Isaya 24:1 - Bhibhiliya Nya Guage

¹ Wonani nya gukhenu! Pfhumu Nungungulu a na mbembisa litigo a li gira marumbi, a vbindrugedza litigo ni gu phalalegisa vavbanyi vaye.

Isaya 24:1 Iomraidhean Croise

2 Dzipfhumu 21:13

Nyi na pima Jerusalema khu ngodzi nya lipimo nyi nga pimago khiyo Samariya, ni pimo nya nyumba ya Akazi; nyi na guha Jerusalema, kha nga idzo muthu a guhago mbiya a yi fenengedza.

Nehemiya 1:8

Dundruga magana u leletedego githumi gyago Mosi u nga khuwe: Mwa gumba ma landrisa, nyi na mi phalalegisa mu legalega ni mayigo.

Dzindzimo 146:9

Pfhumu Nungungulu a ngu emela valuveli; a ngu tangadzisa dzikhulungu ni dzinoni, gambe a ngu segela dzindzila va nya guvivba.

Isaya 13:13

Khu guralo, nyi na ndrendremedzisa damboni; mafu ma na khuga wulangani gwaye, khu kotani nya likhulo la Pfhumu Nungungulu nya Tshivba Yatshavbo, ni kotani nya litshigu nya likhulo laye nya guthise.

Isaya 13:5

Va guta khu mayigoni ya hwindzo nya mahegiso nya lidambo. Khu Pfhumu Nungungulu ni matshari nya likhulo laye, a tago guta sasela litigo latshavbo.

Isaya 2:19

Avbo, vathu va naya sihala dziphagoni nya siwindri, ni vbavbatshi nya mavbala, khu gu thava likhulo nya guthise li tago khu ga Pfhumu Nungungulu, ni gungangamela nya wugulu waye, gikhati a na tago guta thusa litigo.

Isaya 24:19

Mafu yatshavbo ma na pandrega, ma kabanega khu vbakari, ma kutsungwa, ma tsekatseka khu tshivba.

Isaya 24:20

Mafu ma na khuyuga ma dhedhereka kha nga muthu nya guleve, ma na kutsungega gu fanana ni mwendra nya gu vhikele dzitshuna; ma na lemedwa khu sighoho saye, ma na thega nyamba kodza gu wuga gambe.

Isaya 27:10

Kholu lidhoropa nya gutiye li khade marumbi, kha gu na khala gambe muthu umo, li vbindrugedzide li khala giwula, va na havisela umo dzimombe, dzi lala umo, dzi hodza matamo ma tshadego.

Isaya 29:16

Sipumbunu! Ina muwumbi a ngu fananiswa ni libumba, gani? Ina gilo gi giridwego khu muwumbi waye, gi ngu kodza gu, khigyo: “Eni kha nya girwa khuye, gani?” Mwendro muthu a gu gira gilo, gilo gi ngu kodza gu embela mugiri waye, khigyo: “Uye khati gilo, gani?”

Isaya 29:2

Khu guralo, nyi na randrela lidhoropa la Ariyeli khu malanga yatshavbo, gu na manega umo gililo ni wuvi; ilo avbo gwangu li na khala nga gikho nya giluvelo.

Isaya 30:32

Ndronga ni ndronga Pfhumu Nungungulu a na va vetago khiyo gasi gu va tsayisa, yi longoloka ni guwombwa singomana ni sitendre. A na dwana navo khu gyandza nya gukhugege.

Isaya 32:12

Nogisani dzithamo dzanu mu lilela marembwe yanu nya gunone ni dzimbewu mu nga bani mu gu fuma.

Isaya 33:9

Litigo lomo mugililoni ni guvbela tshivba; Libhanoni a gu wu na khu dzitshoni; Saromi, vbindrugedzide a fanana ni giwula, Sihagane sa Bhasani ni Karimelo si moride.

Isaya 34:10

Wutshigu ni mihani wu na khondra nyamba tshimega; wutshi wu na tuviga wu gwela gikhati gyatshavbo; gu na vbindra situgulwana ni situgulwana na gu ngari marumbi, guvbindra mazanazana myaga, nyamba tsemakanya muthu umomo.

Isaya 34:2

Kholu Pfhumu Nungungulu a gorogede mayigo yatshavbo; ni likhulo laye lomo vbatshani nya mabutho yawe; uye a ma ningede ma songetedwa ni gu mbembisedwa muphelo.

Isaya 42:15

Nyi na khungumula sigomo ni sigomwana, nyi bangisa mwasi waye, mitsongo yi na vbindrugedza yi khala sidwa, nyi bangisa matsiva.

Isaya 5:6

Nyi na li vbindrugedza li khala giwula, miuvha gima kha yi na avbuledwa gambe, mwendro gu limedwa, aholu umomo, gu na dandra miba ni sirangalabwa, nyi na ruma mapfhi ma si wisi ndzadzi umo.

Jeremiya 4:7

Nghala yi dugide khu phalani gwaye, ni musaseli nya mayigo womo ndzilani; khugide wulangani gwaye gasi guta sasela litigo lago. Madhoropa yago ma pfhungumudwe ma khala marumbi gu si khali muthu umomo.

Jeremiya 40:15

Khu guralo, Jowanani, mwamana wa Kareya, a di dzega Gedhaliya dhoropani ga Misipa, aya ganela naye khu phuvbo, khuye: “Nyi dige nyiya songa Ismayeli, mwamana wa Netaniya, gasi mahungu yaya ma nga tidwi khu muthu, gasi uye a si gu songi. Khu ginani uye a vbwetago gu phalalegisa Vajudha vatshavbo va widego vata tshangana nago, ni gu fuvisa mitshaledwa yatshavbo ya Judha?”

