzi girago dzingwazi nya gusele wadwa, ni vale va dzi pwago na vari dzindrena nya guphule wadwa nya guvave!

Ezekiyeli 26:13

Nyi na fuvisa dzindzimo dzago nya litsako, ni gudzuma nya sitendre gima kha gu na pwala gambe.

Amosi 8:10

Nyi na vbindrugedza mibuzo yanu yi khala gililo, ni dzindzimo dzanu dzi khala dzihuwa, musiwununi gwanu, mwatshavbo mu na hunga myendra nya silendra, mihungoni gwanu mwatshavbo mu na vbaludwa makhwalu. Litshigu lolo, li na khala na liri la gililo nya gufanane ni wule a nga fedwa khu gyanana gya gimwegyo, mahegiso gwaye nga litshigu nya wuvi.

Amosi 8:3

Aholu dzindzimo dza Nyumbani ga Nungungulu, khu litshigu lolo, dzi na vbindrugedza dzi khala gililo, a ngu ganela Pfhumu Nungungulu; malangani gwatshavbo gu na tala khu sirumbi nya vathu, si na dzudzugwa vbavbandze na va degude.

Zakariya 9:15

Pfhumu Nungungulu nya Tshivba Yatshavbo a na vhikela vathu vaye, a na mbembisa valala vaye, va gandredzela siwindri nya gundziwitedwe; va na sela novba wa valala vawe va gira ligwaha kha nga vathu va levidego khu vbinyu; kha nga novba nya sirengo wu tadzago dzimbiya nya miphaso, va mitegedzela kha nga mati dzikhonani nya giluvelo.