Isaya 21:2 - Bhibhiliya Nya Guage

² Gu dita gwangu giwoniso nya gusamadzise ngudzu gi ta nyi embela, khigyo: “Mukanganyisi a ngu kanganyisa, ni muphangi a ngu phanga. Enu va na Elamo indrani mu ya dwana, enu Vamedhiyani, randrelani lidhoropa; dzihuwa dzawe dzatshavbo nyi ngu dzi vbedza.

Isaya 21:2 Iomraidhean Croise

Genesi 10:22

Sanana sa Semi khu esi: Elamo, Asuri, Arifasadi, Ludhi ni Arami.

2 Dzipfhumu 17:6

Khu mwaga nya livbandre na wu na nya gufume ga Ozeya, mufumeli wa Asiriya a di dhumela Samariya, a vbagela va na Israyeli a va yisa Asiriya; aya va vega va khala Hala ni Habhori, vbafuvbi ni tsongo wa Gozani ni madhoropani ya Medhi.

Dzindzimo 119:158

Nya gu wona vakanganyisi nya gu saniseka ngudzu, kholu, kha va vegisi magana yago.

Dzindzimo 12:5

Kholu Pfhumu Nungungulu a di khuye: “Olu nyi na khuga nyi ema, kholu va nya gusolega va ngu saniswa, sisiwana si ngu keta khu wuvi nyi na va resela guvbanyiswa va gu vbwetago.”

Dzindzimo 25:3

Avo va tumbago uwe, kha va khali dzitshoni; va na thedwe dzitshoni avo va gu dangago khu silo nyamba phasa gilo.

Dzindzimo 60:3

U giride vathu vago va wona sigaradzo nya singi, u hi sedzide wadwa gasi hi leva.

Dzindzimo 79:11

Yi na vbohe iyo gwago huwa nya sibotshwa; va vbanye khu tshivba nya wugulu wago vale va konedwego gufa.

Mavingu 13:15

Khu mapimo nya yadi gu mana wuhigo, aholu ndzila nya sighohi yi lemede.

Isaya 11:11

Ga litshigu lolo, Pfhumu a na simama gu khusedza mandza yaye, gasi gu dzegisa vathu vaye, vale va tshadego tigoni ga Asiriya, Egipito, Patrosi, Etiyopiya, Elamo, Sinari, Hamati gumogo ni sidwa sa phwani.

Isaya 14:4

mu na emba ndzimo yeyi nya gutsorodzele mufumeli wa Bhabhiloni, khenu: Mutshanisi thegede hayi! Ni dzihanyi dzaye dzi vbede kharini!

Isaya 14:7

Olu litigo latshavbo lomo gurulani! Va gu womba mikulungwane va embelela khu gutsaka.

Isaya 22:6

Kholu vathu va Elamo va somide matshari na vari ni dzikareta ni vakhileli nya dzikavalu; va na Kiri, na va pharide sitshangu.

Isaya 24:16

Gukhugela mahegiso nya litigo, hi pwide na gu embeledwa, gupwani: “Wudhumo ga uye a lulamidego!” Aholu eni nyari, kheni: Nyi vbede tshivba, nyi vbede tshivba! Libango langu! Valogovedzi, va ngu nyi logovedza! Kholu va gu logovedza, kha va garali khu nyi logovedza.

Isaya 33:1

Libango gwago, uwe muphangi, uwe gima u si gu phangwigo, u kanganyisago vakwanu avo gima va sa gu kanganyisago! Avbo uwe u na vbedzago gu phanga, u na phangwa nuwe, avbo u na vbedzago gu kanganyisa, va na gu kanganyisa nuwe!

Isaya 35:10

Avo va na tshudziswago khu Pfhumu Nungungulu, va na bwelela va wuya Siyoni, na va gu kulungela khu gutsaka; Va na fenengedzwa mihungoni gwawe, khu litsako nyamba vbela. Va na taledwa khu gutsaka ni gunengela; gulila ni wuvi si na bani si vbindride gwawe.

Isaya 47:6

Na nyi khuvegide ngudzu khu kota ya vathu vangu, nyi di nyenyezisa thomba yangu nyi yi ningela mandzani gwago. Aholu uwe gima khwa va pwela gisiro; ambari ni sikhosane u di si rwega mirwalo nya gulemele ngudzu.

