Isaya 21:16 - Bhibhiliya Nya Guage

¹⁶ Kholu Pfhumu a nyi embede, khuye: Ndrani nya mwaga moyo, wu fananago ni gikhati nya guningane ni egi muthumi a thodwego guthuma, satshavbo esi vavbanyi va Kedhari va dzi zundzago khiso, si na mwalalega.

Isaya 21:16 Iomraidhean Croise

Genesi 25:13

Malina nya sanana sa Ismayeli, gukhedza khu longoloko nya guvelegwe gwawe, khaya: Nabhayoti, matiwula ya Ismayeli; gu handzamedza Kedhari, Adhibiyeli, Mibhisamu,

1 Dzikoronika 1:29

Situgulwana saye khesi: Matiwula ya Ismayeli khu Nebhayoti, gu landrela Kedhari, Adhibheyeli, Mibhisamu.

Joba 7:1

“Ina gikhati nya guvbanye ga muthu mafuni momu khandri a gu dwana, gani? Matshigu yaye kha ma fanani ni ya muthu a thodwego, gani?

Dzindzimo 120:5

Libango langu, eni nyi gu muluveli tigoni ga Meseki nyi vbanyago mitshatshani ya Kedhari.

Gizimba 1:5

Nyamayana —Nyi di sivbala sangu, aholu nyi mburide, enu sagadzyana sa Jerusalema, nya gu fanana ni mitshatsha ya Kedhari, gu fanana ni myendra nya makhuvi ya Solomoni.

Isaya 16:14

Khu guralo, Pfhumu Nungungulu a ngu ganela, khuye: “Ndrani nya myaga miraru, a gu myaga yi fananago ni ya muthu a thodwego gu yi thuma, wudhumo wa Mowabhi ni gidzemo gyaye nya gingi, wu na poyidwa; ni mitshaledwa yaye yi na bani yiri yidugwana na yiri mwalo tshivba.”

Isaya 42:11

Ambari giwula, ni madhoropa yaye, gumogo ni mitalala ya Kedhari, kulungelani, embelelani khu gutsaka enu vavbanyi va Sela, emani khu vbatshani nya sigomo mu kulungela;

Isaya 60:7

Mitshambi yatshavbo nya dzinvuta dza Kedhari, yi nata tombana avbo gwago. Dzihamba dzatshavbo dza Nebhayoti, dzi na gu lumba; dzi na khala ningelo nya gutsakise vbagiluvelotunu gwangu. Eni nyi na mburisa wugulu nya Nyumba yangu nya miphaso.

Jeremiya 2:10

Nga tshatugani mu hongole gidwani gya Kipire mu ya wona; rumelani vathu va hongola Kedhari va ya wona, vata mu tshamusela gwadi, mwendro gu di nga dugelela nya gufanane ni esi.

Jeremiya 49:28

Mayelano khu Kedhari gumogo ni mifumo ya Hazori, eyi Nabhukodhonosori, mufumeli wa Bhabhiloni a mi sasedego, Pfhumu Nungungulu a ngu ganela kharati, khuye: “Khugani mu eme, mu ya dwana ni va na Kedhari, mu mbembisa ni vathu va Khugadambo.

Ezekiyeli 27:21

Arabhiya ni vafumeli vatshavbo va Kedhari, va diri mandzani gwago, va gu rengisela dzinvuta, dzihamba ni vamabhongwe.