Isaya 20:2 - Bhibhiliya Nya Guage

² khu gikhati gyogyo gya gimwegyo, Pfhumu Nungungulu a di ganela khavbo ga Isaya, mwamana wa Amosi, khuye: “Indra, u ya tshula mwendra wu guromo giwununi gwago u dusani silato sa migondroni gwago.” Uye a di gira kharato, a duga a gimbila wumbwiri ni gumba ambala silato.

Isaya 20:2 Iomraidhean Croise

2 Samuweli 15:30

Khu guralo, Dhavhidhe a di gwela gigomo nya miolivha na gu lila na sa ambala silato, na fenengede hungoni; vathu vatshavbo va nga bani va mu landrela va di fenengela navo hungoni, va lila gumogo naye.

2 Samuweli 6:20

Avbo Dhavhidhe a nga wuyago gaya gwaye gasi guta kategisa ndranga yaye, Mikali, nyamahegyane wa Sawule, a di duga, a khinga Dhavhidhe, a mu embela, khuye: “Wuzundzo muni a dzi zundzidego khuwo muhuno uye mufumeli wa Israyeli! Gu kala a funungula wutumbu waye mbeli ga sithumi nya vanyamayi sa sithumi saye, gukhwatshi muthu nyambana mapimo!”

2 Dzipfhumu 1:8

Avo va di mu hakha, khavo: “A diri mwama moyo nya gu ambale malowo, na hungide libhandri nya lidowo giwununi.” Mufumeli a di va embela, khuye: “Khu Eliya, Mutesibhi.”

Dzindzimo 30:11

U vbindrugedzide gililo gyangu khu gutsaka; U nyi tshude gilendra, u nyi ambagisa mwendra nya gutsake.

Ekisodha 3:5

Nungungulu a di engedza, khuye: “U nga hidzimeli avba. Tshula silato migondroni gwago, kholu wulanga u gandrago litigo li agidego.”

Isaya 1:1

Giwoniso gya Isaya, mwamana wa Amosi, a gi wonidego khu kotani ya Judha ni Jerusalema, matshiguni ya Uziya, Jotamo; Akazi; ni Ezekhiya; vafumeli va Judha.

Isaya 13:1

Aya Mahungu nya gupfhungumudwe ga Bhabhiloni ma nga woniswago ga Isaya, mwamana wa Amosi:

Isaya 37:2

Khavbo avbo, mufumeli a di rumela Eliyakimi, muwoneleli wa nyumbani nya wufumu, ni Sebina, mulovi nya mahungu, ni madhota ya vaphasi nya mhamba, vatshavbo na va ambade dzisaku ni sikutitshalu, va hongola ga muprofeti Isaya, mwamana wa Amosi.

Jeremiya 48:37

Kholu mihungoni gwawe gu na vbaludwa ni siledzo sawe si na vidwa; va na thedwa dzimbanga mandzani gwawe, siwununi gwawe gu fenengedzidwe khu silendra.

Ezekiyeli 24:17

Hefemudzega huwe kape, u nga giri gililo khu vale va fudego; ambala gihugu gyago, u ambala ni silato migondroni gwago; u nga fenengedzi giledzu gyago, u nga hodzi guhodza ga vamalile.”

Ezekiyeli 24:23

Mu na khala na mu ambade sihugu hungoni ni silato migondroni; kha mu na gira gililo ambari gulila, aholu mu na mbemba khu kota nya guvivbe gwanu, gambe mu na lilelana khu gyanu.

Ezekiyeli 4:1

Olu, uwe mwamana wa muthu, dzega gitini, u gi vega mbeli gwago, u lova avbo gifananiso nya lidhoropa la Jerusalema.

Ezekiyeli 4:5

Kholu, nyi vegide gukheni tengo nya matshigu ma na fanane ni tengo nya myaga nya guvivbe gwawe, si tshamusago gu khiso, gipimo nya mazana mararu ni livbandre na mana magumi (390) matshigu, u na rwala sighoho sa va na Israyeli.

Mikeya 1:11

Dugani wumbwiri na mu tade khu dzitshoni, enu vavbanyi va Safiri; vavbanyi va Zahanani kha va na duga khu dhoropani gwawe; mwa gupwani gililo gya vathu va Bheti-Ezeli, pimani gukhenu mwalo gambe lipindru nya gu mi phaseni.

Mikeya 1:8

Khu kotani nya isoso, nyi na lila nyi bwelo khavbo nyipwa wuvi, nyi gimbila wumbwiri ni gumba ambala silato, nyi na lila nga lisolwa, nyi womba huwa kha nga dzimbowa.

Zakariya 13:4

Khu litshigu lolo, vaprofeti va na thedwa dzitshoni, moyo ni moyo nya avo khu giwoniso nya wuprofeti waye. Avo gima kha va na dzi kapega gambe khu gifenengelo nya mawoya, va fela gu pfhadza vathu.

Matewu 16:24

Jesu a di embela vapizane vaye, khuye: “Uye a vbwetago gu nyi landrela, a na dzi nyenye wurumba waye, a vbagare gihambano gyaye a nyi landrela.

Matewu 3:4

Guambala gwa Johane gu diri gwa mawoya nya ngameriya; libhandri a nga bani a gu hunga mugiwununi gwaye a diri lidowo; guhodza gwaye a diri dzimbera ni wulombe nya likhabi.

Johane 21:7

Khu vbale, mupizane wule nya gigodwa gya Jesu a di embela Pedro, khuye: “Khu Pfhumu!” Pedro na pwide gupwani khu Pfhumu, a di ambala ngandzu a bvumula matini, kholu a diri wumbwiri.

Mithumo 19:16

Muthu wule nya mandriki a di va ndragela, a va pferulela dzingandzu, va duga khu nyumbani mule wumbwiri na va tade khu silondra.

Mithumo 21:11

A di hidzimela avba gwathu, a dzega keka wa Pawulo a dzi hunga khuwo mawundru ni mawogo yaye, a ganela, khuye: “Liphuvbo nya Guage lari khilo, Vajudha, Jerusalema, va na mola mwama a gu mune keka yoyu, va mu hungelela kharati, va mu ningela ga va nya mayigo.”

Josuwa 5:15

Muthangeli nya nyimbi ya Pfhumu Nungungulu a di hakha, khuye: “Tshula silato migondroni gwago, kholu wulanga u guromo wu agide.” Josuwa a di gira kharato.

Gutuledwa 11:3

Nyi na rumela dzifakazi dzangu dza dzimbili na dzi ambade gilendra gasi gu profeta mahungu ya Nungungulu, gipimo nya likhumi mazana ni mazana mavili ni livbandre na limwedo magumi (1.260) matshigu.”

1 Samuweli 19:24

Uye nuye a di tshula ngandzu yaye, a guprofeta mbeli ga Samuweli, a thega vbavbatshi, nyamba ambala gilo litshigu latshavbo ni wutshigu watshavbo; esi si ganedwago pwani: “Ina Sawule nuye moyo nya vaprofeti, gani?”