Isaya 21:12 - Bhibhiliya Nya Guage

¹² Mukhedziseli a di phindrula, khuye: “Avbo gugyago, gwa guta gambe wutshigu; mwa guvbweta gu wudzisa nyaluphye, mu ngu dzi kodza guta muta wudzisa.”

Isaya 21:12 Iomraidhean Croise

Isaya 17:14

Vbasilambotunu va gu thedwa rerema, aholu na gu si gugi, va gu mwalalega. Esi khiso si na dugelelago avo va hi saselago ni vale va hi phangago.

Isaya 21:11

Gitiviso ga litigo la Edhomi, khu Seyiri womo a nyi ranago, khuye: “Mukhedziseli, gikhati muni gi tshadego gasi guvbela wutshigu? Mukhedziseli, gasi gikhati muni gi tshadego?”

Isaya 21:13

Egi khu gitiviso nya gusasedwe litigo la Arabhiya. Enu vaendri va tigoni ga Dhedhani, mu ya ghovago khabini ga Arabhiya,

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

Jeremiya 50:27

Songani khu matshari dzimombe dzaye dzatshavbo ni dzindrena dzaye; vatshavbo va na yiswe gusongwatunu; libango avbo gwawe! Kholu li vbohide litshigu ni gikhati nya tsayiso wawe.

Ezekiyeli 33:11

Va embele, khuwe: Mune Pfhumu Nungungulu, a ngu sambanya khuye, kha nyi tsakiswi khu gufa ga muthu nya guvivbedwe khu monyo, aholu nya gu tsakiswa khu gu muthu nya guvivbedwe khu monyo a ndreye ndzilani gwaye nya guwegele a kodza guvbanya, vbindrugedzani, vbindrugedzani dzindzilani gwanu nya guwegele; khu ginani vathu vago va na fago, uwe litigo la Israyeli?

Ezekiyeli 7:10

“Wonani litshigu li vbohide! Gu vbohide gumbemba gwago; olu lipitso li rumbugide, matshandza ma thede senge!

Ezekiyeli 7:12

Gu vbohide gikhati, litshigu li vbohide. Murengi a nga nengeli, ambari murengisi a nga khuveki; kholu likhulo lomo vbatshani ga gidzemo gyatshavbo.

Obhadhiya 1:1

Giwoniso gya Obhadhiya. Pfhumu Nungungulu a ngu ganela kharati khu kotani ya Edhomi, khuye: “Hi pwide magana ya Pfhumu Nungungulu ni moyo nya girumwa a rumedwego ga mayigo ya vbavbandze, a ganela, khuye: Khugani mu eme! Hongoleni hi wugela Edhomi hi ya mu sasela.