Isaya 23:11 - Bhibhiliya Nya Guage

¹¹ Pfhumu Nungungulu khusedzide gyandza gyaye vbatshani nya yiphwa, a gu ndrendremedzisa mifumo; Uye rumide gu pfhungumudwa makhokhola ya Khanani.

Isaya 23:11 Iomraidhean Croise

Genesi 9:25

A di ganela, khuye: “A na vadwe Khanani, a na khale uye wa mahegiso ga dzikhumbi dzatshavbo dza vandriyaye!”

Dzindzimo 46:6

Ma di thuruga mayigo, gu ndrendremela mifumo; Nungungulu a di pwadza lito laye, litigo li tsekatseka.

Dzindzimo 71:3

Khala uwe giwindri nya wuthavelo wangu u gi dongisedego gasi nyi sayisega ga igyo; u rumede gukhuwe nyi vbanyiswa, kholu khuwe giwindri nya likhokhola langu.

Ekisodha 14:21

Khavbo avbo, Mosi a di thawuludza mandza vbatshani nya yiphwa, Pfhumu Nungungulu a di reda yiphwa ni vbakari nya wutshigu, khu tshivba nya phuvbotshani. A di bangisa yiphwa, mati ma di kabanega khu vbakari.

Isaya 10:6

Nyi ngu mu ruma guya dwana ni litigo li vivbedwego khu monyo, nyi mu leletede guya wugela vathu nyi gorogidego khavo, nyi mu ningide nayo nya guya va phanga ni gu wandra silo sawe, ni gu va gandredzela kha nga maraga ya mudzindzilani.

Isaya 13:13

Khu guralo, nyi na ndrendremedzisa damboni; mafu ma na khuga wulangani gwaye, khu kotani nya likhulo la Pfhumu Nungungulu nya Tshivba Yatshavbo, ni kotani nya litshigu nya likhulo laye nya guthise.

Isaya 14:26

Aya khu makungo ma hungidwego tigoni gwatshavbo; egi khu gyandza gi thawuludzidwego ga mayigo yatshavbo.

Isaya 19:5

Mati nya tsongo wa Nilo ma navbwa, ni tsongo wu na banga wu khala gihala.

Isaya 2:19

Avbo, vathu va naya sihala dziphagoni nya siwindri, ni vbavbatshi nya mavbala, khu gu thava likhulo nya guthise li tago khu ga Pfhumu Nungungulu, ni gungangamela nya wugulu waye, gikhati a na tago guta thusa litigo.

Isaya 23:10

Tsemakanya litigo lago u fanana ni tsongo nya khongolo wa Nilo, uwe nyamahegyane wa Tarisisi, kholu mwalo a gu himbedzelago.

Isaya 23:3

Dzimbuva dzawe dzi diri dzimbewu dzi nga bani dzi guta khu matini nya Makhongolo. Tirigu ya Siyori, ni dzimbewu dzi vbweridwego tsongoni wa Nilo, va giride khidzo libhindzu, va di dzi dzega va rengisela ga mayigo yatshavbo.

Isaya 25:2

U giride lidhoropa, li khala litala nya siwindri, ni lidhoropa nya likhokhola, u li pfhungumudwe li khala marumbi, lidhoropa nya gutiye la va nya mayigo, li thegide, khandri lidhoropa gambe, gima kha li na wusedzwa gambe.

Isaya 5:25

Khu satshavbo sesi, likhulo la Pfhumu Nungungulu li na khondra vbatshani ga vathu vaye, a handzega gyandza gyaye vbatshani gwawe, a va songa; sigomo si na ndrendremela, ni sirumbi sawe si na gira kha nga matala vbakari nya dzindzila; ambari khu satshavbo sesi, likhulo laye kha li na bwelelela hwane, a nga na gu khusedza gyandza gyaye, a va sasela.

Isaya 50:2

Khu ginani avbo nyi dzudego gwanu, a ngamba manega ni moyo nya gute dzi wonegisa? Avbo nyi nga rana, mwalo a nga thana? Ina mwa gu pimisa gukhenu libogo langu li rode ngudzu nyamba kodza gu mi dzegisa, gani? Mwendro nyi mwalo gambe tshivba nya gu mi dwanele, gani? Wonani nya gukhenu khu tshivba yangu nyi ngu vbwisa yiphwa, nyi vbindrugedza mitsongo yi khala giwula, dzindzandzi dzifa, dzi nunga khu gu hamuga mati.

Jeremiya 47:7

U na degula kharini, olu Pfhumu Nungungulu a gu leletedego, gu ya sasela Asikalomi gumogo ni vathu va vbanyago bambe nya linene?”

Ezekiyeli 26:10

A na gu fenengedza khu kudzudzwane khu gutala nya dzikavalu dzaye, mabhiyo yago ma na tsekatseka khu sikingo nya vakhileli nya dzikavalu, ni ligwaha nya dzikareta ni dzimovha, gikhati uye a na belago khu myanya yago mwendro khu dzinyangwa nya lidhoropa nya gukari li gu bani li podwe gihogo.

Ezekiyeli 26:4

Ayo ma na khungumula mabhiyo ya Tiro, gambe va na theselela makhokhola yaye; eni nyi na vbiyela kudzudzwane waye, nyi gira khuwo giwindri nya gutiye.

Ezekiyeli 31:16

Nyi giride mayigo ma ndrendremela khu gudzuma nya gupfhungumudwe gwaye, gikhati nyi mu giridego a relela thowoni gumogo ni avo va relelago phalani nya vafi. Khavbo avbo, misimbo yatshavbo ya Edheni, iyo yi mburidego ngudzu ya Libhanoni, ni misimbo yatshavbo yi selago mati, yi diya tangala guetani nya mafu.

Nahume 1:14

Aholu, Pfhumu Nungungulu ningide nayo nya gukhuye, khu mahembeni gwago, kha gu na velegwa gambe muthu a na gu yisago mbeli lina lago; Nyi na khungumulela satshavbo sifananiso nya guvatwe niso nya gupfhudwe si guromo nyumbani ga nungungulu wago. Nyi vega umo lithowo lago, kholu uwe khu phasi gilo.”

Agewu 2:7

Nyi na tsekatsekisa mayigo yatshavbo, gasi ma rese eno dzithomba dzawe dzatshavbo; nyi na tadza nyumba yeyi khu wudhumo; a ngu ganela Pfhumu Nungungulu nya Tshivba Yatshavbo.

Zakariya 14:21

Dzikhali dzatshavbo dza dhoropani ga Jerusalema ni tigoni ga Judha dzi na khala sombo si agisedwego Pfhumu Nungungulu nya Tshivba Yatshavbo; vatshavbo vale va na hongolago vaya ningela dzimhamba nya miphaso, va na dzi thumisa guphulela umo guhodza nya miphaso. Khu litshigu lolo, kha gu na manega gambe varengisi va gira wugwewo Nyumbani ga Pfhumu Nungungulu nya Tshivba Yatshavbo.

Marko 11:17

A di va hevbudza, khuye: Kha ga lowa gupwani: “Nyumba yangu yi na ranwa khu mayigo yatshavbo gupwani nyumba nya milombelo, gani? Gasi enu mu yi giride liphala nya dzimbafa.”

Johane 2:16

A di embela varengisi nya matuva, khuye: “Dusani satshavbo sesi avba. Mu nga dzegini nyumba ya Babe wangu mu yi gira nyumba nya wugwewo wanu.”