Isaya 23:12 - Bhibhiliya Nya Guage

¹² Ganede, khuye: “Gima khu na ndragandraga gambe khu gutsaka uwe nyamahegyane wa Sidhoni; uwe likendzi u na tshaniswago, khuga u tshatugela tigoni ga Kipre, ambari iyoyo gambe khu na ngaya mana gurula.”

Isaya 23:12 Iomraidhean Croise

Genesi 10:4

Sanana sa Javani khesi: Eliya, Tarisisi, Kitimi ni Dhodhanimi.

Genesi 49:13

Zebhuloni a na vbanya bambe ni yiphwa; a na khala kha nga masiwo nya dzingalava. Bambe nya yiphwa yaye gu na vboha kala Sidhoni.

Isaya 23:7

Gasi khandrilo eli lidhoropa lanu nya gumbure, gale mu nga bani mu dzi khusedza khilo, umo migondro yanu yi nga mi yisa mayigoni ya hwindzo ngudzu gasi mu ya luvela umo?

Isaya 37:22

aya khu magana Pfhumu Nungungulu a ganedego khu mahungu yaye: Nyamahegyane nya likendzi wa Siyoni, a ngu gu hega ni gu gu tsoredzela; nyamahegyane wa Jerusalema avbo u vbindrago a gu kutsunga hungo.

Isaya 47:1

Tshiga vbavbatshi, u khala ngumani, uwe likendzi nyamahegyane wa Bhabhiloni; khala vbavbatshi; kholu u mwalo gambe gikhalo nya wufumu, uwe nyamahegyane wa Vakalidhiya, kholu gima khu na ranwa gambe pwani khuwe nya gu dzi gole ni gumbura.

Isaya 47:5

Khala vbavbatshi huwe kape, u bela vbakari nya gidema, uwe nyamahegyane wa Vakalidhiya, kholu gima khu na ranwa gambe pfhumugadzi nya mifumo.

Jeremiya 14:17

Gasi uwe, u na va embela magana yaya, khuwe: Khu mahoni gwangu gwa gu vbalaga marongo wutshigu ni mihani nyamba hegisa, kholu nyamahegyane nya likendzi wa Siyoni, a thedwe gilondra nya gikhongolo nya gimange.

Jeremiya 2:10

Nga tshatugani mu hongole gidwani gya Kipire mu ya wona; rumelani vathu va hongola Kedhari va ya wona, vata mu tshamusela gwadi, mwendro gu di nga dugelela nya gufanane ni esi.

Jeremiya 46:11

Gwela Gileyadhi, uwe likendzi, nya nyamahegyane wa Egipito, u naya mana umo mafura nya gutole; wa gu dzi garadza khu gu vbweta mirendre nya gutale; gambe kha yi na gu hawulugisa.

Gililo 1:15

Pfhumu theside dzindrena dzangu dzatshavbo dzi nga bani dzi nyi phasedzela, a rambide nyimbi, yi ta sasela madzaha yangu; Pfhumu gandredzede nyamahegyane nya likendzi wa Judha, gukhwatshi a gu gama dzindzawa. Ain

Gililo 1:3

Judha vbagedwe a yiswa hwindzo a tshaniswa a girwa khumbi; a gu vbanya vbakari nya va nya mayigo a si mani gurula. Vatshanisi vaye vatshavbo va mu lundrago, va mu randrede va mu sokhovedza. Dalet

Gililo 4:15

Va di embedwa gupwani: Khugani avba! Vathu nya gunyenyeze! Khugani mu nga hi khuhi. Va di thava va legalega ni mayigo, va nya mayigo va va embela, khavo: “Vathu vava va nga khali gambe vbakari gwathu.” Pheni

Ezekiyeli 27:6

Khu miguhu ya Bhasani, va gu girede khiyo makasiya; sikhalo sago, va giride khu magwaha nya dzindzofu yi namegedzedwego khu misimbo nya pinyu wu manegago gidwani gya Seniri.

Dhaniyeli 11:30

Kholu vathu nya gute khu Kitimi, va nata khu dzingalava vata dwana naye, va mu vbedza tshivba, a thava. Aholu nari ndzilani, a na bwelo khavbo a wugela gidzumeledzwano nya gukatege, a gira iso si godwago khu monyo waye, a bwelo khavbo a pwanana ni vale va digidego gidzumeledzwano nya guage.

Mitengo 24:24

Valala va nata khu mataro khu Kitimi; va nata khozisa Asuri, va mbembisa gambe Ebheri; aholu avo navo va na mbembiswa.

Josuwa 11:8

Pfhumu Nungungulu a di va ningela mandzani ga va na Israyeli, va va pala, va gu va lundra kala Sidhoni nya khongolo, va vboha Misirefoti-Mayimi, kala kovani wa Misipa khu Khugadambo; va di va sasela nyamba tshiya ni moyo nya guvbanye.

Gutuledwa 18:22

Gima kha dzi na pwala gambe umo dzindzimo nya vawombi nya mihwambi, ni vaembeleli, ni vawombi nya sitoliyo ni mipundru. Kha na manega ndrani gwago muvati mwendro meseri nya wevbini thumo, gima kha gu na pwala gambe gudzuma nya gitshindro ndrani gwago.