Isaya 24:4 - Bhibhiliya Nya Guage

⁴ Mafu momo gililoni ma bwelo khavbo ma wu na; litigo li rerekide li vbela tshivba, vakhongolo nya vathu va tigoni va vbede tshivba.

Isaya 24:4 Iomraidhean Croise

Isaya 24:21

Khu litshigu lolo, Pfhumu Nungungulu a na lamula mabutho ya ndzadzini, gumogo ni vafumeli nya mafu, tigoni.

Isaya 24:3

Mafu ma na khala giwula nya guvbelele, kholu Pfhumu Nungungulu ganede magana yaya.

Isaya 28:1

Libango ga Samariya, gihugu nya matshandza nya sidhakwa sa Efrayimi! Lidhoropa li vbahidwego vbatshani nya kova nya gunone, wumburi nya wuzundzo waye wa gu fanana ni genge nya wumburi nya guwune gi vegidwego hungoni nya vathu va levidego.

Isaya 3:26

Dzinyangwani nya lidhoropa lago, gu na pwala dzihuwa; u na tshala nyambana gilo, Siyoni a khala vbavbatshi huye hokohoko.

Isaya 33:9

Litigo lomo mugililoni ni guvbela tshivba; Libhanoni a gu wu na khu dzitshoni; Saromi, vbindrugedzide a fanana ni giwula, Sihagane sa Bhasani ni Karimelo si moride.

Isaya 64:6

Aholu ethu hatshavbo hi womo kha nga wule a nyenyezidego, ni gululama gwathu gwatshavbo, kha nga mwendra nya gunyenyeze; hatshavbo hi ngu wu na kha nga mahagane, ni guvivba gwathu, gwa gu fanana ni phuvbo yi hi vbuvbisago.

Jeremiya 12:4

Kala lini litigo na liri ni gililo, ni gu banga mwasi wa marembweni gwatshavbo? Khu kotani nya guvivbe nya avo va vbanyago umo, gu ngu mbemba sirengo ni sinyoni; na va gukhavo: “Uye kha na wona mahegiso yathu.”

Jeremiya 4:28

Khu guralo, mafuni gu na lidwa, ni ndzadzini gu na sivbala; kholu khiso nyi fungidego, kha nyi dzi layi ambari gu bwelela hwane.

Gililo 1:4

Dzindzila nya guhongole Siyoni dzomo gililoni; Mwalo ni moyo atago ga mibuzo yaye, myanya yaye yi pfhungumudwe, vaphasi vaye nya mhamba va gu tsikwila khu marongo, vanyamahegyane vaye va gu tshaniseka, uye mune wurumba tade khu wuvi. He

Hoseya 4:3

Khu guralo, litigo li ngu lila, vatshavbo va vbanyago umo va ngu vbela tshivba; gumogo ni sirengo sa khabini, sinyoni sa damboni, ni dzindzandzi dza phwani sa gufa.

Joyele 1:10

Va sasede lithembwe, litigo lomo gililoni, kholu va ghohetede tirigu, wadwa nya dosi nya dziuvha, mafura kha ma manegi gambe.