Isaya 24:5 - Bhibhiliya Nya Guage

⁵ Kholu mafu ma nyenyezide khu kotani ya vavbanyi vaye, kholu va yeyiside milayo ni gu hambanisa sileletelo, va kavila gidzumeledzwano nya gupindruge.

Isaya 24:5 Iomraidhean Croise

2 Samuweli 23:5

Wufumu wangu wu khalegide gwadi mbeli ga Nungungulu. Kholu uye giride ni eni gidzumeledzwano nya gupindruge, gidzumeledzwano gi tumbegidego gi dongisedwego gwadi. Uye a na nyi gira nyi dugelela ga satshavbo a nyi ninga satshavbo nyi si vbwetago.

2 Dzipfhumu 21:12

Khu guralo, Pfhumu Nungungulu wa Israyeli a ngu ganela kharati, khuye: “Nyi na resa tshanisa Jerusalema ni Judha, tshanisa nya yikhongolo nya gu ni wule a na gu yipwago, dzindzeve dzaye dzina tshimega.

2 Dzipfhumu 21:15

Kholu va giride iso si vivbidego mahoni gwangu va nyi wugela va nyi gorosa, gukhugela litshigu vababe vawe va dugidego khu tigoni ga Egipito kala muhuno.”

2 Dzikoronika 33:9

Manasi a di ghohisa va na Judha ni vavbanyi va Jerusalema, va gira ugo guvivbidego ngudzu, guvbindra mayigo Pfhumu Nungungulu a nga bani a ma mbembiside gasi gu ninga mayigo yawe va na Israyeli.

Dzindzimo 105:10

A si tiyiside si khala nayo ga Jakobe, si khala pwanano ga Israyeli kala gupindruga.

Dzindzimo 55:5

Nyi modwe khu hwanga ni gundrendremela, nyi fenengedzidwe khu gidema nya guthise.

Isaya 10:6

Nyi ngu mu ruma guya dwana ni litigo li vivbedwego khu monyo, nyi mu leletede guya wugela vathu nyi gorogidego khavo, nyi mu ningide nayo nya guya va phanga ni gu wandra silo sawe, ni gu va gandredzela kha nga maraga ya mudzindzilani.

Isaya 30:9

Kholu vathu vava, khu lisine vathu nya guyeyise; sanana nya malipha, si si vbwetigo gu yingisa nayo wa Pfhumu Nungungulu.

Isaya 33:8

Dzindzila dzi khade marumbi, mwalo muthu a gimbilago gambe khidzo; kholu gu fuvisidwe gidzumeledzwano, madhoropa ma gu hembuludwa, mwalo a ma khathalago.

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Isaya 9:17

Khu guralo, Pfhumu kha na nengedziswa khu madzaha yawe, ambari gu pwela gisiro dzikhulungu ni dzinoni dzawe, kholu vatshavbo vakanganyisi ni sighohi, magana yawe yatshavbo ma gu ganela wupumbu. Khu satshavbo sesi, likhulo laye kha li bosi, ni libogo laye li nga thawulugide.

Jeremiya 11:10

Va bwelelede ga sihevbulo nya guvivbe sa vababe vawe, va ngamba dzina gu yingisa magana yangu; va khozela vanungungulu nya malipha; nyumba ya Judha ni Israyeli va yeyiside gidzumeledzwano nyi giridego ni vababe vawe.

Jeremiya 50:5

Va na wudzisa ndzila yi hongolago Siyoni, siwombo sawe si na thonona iyo; va na dzi tshanganisa ga Pfhumu Nungungulu ga gidzumeledzwano nya gupindruge, gi na gumba divadwa gambe.

Ezekiyeli 16:59

Mune Pfhumu Nungungulu a ngu ganela kharati, khuye: “Nyi na gu tsayisa gukhedza khu mithumo yago u giridego; kholu u yeyiside gisambanyo gyangu, u funya gidzumeledzwano gyangu.

Ezekiyeli 20:13

Aholu va na Israyeli va nyi kanyiside giwulani, va si landrisi sileletelo sangu, va hambana ni milayo yangu, gasi khu gu yi landrisa, va di hadza guvbanyiswa khiyo; gambe, va nyenyeziside dzisabhadho dzangu; khu guralo, nyi va embede gukheni nyi na guhula likhulo langu vbatshani gwawe, gasi nyi va mbembisa giwulani.

