Isaya 22:5 - Bhibhiliya Nya Guage

⁵ Kholu Pfhumu, Pfhumu Nungungulu nya Tshivba Yatshavbo, a hi resede litshigu nya ghudzeghudze, tshanisa ni sigaradzo kovani nya Giwoniso; mabhiyo nya lidhoropa ma pfhungumudwe, dzihuwa dza vavbanyi vaye dza gupwala kala sigomoni.

Isaya 22:5 Iomraidhean Croise

2 Dzipfhumu 19:3

Vaya mu embela kharati, khavo: “Ezekhiya a ngu ganela, khuye: Litshigu leli, litshigu nya wuvi, nya gukawukwe ni dzitshoni; kholu sanana si ngu vbweta gu duga khu ndrani, aholu tshivba nya guvelege yi mwalo.

2 Dzipfhumu 25:10

Masotshwa yatshavbo nya Vakalidhiya, ma nga bani mari ni muthangeli nya vawoneleli, ma di khungumulela ndzari nya likhokhola nya libhiyo la Jerusalema.

Isaya 10:6

Nyi ngu mu ruma guya dwana ni litigo li vivbedwego khu monyo, nyi mu leletede guya wugela vathu nyi gorogidego khavo, nyi mu ningide nayo nya guya va phanga ni gu wandra silo sawe, ni gu va gandredzela kha nga maraga ya mudzindzilani.

Isaya 22:1

Egi gitiviso ga kova nya Giwoniso gi gukhigyo: Gasi olu enu, ginani gi mi garadzago, gu kala mwatshavbo mu thavela vbatshani nya dzinyumba?

Isaya 25:10

Kholu gyandza gya Pfhumu Nungungulu, gi na handzegwa vbatshani nya gigomo gegi; aholu Mowabhi, a na gandredzedwa avbo a guromo, kha nga idzo va gandredzelago khidzo mwasi talani nya ndzilo.

Isaya 37:3

Va ya mu embela, khavo: Ezekhiya a ngu ganela kharati, khuye: Litshigu la muhuno litshigu nya wuvi, nya tshanisa ni givalo; kholu ha gu fanana ni sanana si guromo vbafuvbi ni gu velegwa, aholu muvelegi wakone na vbede tshivba nya gu si velege.

Isaya 5:5

Gasi, eni olu, nyi na mi yeyedzani esi nyi vbwetago gu gira ga lithembwe langu: Nyi na thesa libhiyo gasi li khala wuhaviselo, nyi khungumula ni ndzari yaye, gasi li gandredzedwa.

Isaya 63:3

Nyi gamede na nyiri nyenga mugighowoloni, mwalo ni moyo wa vbakari nya mayigo a nga nyi phasago, nyi va gandride na nyi vbisegide, nyi va gama na nyi tade khu likhulo; novba wawe wu di mitegedzela dzingandzu dzangu, nyi nyenyezisa dzingandzu dzangu dzatshavbo.

Isaya 63:6

Khu kotani nya likhulo langu, nyi di gandredzela mayigo nyi va levisa, nyi vbaladza novba wawe mafuni.

Jeremiya 30:7

Yowe! Litshigu lile li thiside ngudzu, li mwalo limbe nya gufanane nalo! Gu na bani nari gikhati nya gutshaniseke ga Jakobe; ambari khu kharalo, uye a na vbuluga ga ilo.

Gililo 1:5

Vatshanisi vaye va mu pade, ni valala vaye va gu bhuma; khu Pfhumu Nungungulu a mu tsayisidego khu kotani nya sighoho saye si tadego. Ambari ni sanana saye si vbagedwe si yiswa wugumbini, si thanga mbeli ga mutshanisi. Vau

Gililo 2:2

Pfhumu kha gira gisiro khu dzinyumba dzatshavbo dza Jakobe. Khu kotani nya likhulo laye, khungumude makhokhola ya nyamahegyane wa Judha, a ma thesa vbavbatshi; a poyila mifumo ni manganagana aye. Guimel

Gililo 2:8

Pfhumu Nungungulu hungide makungo nya gupfhungumule laba ni libhiyo la nyamahegyane wa Siyoni, a mu pimide khu ngodzi nya sifi aholu kha bweledza gyandza gyaye nya gusasele; a khungumula laba ni likhokhola; satshavbo si keta gumogo. Tet

Ezekiyeli 7:7

Gu vbohide avbo gwanu enu vavbanyi va tigoni. Gi vbohide gikhati ni litshigu nya pfilupfilu, gutsaka guvbede musigomoni.

Hoseya 10:8

Malangani nya gukhugege ya Bheti-Avheni, a gu tsindza nya giwono gya Israyeli, gu na pfhungumudwa; miba ni sirangalabwa, si buga vbatshani nya siluvelo sawe. Khavbo avbo, va na embela sigomo, khavo: “Hi fenengedzeni!” Ga sigomwana, khavo: “Hi futeleni!”

Mikeya 7:4

Uye a gu wadi vbakari gwawe a gu fanana ni girangalabwa; ni uye a lulamidego ngudzu a gu fanana ni litamo nya miba. Li vbohide litshigu li huweledwego khu vawoneleli vawe, a gu litshigu nya tsayiso wa Nungungulu; olu gu na bani guri pfilupfilu vbakari gwawe.

Sofoniya 1:15

Litshigu lolo, li na bani liri litshigu nya likhulo, litshigu nya wuvi ni sigaradzo; litshigu nya gupfhungumule ni gutshaniseka, litshigu nya gidema ni guphuma, litshigu nya mapfhi ni mazuvi.

Matewu 24:16

avo va na gu bani varomo Judheya va na thavele sigomoni;

Luka 23:30

Gikhati gyogyo va na embela sigomo, khavo: ‘Hi thegeleni.’ Va na embela sigomwana, khavo: ‘Hi sihaledzeni!’