Isaya 23:9 - Bhibhiliya Nya Guage

⁹ Khu Pfhumu Nungungulu nya Tshivba Yatshavbo a hungidego makungo nya guvbedze matshandza yatshavbo nya wumburi, ni gu vbwasamisa vale va gu ni ndruma tigoni.

Isaya 23:9 Iomraidhean Croise

Joba 12:21

A ngu thela dzitshoni vathangeli, a vbedza tshivba nya sitetema.

Dzindzimo 107:40

Nungungulu a di nyenya vatshanisi, a va dzimedza va legalega giwulani nyambana ndzila.

Ekisodha 8:4

Vanyakhele va na lita vbatshani gwago, vbatshani ga vathu va tigoni gwago ni vbatshani ga dzindruna dzago.”

Isaya 10:33

Aholu, wona nya gukhuwe Pfhumu Nungungulu nya Tshivba Yatshavbo, a na pila matamo khu gigaha, misimbo ya sigomoni yi na siguledwa, matamo nya gulaphe, ma na vbadzuledwa.

Isaya 13:11

Nyi na tsayisa litigo khu kotani nya guvivbe gwaye, ni va nya guvivba khu kotani nya gughohe gwawe, nyi fuvisa matshandza ya avo va dzi khusedzago, nyi thela dzitshoni avo va dzi gugumugisago ni va nya dzihanyi.

Isaya 14:24

Pfhumu Nungungulu nya Tshivba Yatshavbo, a di sambanya, khuye: Makungo yaya nyi ma pimisidego, ma na tadzisega, ni esi nyi hungidego, si na girega.

Isaya 14:26

Aya khu makungo ma hungidwego tigoni gwatshavbo; egi khu gyandza gi thawuludzidwego ga mayigo yatshavbo.

Isaya 14:27

Pfhumu Nungungulu nya Tshivba Yatshavbo a si hungide; khu mani a na gu si ganedzago, na? Gyandza gyaye a gi thawuludzide; khu mani a na gi bweledzago hwane?

Isaya 2:11

Khu litshigu lolo, maho ya va nya matshandza ma na poyidwa, ni vathu va dzi khusedzago, va na vbwasamiswa; Pfhumu Nungungulu khuye basi a na gu khusedzwago khu litshigu lolo.

Isaya 2:12

Kholu Litshigu la Pfhumu, Nungungulu nya Tshivba Yatshavbo, li nata ga va nya matshandza ni ga va nya gu dzi khusedza, ni ga vatshavbo va nya gu dzi gugumugisa gasi va vbwasamiswa;

Isaya 2:17

Khu litshigu lolo, vathu va dzi khusedzago va na thedwa dzitshoni, ni avo va dzi gugumugisago va na vbwasamiswa. Pfhumu Nungungulu khuye basi a na khusedzwago.

Isaya 23:10

Tsemakanya litigo lago u fanana ni tsongo nya khongolo wa Nilo, uwe nyamahegyane wa Tarisisi, kholu mwalo a gu himbedzelago.

Isaya 32:13

Tigoni ga vathu vangu, gu na buga miba ni sirangalabwa; gumogo gambe ni dzinyumbani gwatshavbo gu nga bani gu tsakwa umo, dhoropani puluwundrago khu gunengela.

Isaya 5:13

Khu guralo, vathu vangu va na vbagedwa va yiswa wugumbitunu, khu gumbana mapimo. Vathu vawe nya guthavisege va nafa khu ndzala, ni gidzemo gyawe gi na dagarela khu lidora.

Isaya 9:15

Hungo khu madhota ni vale nya guthavisege, muprofeti a va hevbudzago malipha, khuye a gu ngila.

Jeremiya 13:9

Pfhumu Nungungulu a ngu ganela kharati, khuye: “Khidzo kharato, nyi na hinisa matshandza ya Judha ni gu dzi khusedza ga Jerusalema.”

Jeremiya 51:62

U ganela, khuwe: Uwe Pfhumu Nungungulu, khuwe u ganedego khu gu pfhungumula lidhoropa leli khuwe, li na khala marumbi nyambana muthu mwendro girengo, gambe li na vbindrugedza li khala giwula kala gupindruga.

Obhadhiya 1:2

Wona nya gukhuwe nyi gu giride nuri moyo nya dugwana vbakari nya mayigo; va gu hembulude ngudzu.

Mithumo 4:28

vafela gu gira esi u nga si dongisela khu gale khu tshivba ni guti gwago.

Vaefeso 1:11

Khu gwaye Kristo, hi hathidwe nethu guya ningwa thomba nya guvbanyiswe hi lulamisedwego khu gale, lihaladzo a thumago silo satshavbo khu gudzina ni gugola gwaye.

Vaefeso 3:11

Owu khu sihalo wu dongisedwego khu Nungungulu gukhugela guhegulani, wu wonegisidwego olu khu ga Kristo Jesu, Pfhumu yathu.

Jakobe 4:6

Uye a ngu ninga giphaso; kholu, Milowo nya Guage yari, khiyo: “Nungungulu a ngu wugela va nya matshandza, a phasedzela va nya gu dzi nogisa.”