Isaya 21:10 - Bhibhiliya Nya Guage

¹⁰ Enu vathu vangu, mu vbudwego kha nga tirigu vbagithalatunu! Eni nyi ngu mi embela esi nyi embedwego khu Pfhumu Nungungulu nya Tshivba Yatshavbo, Nungungulu wa Israyeli.

Isaya 21:10 Iomraidhean Croise

1 Dzipfhumu 22:14

Aholu Mikeya a di ganela, khuye: “Nyi ngu sambanya khu Pfhumu Nungungulu a vbanyago, eni nyi na ganela basi iso Pfhumu Nungungulu, a na nyi embelago.”

2 Dzipfhumu 13:7

Kholu Jeyowakazi a diri mwalo gambe vathu nya vangi, a di tshala basi ni livbandre magumi vakhileli nya dzikavalu ni likhumi dzikareta, ni gikwata nya likhumi magumi mazana (10.000) vama basi, kholu mufumeli wa Siriya a di mbembiside va na Israyeli, a va gira gukhwatshi i kudzudzwane wu gandredzedwago.

Isaya 28:28

Tirigu kha yi hindzwi, kha yi vbudwi gikhati gyatshavbo, gambe kha yi vbudwi khu marodha nya kareta yaye, ambari gu fanyeledzedwa khu dzikavalu dzaye.

Jeremiya 23:28

Pfhumu Nungungulu a ngu ganela kharati, khuye: “Muprofeti a lorago ndroro a na yi tshamusele, aholu uye a gu ni giningwa nya gupwe magana yangu a na ma huwelele khu gutumbega. Khu ginani mu pfangago muru ni sivbila?”

Jeremiya 51:33

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Nyamahegyane wa Bhabhiloni womo kha nga githala avbo nya gikhati nya guvbwere, gu tshade vbadugwana, gi na vboha gikhati nya guvbule.

Ezekiyeli 40:4

Mwama a di nyi embela, khuye: “Mwamana wa muthu, khedza khu maho yago, u yingisa khu dzindzeve dzago; vega monyoni satshavbo nyi na gu yeyedzago, kholu khiso u resedwego iso avba; Indra tivisa ga va na Israyeli, satshavbo u na si wonago.

Amosi 3:8

Ya gu bhonga ngala, khu mani a gumba ndrendremela? Pfhumu Nungungulu a gu ganela, khu mani a na gumba profeta?

Mikeya 4:13

Khuga u vbula uwe nyamahegyane wa Siyoni, kholu nyi na gu girela dzikheho nya dzisimbi, ni samba nya sugu; u na sasela mayigo nya mangi, thomba yago yi na phasedwa Pfhumu Nungungulu, ni dzithomba dzawe, u phasela khidzo Mune nya litigo latshavbo.

Habhakuka 3:12

Avbo u nga goroga, u di gimbila tigoni gwatshavbo, khu giviti nya likhulo lago, u gandredzela mayigo.

Matewu 3:12

A na ni gisalava mandzani gwaye; a na vbiyela githala gyaye, a vbevbera dzimbewu a thela mugisangalani, gasi mafisi a na ma vbisa niloni nyamba tshimega.”