Ezekiyeli 20:24

kholu kha va sayisa milayo yangu, aholu va di nyenya sileletelo sangu ni gu nyenyezisa dzisabhadho dzangu, maho yawe ma dogorela sifananiso sa vavelegi vawe.

Ezekiyeli 37:26

Nyi na hunga navo gidzumeledzwano nya pwanano; gi na bani giri gidzumeledzwano nya gupindruge. Nyi na va tiyisa ni gu va andrisa, nyi na vega nyumba yangu nya miphaso vbakari gwawe, kala gupindruga

Dhaniyeli 7:25

Mufumo wowu, wu nata ganela malito nya guwugele oyu a Khusegidego ngudzu, wu tshanisa sihathwa saye, wu na zama gu vbindrugedza milayo ni matshigu; sihathwa saye si na ningedwa mandzani gwaye khu gikhati nya guningane myaga miraru ni gipandre.

Dhaniyeli 9:10

kha ha yingisa Pfhumu Nungungulu wathu, ambari gu yingisa milayo u hi ningidego khu ga vaprofeti, sithumi sago.

Dhaniyeli 9:5

Hi ghohide, hi gira silo nya guvivbe, hi dzi vangede libango khu gu gu pfhurarela, hi hambana ni milayo ni sileletelo sago.

Hoseya 6:7

Avo va pide gidzumeledzwano kha nga Adhamu, va si tumbegi avbo gwangu.

Levhi 20:22

Khu guralo, mu na vegisani milayo yangu yatshavbo, ni sileletelo sangu satshavbo, mu si landrisa, gasi litigo nyi mu yisago muya vbaha umo li si mi gosi.

Levhi 26:35

Li na hefemula khu matshigu yaye li na gu bani liri giwula, kholu khala kodza gu hefemula ndrani nya dzisabhadho nya matshigu yale mu nga bani mu vbanya umo.

Mikeya 2:10

Khugani mu hongole, kholu avba khandri wulanga nya guhefemule. Khu kotani nya wudambane wanu mu pfhungumulago khuwo, mu engedzela gu pfhungumula.

Luka 1:6

Vatshavbo va vavili va di lulamide mahoni ga Nungungulu; va di gu landrisa milayo ni siguruvedzo sa Pfhumu khu ndruda yatshavbo, guvbanyani gwawe, gima kha va manwa vari ni gihoso.

Dhewuteronome 32:15

Aholu Jakobe, a di ena a gugumugelana a tala khu mafura, aholu a di hambana ni Nungungulu a nga mu vangago, a wugela Giwindri nya guvbanyiswe gwaye.

Dhewuteronome 32:20

A ganela, khuye: Nyi na va sihela khovbe yangu, nyi na wona khu mevbini mahegiso yawe, kholu avo melana nya guyeyise, a gu sanana nyamba tumbega.

Vahebheru 13:20

Khu guralo, Nungungulu nya gurule, khu novba nya gidzumeledzwano nya gupindruge wuside khu ga vafudego Pfhumu yathu Jesu Kristo, a khadego Muhavisi nya khongolo nya tshambi.

Vahebheru 9:1

Gidzumeledzwano nya guhegule gi diri ni milayo nya maphaselo yaye, ni nyumba nya miphaso nya gugirwe khu mandza nya vathu, umo a nga bani a gu khozedwa umo Nungungulu.

Josuwa 23:16

Mwa gu hambanisa gidzumeledzwano gya Pfhumu Nungungulu wanu, a mi leletedego, mu ya thumela vambe vanungungulu ni gu va khozela, khavbo avbo likhulo la Pfhumu Nungungulu li na khondra vbakari gwanu, mu na vbelani nyamba hwela tigoni momu nya gwadi a mi ningidego.

Josuwa 24:25

Khu kharati, litshigu lile Josuwa a di gira gidzumeledzwano ni vathu a gi vega kha nga sileletelo ni fanelo tigoni ga Sikemi.