Jeremiya 50:17

Israyeli a gu fanana ni nvuta yi dzimedego, yi sotwago khu dzinghala; nya guphele gu mu songa khu mufumeli wa Asiriya; khu guhegisa, Nabhukodhonosori, mufumeli wa Bhabhiloni, a di mu fanyeledzela marambo.

Jeremiya 51:34

Nabhukodhonosori, mufumeli wa Bhabhiloni a nyi hodzide, bwelo khavbo a nyi gandredzela, a nyi gira nga kanvu nya liphanga, a nyi midza nga mwamilambo, a tadza gisusu gyaye khu silo sangu nya sadi, bwelo khavbo a nyi dzudzuga hwindzo.”

Jeremiya 9:16

Nyi na va phalalegisa ni mayigo, avo va si matigo, ambari ni vavelegi vawe va ngamba mati, nyi na ya va vbedza khu matshari kala havo bhi.”

Ezekiyeli 12:20

Madhoropa ma khadwago khu vathu ma na khala marumbi, ni litigo li na khala giwula. Khu guralo, mu na dzitini gukhenu eni kheni Pfhumu Nungungulu.”

Ezekiyeli 24:11

Khu hwane u vega khali nya liphanga vbatshani nya magala nya nilo, gasi yi vbisa, kala sugu waye wu ngangamela, ni gunyenyeza gwaye gu nyivilige ni gu pfhurela gwaye gu vbiswa gu mwalalege.

Ezekiyeli 35:14

Mune Pfhumu Nungungulu, a ngu ganela kharati, khuye: Avbo litigo latshavbo li na gu dzipwa na li tangade, eni nyi na gu pfhungumula u khala marumbi.

Ezekiyeli 5:14

Nyi na gu gira marumbi ni gu gu gira givalo vbakari nya mayigo nya vaakelane vago, ni mahoni ga vatshavbo va na vbindrago khavbo gwago.

Ezekiyeli 5:2

Gikhati ma vbelago matshigu nya gurandredwe lidhoropa, u na vbisa niloni gipandre nya wuraru nya ndzudzu ndrani nya lidhoropa. Dzega gimbe gipandre nya wuraru u gi pilela khu litshari maphuvbo yatshavbo ya dhoropani. U mwaladzela gimbe gipandre nya wuraru gi vbuvbiswa khu phuvbo; kholu eni nyi na va lundra khu hwane khu litshari.

Ezekiyeli 6:14

Nyi na thawuludza libogo langu vbatshani gwawe, nyi pfhungumula litigo lawe gukhugela giwulani gya Marandzi, kala dhoropani ga Ribila, phuvbo ga Wuronga, nyamba tshiya ni wulanga wumowo nya umo va vbanyago umo va na Israyeli; gikhati gyogyo va na dziti gukhavo kheni Pfhumu Nungungulu.”

Ezekiyeli 6:6

Ni evbini mu na ya vbahago umo, madhoropa ma na khungumudwa, ni siluvelo nya wuhedheni si na pandreledwa si khala marumbi, ni siluvelo sawe nya libani si na khungumudwa ni yatshavbo mithumo ya mandza yanu yi na fuviswa.

Ezekiyeli 7:12

Gu vbohide gikhati, litshigu li vbohide. Murengi a nga nengeli, ambari murengisi a nga khuveki; kholu likhulo lomo vbatshani ga gidzemo gyatshavbo.

Ezekiyeli 7:14

Ambari mwa gu womba pundru, mu dzi dongisela gwadi, mwalo ni moyo a na hongolago nyimbitunu, kholu likhulo langu lomo vbatshani ga gidzemo gyatshavbo.”

Nahume 1:5

Sigomo sa gu ndrendremela mbeli gwaye, sigomwana si nyiviliga; mafu ma tsekatseka mbeli gwaye, li ndrendremela litigo ni vatshavbo va vbanyago umo.

Nahume 2:10

Lidhoropa la Ninivha liphanga! Li mwalo gambe, li mbembisidwe, li khade marumbi; monyo wu rerekide, dzikhungumudzi dza gu khuyugela ni siwunu sawe satshavbo sa gu ndrendremela ni dzikhovbe dzawe dzatshavbo dzi thuvigide.

Luka 21:24

Nya vangi va na songwa khu matshari, vambe va na vbagedwa va gu yiswa mayigoni kha nga dzikhumbi; Jerusalema gu na gandredzedwa khu va nya mayigo kala gi vbela gikhati gyawe.

Mithumo 17:6

Na va va hamugile, va di ndrindrandrindra Jasoni ni vambe vandruye va gu hongola navo ga vafumeli vaya, khavo: “Ava vama va wusidego pfilupfilu tigoni gwatshavbo va vbohide ni omu gwathu gambe,

Dhewuteronome 28:64

Pfhumu Nungungulu a na mi phalalegisa ga mayigo yatshavbo gukhugela mahegiso kala mambe mahegiso nya litigo; iyoyo mu na ya thumela vanungungulu nya guvatwe khu misimbo ni siwindri, avo mu si vatigo ambari vababe vanu navo va ngamba vati.

Dhewuteronome 32:26

Eni nyi di, kheni: Nyi na va phalalegisa, nyi fuvisa gialakanyiso gyawe vbakari nya vathu.

Dhewuteronome 4:27

Pfhumu Nungungulu a na mi phalalegisa vbakari nya mayigo, mu na tshala na muri tengo nya wudugwana vbakari nya vathu nya mayigo Pfhumu Nungungulu a na mi yisago umo.

Jakobe 1:1

Eni Jakobe, githumi ya Nungungulu ni ya Pfhumu Jesu Kristo, nyi ngu losa likhumi na mavili mahundzu ma phalalegidego ni litigo latshavbo.