Isaya 22:2 - Bhibhiliya Nya Guage

² Gasi nyenganyenga muni ni ligwaha li pwalago dhoropani, na? Vathu vanu kha vafa khu matshari mwendro guya songwa nyimbitunu!

Isaya 22:2 Iomraidhean Croise

Isaya 10:4

Gi mwalo gambe gi mi tshaledego gu gira, vbavbandze nya gu dzi pateni ni sibotshwa, ni gu thega, mu patana ni sirumbi, ambari khu kharato, likhulo laye kha la bosa gilo, ni libogo laye li nga gu simama guthawuluga.

Isaya 23:7

Gasi khandrilo eli lidhoropa lanu nya gumbure, gale mu nga bani mu dzi khusedza khilo, umo migondro yanu yi nga mi yisa mayigoni ya hwindzo ngudzu gasi mu ya luvela umo?

Isaya 32:13

Tigoni ga vathu vangu, gu na buga miba ni sirangalabwa; gumogo gambe ni dzinyumbani gwatshavbo gu nga bani gu tsakwa umo, dhoropani puluwundrago khu gunengela.

Isaya 32:14

Kholu nyumba nya wufumu kha yi na bedwa gambe khu muthu, lidhoropa li nga bani gu khala vathu nya gutale, li na khala marumbi. Ofeli ni likhokhola nya vawoneleli, si na khala dziphago kala gupindruga. Gu na khala wuhaganelo nya dziburu nya likhabi ni wuhaviselo nya mitshambi;

Isaya 37:33

Kholu Pfhumu Nungungulu a ngu ganela kharati khu mahungu ya mufumeli wa Asiriya, khuye: “Uye kha na bela dhoropani momu, ambari gu rinya ni giholoma gimwegyo, gambe kha na hidzimela vbafuvbi gwaye ni gitshangu, ambari gu wungedzela mafu vbandzaritunu a lita khavbo.”

Isaya 37:36

Khavbo avbo, Ngilozi ya Pfhumu Nungungulu yi diya sasela lizumbo la Vaasiriya, yi songa lizana ni livbandre na mararu magumi ni livbandre magumi (185000) mazana vathu; avbo vambe va nga wugago ni dzimindru, va dita va mana nari sirumbi.

Jeremiya 14:18

Nya gu hongola gundze, nya gu wona vathu va sasedwego khu matshari, nya gu wuya dhoropani, nya gu wona avo va dagarelago khu ndzala; ambari vaprofeti ni vaphasi nya mhamba, va gu legalega tigoni nyamba pima gilo.

Jeremiya 38:2

Pfhumu Nungungulu a ngu ganela kharati, khuye: “Wule a na gu simamago gu khala dhoropani momu, a nafa khu gu songwa khu matshari, ndzala ni tungu; aholu uye a na gu dugago a dzi ningela ga Vakalidhiya, a na vbanya; kholu a na vbulugisa womi waye.

Jeremiya 52:6

Khu litshigu nya livbandre na mana nya ngima nya wu na, gu di manega ndzala nya yikhongolo dhoropani, avbo vathu vatshavbo va tigoni va nga hamugago gilo nya guhodze,

Gililo 1:1

Khu ginani li khadego marumbi lidhoropa leli gale li nga bani li tade khu vathu! Lidhoropa leli gale li nga bani liri likhongolo vbakari nya mayigo. Olu li vbindrugedzide li khala noni li nga bani liri ni wudhumo vbakari nya mayigo, olu li khade gisiwana! Bet

Gililo 2:20

Pfhumu Nungungulu, khedzisa, u wona, gukhuwe gasi khu mani u mu giredego silo sesi? Ina vamayi va ngu yela gu hodza handro wa mahembeni gwawe, a gu sanana va si wugarelago mawogoni gwawe, gani? Ina vaphasi nya mhamba ni vaprofeti va ngu yela gu songwa giluveloni nya guage gya Pfhumu, gani? Sini

Ezekiyeli 22:5

Mayigo ya vbafuvbi, nayo ma guromo hwindzo nago, ma na gu poyila, khu gupwa ndruma nya gupwani u lidhoropa u tadego khu pfilupfilu.

Sofoniya 2:15

Khidzo kharati lidhoropa nya matshandza li nga bani li gu vbanya gukhadzisegani li dzi khusedza khu monyoni gwaye, khilo: “Kheni nyenga, mwalo mumbe nya gufanane ni eni.” Olu li vbindrugedzide kharini li khala marumbi, li khala liphala nya sirengo nya likhabi, muthu watshavbo a vbindrago khu vbafuvbi, a na li hega a womba ndrodzi, a ninginingisa hungo.