Isaya 22:4 - Bhibhiliya Nya Guage

⁴ Khu guralo, nyi ganede, kheni: Mu nga nyi khedzi; nyi digeni nyi lila khu wuvi, mu nga zami gu nyi tangadzisa khu kotani nya gumbembiswe ga nyamahegyane wa tigoni gwangu.

Isaya 22:4 Iomraidhean Croise

Dzindzimo 77:2

Litshigu nya wuvi, nya gu vbweta Pfhumu; vbakari nya wutshigu, nya gu khusedza mandza nyi lombelela nyamba garala; aholu hefemulo wangu kha wu mani gu tangadziswa.

Isaya 15:3

Va di ambala myendra nya silendra va duga dzindzilani; ni vbatshani nya dzinyumba dzawe, ni mitendrelani gwawe vaya lila ni gu tsikwila,

Isaya 33:7

Wonani gukhenu! Dzindrena dzaye dzomo dzindzilani, dzi wombedzelana dzihuwa, myango nya gu rese gurula ya gulila khu wuvi wawe watshavbo.

Jeremiya 13:17

Mwa gumba dzumela gu yingisa, nyi naya lila gusihalani, khu kotani nya matshandza yanu; maho yangu ma na lila khu wuvi wangu watshavbo nyi vbaladza marongo, kholu tshambi wa Pfhumu Nungungulu, wu vbagedwe wu yiswa wugumbitunu.

Jeremiya 31:15

Pfhumu Nungungulu a ngu ganela kharati, khuye: “Gu pwade huwa nya gililo ni wuvi tigoni ga Rama, khu Rakeli a nga bani a gu lila sanana saye, a gu bomba gu tangadziswa, kholu sanana saye si vbede hiso bhi.

Jeremiya 4:19

Yowe, libango langu! Monyo wangu guvbisega khu gupwa wuvi. Monyo wangu wu tade khu gikhuma, kha nyi kodzi gu hefemula! Aholu kha nyi na degula, kholu dzindzeveni gwangu gupwala ligwaha ni pundru nya nyimbi.

Jeremiya 6:26

Uwe nyamahegyane wa vathu vangu, ambala gilendra nya gililo, u puluwundra ngumani; womba huwa u lila ngudzu gukhwatshi, u di fedwa khu gyanana gya gimwegyo; kholu nala a na vboha khu githugedza ata hi sasela.

Jeremiya 8:18

Oh! Nari gukhwatshi nyi ngu kodza gu dzi tangadzisa wuvini gwangu! Kholu monyo wangu wu vbede tshivba.

Jeremiya 9:1

Nari gupwani hungo wangu wu di vbindrugedzide wu khala nambo nya mati, ni maho yangu ma khala gifefe nya marongo! Khavbo avbo, nyi di hadza gu lila wutshigu ni mihani khu kotani nya gusongwe ga nyamahegyane wa vathu vangu.

Jeremiya 9:18

Va na vbiredze, vata hi embelela ndzimo nya gililo, gasi gu thega marongo khu dzikhovbeni gwathu, ni dzitshi dzathu dzi tala khu mati.”

Gililo 2:11

Maho yangu guvbisa khu gu lila; hefemulo wangu wa gu garadzega, monyo wangu wu vbede tshivba khu guvbisega, khu gu wona gumbembiswa ga litigo langu, kholu nya gu wona sanana, niso sa beleni si titivalago dzindzilani nya lidhoropa Lamed

Ezekiyeli 21:11

Litshari li lodzidwe, gasi gu, li thumiswa khu mandza ilo li lodzidwe bwelo khavbo li khedziga, gasi gu vegwa mandzani ga musongi.

Ezekiyeli 27:31

Va na vidwa likhwalo ni gu ambala silendra khu kotani gwago; va na gu lilela khu wuvi wawe watshavbo; va gira gililo nya gikhongolo.

Mikeya 1:8

Khu kotani nya isoso, nyi na lila nyi bwelo khavbo nyipwa wuvi, nyi gimbila wumbwiri ni gumba ambala silato, nyi na lila nga lisolwa, nyi womba huwa kha nga dzimbowa.

Matewu 2:18

“Li di pwala lito tigoni ga Rama, lito nya dzihuwa ni ilo nya gililo: Khu Rakeli a lilago sanana saye; kha vbweti gu khongotedwa, kholu sanana saye si mwalo gambe, si di bhi!”

Matewu 26:75

Khavbo avbo, Pedro a di dundruga mahungu ya Jesu, nya gukhayo: “Uwe u na nyi danga nyondro tharu khonge nasi gu embi.” A di duga vbavbandze aya lila khu wuvi waye watshavbo.

Luka 1:2

kha nga idzo va hi hevbudzidego khidzo vale va nga si wonago khu maho, gukhugela guhegulani nya silo sesi; a gu avo va nga khalago vahevbudzi nya Mahungu yaya;

Luka 19:41

Gikhati a nga vbohago dhoropani ga Jerusalema, a li khedza gwadi, a di lila, khuye: