Isaya 24:18 - Bhibhiliya Nya Guage

¹⁸ Uye a na thavago lito nya tshanisa a na thegela phalani, ni uye a na dugago khu phalani, a na modwa khu lizinga; kholu sihogo sa ndzadzini si tulegide, gu tsekatseka siseketelo nya mafu.

Isaya 24:18 Iomraidhean Croise

Genesi 19:24

Khavbo avbo, Pfhumu Nungungulu a di wisa madhoropani ga Sodhoma ni Ghomora, ndzadzi nya sulufa ni nilo nya gute khu ga Nungungulu.

Genesi 7:11

Mwaga Nowa a nga tshanganisago livbandre na limwedo mazana (600) myaga nya guvelegwe gwaye, khu litshigu nya likhumi na livbandre na mavili (17) nya ngima nya wuvili, mati ya guetani nya mafu ma di kowoga khu tshivba khu musifefeni satshavbo, ni dzinyangwa nya mati ya vbatshani dzi di tulega.

2 Dzipfhumu 7:2

Aholu ndruna mweyo ya mufumeli eyi a nga bani a gu khighela vbagyandzatunu gwaye, yi di phindrula muthu wa Nungungulu, khiyo: “Ambari Pfhumu Nungungulu a gu tula sihogo ndzadzini, ina silo soso si nga kodzega gu girega, gani?” Uye a di hakha, khuye: “Uwe u na si wona khu maho yago, aholu khu na nga si hodza.”

Joba 20:24

Ambari a gu vbuluga litshari nya dzisimbi, a na ya hekhwa khu gighalala nya sugu.

Dzindzimo 18:15

Khavbo avbo, gu di wonega gueta nya yiphwa, gu fuguga matshina nya litigo khu kotani nya gudzume gwago Pfhumu Nungungulu, ni phuvbo yi nga furugedza khu dzithonvuni gwago.

Dzindzimo 18:7

Litigo li di thuruga li ndrendremela, matshina nya sigomo ma di kutsungwa khu kotani nya likhulo laye.

Dzindzimo 18:8

Wu di duga wutshi khu dzithonvuni gwaye, khu kanani gwaye, gu duga nilo nya guvbise, gu duga magala nya gungangamele.

Muhevbudzi 9:12

Muthu nuye kha giti gikhati gyaye nya gufe; a gu fanana ni ndzandzi yi modwago khu ligoga, ni ginyoni gi modwago khu naphwi, sanana nya vathu niso kharato, si na dugedwa khu mhango gikhati gyawe, va thegedwa khiyo khu githugedza.

Isaya 13:13

Khu guralo, nyi na ndrendremedzisa damboni; mafu ma na khuga wulangani gwaye, khu kotani nya likhulo la Pfhumu Nungungulu nya Tshivba Yatshavbo, ni kotani nya litshigu nya likhulo laye nya guthise.

Isaya 2:19

Avbo, vathu va naya sihala dziphagoni nya siwindri, ni vbavbatshi nya mavbala, khu gu thava likhulo nya guthise li tago khu ga Pfhumu Nungungulu, ni gungangamela nya wugulu waye, gikhati a na tago guta thusa litigo.

Isaya 2:21

Vathu va na bela dziphagoni nya siwindri ni mavbalani nya sigomo, khu gu thava likhulo la Pfhumu Nungungulu ni gungangamela nya wugulu waye, gikhati a na tago guta thusa litigo.

Isaya 42:22

Gambe vathu vava, va dhumedwe ni gu bedwa silo sawe, vatshavbo va dzudzugidwe mavbalani ni gu khothedwa mapasoni; va modwe, aholu va mwalo mutshudzisi, va phangidwe, aholu mwalo a ganelago, khuye: “Va bweledzeleni!”

Isaya 8:14

Uye a na bani ari wulanga wanu nya miphaso; kholu a na khala kha nga giwindri nya gutshunganise ni givalo nya dzinyumba dza dzimbili dza Israyeli, ni naphwi nya gutshunganise vavbanyi va Jerusalema.

Jeremiya 48:43

Hwanga, liphala ni milaphwi si mi lirede enu vavbanyi va Mowabhi, a ngu ganela Pfhumu Nungungulu.

Jeremiya 48:44

Uye a khalago hwanga a thava, a na thegela phalani, ni uye a na dugago khu phalani, a na modwa khu naphwi. Kholu nyi na resa avbo gwaye navbo ga Mowabhi, mwaga nya tsayiso waye, a ngu ganela Pfhumu Nungungulu.

Gililo 3:47

va hi thela hwanga va hi mola khu milaphwi, va hi mbembisa hi fuva.

Ezekiyeli 11:8

Enu mu na ni hwanga ni matshari, aholu eni nyi na mi resela matshari, a ngu ganela Mune Pfhumu Nungungulu.

Ezekiyeli 12:13

Nyi na thawuludza ligoga langu vbatshani gwaye, uye a na modwa khu lizinga langu; Eni nyi na mu yisa Bhabhiloni, tigoni nya Vakalidhiya, aholu uye kha na li wona, a naya fela iyoyo.

Ezekiyeli 15:7

Nyi na va wugela; avo va na duga khu niloni, aholu, nilo wu na va dagaredzisa; khavbo mu na dzitigo gukhenu Eni kheni Pfhumu Nungungulu, gikhati nyi na gu va wugelago.

Amosi 5:18

Libango ga vale va vbwetago gu wona litshigu la Pfhumu Nungungulu! Mwa gu li vbwetela ginani gu li wonani litshigu leli la Pfhumu Nungungulu? A na bani nari litshigu nya gidema, nyambana wenengedzo.

Amosi 5:19

Li na gira kha nga muthu a thavago mbeli nya nghala, bwelo khavbo a manana ni gikankanka, mwendro gu muthu a gu bela nyumbani gwaye, mandza yaye a gu phara vbandzaritunu a hodzwa khu nyoga.