Isaya 21:5 - Bhibhiliya Nya Guage

⁵ Va ngu dongisela meza, va ladza malawu va hodza, va sela. Enu vathangeli nya dzinyimbi, khugani mu eme, dongiselani sitshangu.”

Isaya 21:5 Iomraidhean Croise

2 Samuweli 1:21

Enu sigomo sa Gilibhowa, gu nga thegi vbatshani gwanu, thondrwane ni ndzadzi, ambari gu manega marembwe ma dusago dzimbewu nya ningelo, kholu umo gu nyenyezisidwe sitshangu sa dzindrena, gitshangu gya Sawule, gukhwatshi gima kha gya nga todzwa khu mafura.

Isaya 13:2

“Ghwimbani ngavbya vbatshani nya gigomo nyambana misimbo; khusani lito, va khweneteni khu mandza, gasi va ta bela khu myanya ya vathu nya guthavisege.

Jeremiya 46:3

Dongiselani sitshangu, enu vakhongolo ni sanana, muya nyimbitunu!

Jeremiya 51:11

Lodzani sighalala, mu phara sitshangu! Pfhumu Nungungulu a pepugiside mapimo ya vafumeli va tigoni ga Medhiya, kholu makungo yaye, khu gu pfhungumula Bhabhiloni. Pfhumu Nungungulu a na phodza, a dzi phodzela khu nyumba yaye nya miphaso

Jeremiya 51:39

Aholu na va nga gupwa ndzala, nyi na va girela buzo nyi va levisa khu wadwa, gasi va tsaka guvbindra pimo, va lala ligovbe nya gupindruge nyamba wuga gambe, a ngu ganela Pfhumu Nungungulu.

Jeremiya 51:57

Pfhumu Nungungulu a ngu ganela, khuye: “Nyi na levisa vathangeli ni vagengeli vawe, vafumeli, dzindruna ni masotshwa yawe, va na lala ligovbe nya gupindruge nyamba khendzuga gambe; a ngu ganela Mufumeli, lina laye a gu uye Pfhumu, Nungungulu nya Tshivba Yatshavbo.

1 Vakorinto 15:32

Nari pwani litunga nya likhongolo ngudzu nyi nga li dwanago dhoropani ga Efeso nyi di dwanela silo nya vathu basi, ginani nyi nga hadza gu wuyedwa khigyo? A gu bani ari lisine gupwani ava va fudego kha va wugi, hi na gira nga esi si nga ganedwago, pwani: “Hi na hodze hi sela kholu mindru hi nafa.”