Isaya 2:8 - Bhibhiliya Nya Guage

⁸ Litigo lawe gambe, li tade khu sihuru nya sifananiso, va gu khozela thumo nya mandza yawe, iso va si giridego kamwe khu dzinyala dzawe.

Isaya 2:8 Iomraidhean Croise

1 Dzipfhumu 16:7

Lito la Pfhumu Nungungulu li dita ga muprofeti Jewu, mwamana wa Hanani, li ta wugela Bhahasa gumogo ni ndranga yaye; khu kotani nya sighoho a giridego mbeli ga Pfhumu Nungungulu, a mu gorogisa khu mithumo ya mandza yaye, gasi a mu gira a fanana ni ndranga ya Jerobhowamo, khu kharato a di mu mbembisa.

2 Dzipfhumu 17:10

Va di emisa sifananiso ni sithombe sa Asitaroti, malangani yatshavbo nya gukhugege ni vbavbatshi nya misimbo yatshavbo yi thelago mahagane nya gunyuge.

2 Dzipfhumu 17:16

Va diga milayo yatshavbo ya Pfhumu Nungungulu wawe, va wumba sifananiso nya simombyana, va gira sifananiso nya simbo, va khidzimela sivangwa satshavbo sa ndzadzini, va khozela Bhahali.

2 Dzikoronika 27:2

Uye a diri muthu nya gululame mbeli ga Pfhumu Nungungulu, a di landrisa iso a nga girago babe waye Uziya, aholu uye kha nga bela Nyumbani ga Pfhumu Nungungulu. Ambari khu kharato, vathu va di simama gu thuma mithumo nya guvivbe.

Isaya 17:8

Kha va na khedza gambe sihuru sawe nya miphaso, esi va nga dzi girelago khu mandza yawe, ambari gu khedza gifananiso gya Asitaroti gi nga girwa khu dzinyala dzawe, ambari gu khedza giluvelo nya guvbisele libani.

Isaya 26:13

Ama Pfhumu Nungungulu wathu, hi diri ni vambe vafumeli va hi fumedego, aholu khu kotani nya tshivba yago, ethu hi ngu rungudza lina lago.

Isaya 37:19

va vbisedzede vanungungulu vawe, kholu khandri a diri vanungungulu, aholu a diri sifananiso, thumo nya mandza nya vathu, nya guvatwe khu misimbo ni siwindri; khu guralo va si khungumulede.

Isaya 40:19

Meseri a gu pfhula gifananiso, munyiviligisi nya ndralama a gi londra khu sugu, ndralama ni mikarara nya parata.

Isaya 41:29

Vatshavbo kha va sizi gilo, esi va girago si mwalo giphaso, sifananiso sawe nya gupfhudwe, liphuvbo nya gu dzi pfhadze basi.

Isaya 57:5

enu mu dzi furumedzago khu sifananiso vbavbatshi nya misimbo nya minvula ni vbavbatshi nya misimbo yatshavbo yi nyugago, mu songa sanana sanu mikovani, mu gira khiso miphaso mitsongoni, ni dziphagoni nya siwindri, gani?

Jeremiya 1:16

Khu guralo, nyi na va lamula gukhedza khu guvivba gwatshavbo va giridego. Kholu, va hambanide ni eni, va vbisela libani vambe vanungungulu, ni gu khozela vanungungulu va nga girago khu mandza yawe.

Jeremiya 11:13

Uwe Judha, tengo nya vanungungulu vago wungi ngudzu; va ninganago ni madhoropa yago, gukhedza khu tengo nya dzindzila dza Jerusalema, mu emiside siluvelo nya dzitshoni mu vbisela avbo libani Bhahali.

Jeremiya 2:28

Gasi vomo hayi vanungungulu u dzi giredego? Va gu bani vari ni tshivba nga va diga va eme, hi wona mwendro va ngu kodza gu gu vbanyisa matshigu u pwago wuvi; kholu vanungungulu vago uwe Judha vangi, kha nga madhoropa yago.

Hoseya 12:11

Tigoni ga Gileyadhi gwa gu bani guri ni manyala, avo va gu dzi pfhadza! Va gu bani va gu paya dzimombe va gira miphaso, siluvelo sawe sa gu fanana ni litala nya siwindri thembweni gu limidwego.

Hoseya 13:2

Olu, va gu engedzela gu andrisa sighoho; khu parata yawe, va gu gira sifananiso nya gupfhudwe, sifananiso nya guwumbwe khu mapimo nya wugengeli, a gu thumo nya mandza ya vameseri, va bwelo khavbo va ganela, khavo: Va gireleni miphaso. Vathu va ninga dzibesu sifananiso nya simombyana.

Hoseya 14:3

Asiriya kha na kodza gu hi vbulugisa, kha hi na khilela dzikavalu nya nyimbi. Niso hi si giridego khu mandza yathu, gima kha hi na ganela gambe avbo gwawe khethu: Uwe khuwe Nungungulu wathu; kholu uwe u ngu pwela wuhindzi sisiwana.”

Hoseya 8:6

Gimombyana gegi gi di girwa khu va na Israyeli! Gi di pfhudwa khu moyo nya vameseri vanu, khandri Nungungulu. Githombe gyogyo nya gimombyana gya Samariya, gi na khungumuledwa gi tshala khu sipandre.

Mikeya 5:12

Nyi na vbedza wuloyi wa mandzani gwago; khu na nga mana gambe va nya gu lola dzisolo;

Mithumo 17:16

Na nga gu va virela dhoropani ga Atena, hefemulo waye wu di garadzega khu gu wona lidhoropa lile na li tade khu sihuru nya miphaso.

Dhewuteronome 4:28

Iyoyo, mu naya thumela vanungungulu nya gugirwe khu mandza nya vathu, nya mapulango ni siwindri, si si wonigo, mwendro gupwa, si si hodzigo ambari gupwa gununga.

Gutuledwa 9:20

Ambari ga sigaradzo satshavbo sesi, vale va nga vbulugago, kha va dzi kodza gu vbindrugedza mavbanyelo, va nyenya sithombe nya guwumbwe khu mandza yawe, kha va diga gu khozela sikwembu ni sithombe nya guwumbwe khu ndralama, khu parata, mwendro khu sugu ni misimbo. Va rana vanungungulu sithombe nyamba wona, nyamba pwa, nyamba gimbila.