Jeremiya 25:25

ni vafumeli vatshavbo va Ziniri, ni vafumeli vatshavbo va Elamo ni vafumeli vatshavbo va Medhi;

Jeremiya 31:20

Ina kamwe Efrayimi khandri uye gyanana gyangu nya gigodwa, gani? Gyanana gi godwago khu monyo wangu, gikhati nya gingi mapimo yangu kha ma digi gu mu alakanya; ni monyo wangu wa gu salala mbeli gwaye, khu guralo, nyi na mu pwela wuhindzi; a ngu ganela Pfhumu Nungungulu.

Jeremiya 31:25

Kholu nyi na rudzisa mihefemulo yi garadego ni gu ninga tshivba iyo yi khuvegidego.

Jeremiya 45:3

Uwe u di khuwe: Yowe! Libango langu, Pfhumu Nungungulu engedzede wuvi gutshanisekani gwangu. Nyi garade khu gu wombeledzela dzihuwa, kha nyi gu mani gurula.”

Jeremiya 49:34

Pfhumu Nungungulu a di embela magana yaya ga muprofeti Jeremiya, mayelano khu Elamo, guphelani nya gufume ga Zedhekiya, mufumeli wa Judha, khuye:

Jeremiya 49:35

Pfhumu Nungungulu nya Tshivba Yatshavbo, a ngu ganela kharati, khuye: Wona, nyi na fanyeledzela wulaho wa Elamo, uwo a tiyago khuwo nyimbitunu.

Jeremiya 50:14

Dzi dongiseleni enu mwatshavbo mu ghwimbago wulaho; randrelani lidhoropa la Bhabhiloni mu dwane nalo, va hekheni khu sighalala mu nga va tsetsi, kholu va ghohede Pfhumu Nungungulu.

Jeremiya 50:34

Aholu uye a gu Mutshudzisi wawe a na ni tshivba, lina laye khu Pfhumu Nungungulu nya Tshivba Yatshavbo. A na ema navo a va vhikela gasi litigo lawe li mana gurula, a ndrendremedzisa vatshavbo vavbanyi va Bhabhiloni.

Jeremiya 51:11

Lodzani sighalala, mu phara sitshangu! Pfhumu Nungungulu a pepugiside mapimo ya vafumeli va tigoni ga Medhiya, kholu makungo yaye, khu gu pfhungumula Bhabhiloni. Pfhumu Nungungulu a na phodza, a dzi phodzela khu nyumba yaye nya miphaso

Jeremiya 51:44

Nyi na tsayisa Bheli, nungungulu wa Vabhabhiloni, nyi mu gosisa khu kanani gwaye, satshavbo a hodzidego. Mayigo gima kha ma na ngata tshangana gambe gwaye, ni libhiyo la Bhabhiloni li khungumudwe.

Jeremiya 51:53

Bhabhiloni ambari nari a di lita kala damboni, aya tiyisa iyoyo makhokhola yaye, Eni nyi di hadza gu rumela vasaseli vaya mu mbembisa, a ngu ganela Pfhumu Nungungulu.

Gililo 1:22

Sighoho sawe satshavbo si na wonege mahoni gwago! U kodza gu va tsayisa nga idzo u nga nyi tsayisago khidzo eni, khu kotani nya sighoho sangu. Kholu gudilela gwangu kha gu hegisi, ni monyo wangu wu ngu vbisa.

Dhaniyeli 5:28

PERESI: Gu tshamusela gupwani: Mufumo wago, wu na kabaniswa khu vbakari wu ningedwa Vamedhi ni Vaperesi.

Dhaniyeli 5:9

Khavbo avbo, mufumeli a di vbisega ngudzu a thuviga khovbe yaye; dzindruna dzaye dzi di pilega hwambo.

Dhaniyeli 8:2

Umo nya giwoniso gyangu, nyi di dzi wona na nyiri dhoropani ga Suza, gipandrengulu gya Elamo, ga giwoniso gegi, nyi diri vbafuvbi ni tsongo wa Ulayi.

Dhaniyeli 8:20

Hamba nya dzikheho dzimbili u yi wonidego, ya gu yeyedza vafumeli va Medhi ni va Peresi.

Gutuledwa 13:10

Oyu a yisago vakwawe wugumbini, a na yiswa nuye wugumbini, oyu a songago khu litshari a nafa nuye khu litshari. Khigyo egi gikhati nya wundrena ni gutumbege nya vakhodwa.

1 Samuweli 24:13

Kha nga ma ganelago mavingu ya vagale, gukhayo: Khu kanani ga va nya guvivbedwa khu monyo gwa gu duga guvivba; khu guralo, gyandza gyangu gima kha gi na gu kuha.