Isaya 2:6 - Bhibhiliya Nya Guage

⁶ Kholu uwe Pfhumu Nungungulu, u digide vathu vago va nyumbani ga Jakobe, kholu va dzegelede mavbanyelo nya tumbunugo wa mambe mayigo ya Khugadambo, va gu thumisa wunyanga kha nga Vafilisitiya, va thangana wupari ni va nya mayigo.

Isaya 2:6 Iomraidhean Croise

2 Dzipfhumu 1:2

Akazi a nga bani ari vbatshani nya gitezi nya nyumba yaye tigoni ga Samariya, a di thega khu vbagihogotunu ata dzi bayisa ngudzu. Khavbo avbo, a di rumela myango a yi embela, khuye: “Indrani mu ya wudzisa Bhahali-Zebhubi, nungungulu wa Ekoroni, gasi nyi dziti gukheni ina nyi na vbanya ga ngumbe yeyi, gani?”

2 Dzipfhumu 17:20

Khu guralo, Pfhumu Nungungulu a di hambana ni livelego latshavbo la Israyeli, a va tshanisa, a va ningela mandzani ga vaphangi, kala a va dusa mbeli gwaye.

1 Dzikoronika 10:13

A di fisa kharato Sawule khu kotani nya gighoho a giridego ga Pfhumu Nungungulu, khu kotani nyamba landrisa magana ya Pfhumu Nungungulu, ni guya wudzisa ni gu lomba gu phaswa khu muloli nya dzisolo,

2 Dzikoronika 15:2

Uye a di hongola ga Asa, aya mu embela, khuye: “Nyi yingiseni, uwe Asa, ni enu mwatshavbo va na Judha, ni va na Bhejami! Pfhumu Nungungulu a na ni enu, na mu ngari naye, mwa gu mu vbwetani, Uye mu na mu mana; aholu mwa gu mu digani, Uye nuye a na mi diga.”

2 Dzikoronika 24:20

Liphuvbo la Nungungulu li dita khavbo ga muprofeti Zakariya, mwamana wa muphasi nya mhamba Joyadha, uye a di khuga a ema mbeli nya vathu, khuye: “Pfhumu Nungungulu a ngu ganela, khuye: Khu ginani mu hambanidego ni milayo ya Pfhumu Nungungulu? Gima kha mu na dugelela. Kha nga olu mu Mu digidego, Uye nuye a na mi diga.

Nehemiya 13:23

Khu matshigu yoyo gambe, nyi wonide gukheni vomo Vajudha va dzeganidego ni va nya mayigo nya va Asidhodhi, ni va Amoni, ni va Mowabhi.

Dzindzimo 106:35

Aholu va di ya dzi pata gumogo ni va nya mayigo, va gu hevbulela tumbunugo wawe.

Ekisodha 22:18

U nga digi ndroyi yi vbanya.

Ekisodha 34:16

mwendro gu wudza dzimbiri dzawe, u lowodza sanana sago. Vanyamayana vovo gikhati va bhayago ni vanungungulu vawe, va nga khulugisa sanana sago si bhaya niso ni vanungungulu vovo.

Mavingu 6:1

Mwanangu, wa gu bani u dzi ningede gu livba milandru ya muakelane wago, ni gu bani u sambanyide gu livbela milandru ya mumbe muthu,

Isaya 14:29

Enu Vafilisitiya mwatshavbo mu nga nengeli, kholu yi fanyeledzedwego ndronga yi nga bani yi mi tshanisa, kholu girumbi nya nyoga gya gu dusa wuhungu, ni umo nya litandra nya nyoga gu duga mwamilambo.

Isaya 8:19

Vambe va na mi kutsedzela, khavo: Wudzisani maphuvbo ya vale va fudego ni valoli nya dzisolo va ngurangurago ni gu lembelana; ina kamwe va na Israyeli va gu bani vari ni mahungu kha va na ngaya wudzisa Nungungulu wawe, gani? Ina avo va vbanyago va ngu yela guya wudzisa avo va fudego, gani?

Jeremiya 10:2

Pfhumu Nungungulu a ngu ganela kharati, khuye: “Mu nga pimedzeli mavbanyelo ya mambe mayigo, ambari gu thurugiswa khu sisamadziso sa damboni; kholu va nya mayigo va ngu thurugiswa khiso.”

Jeremiya 12:7

Nyi digide gu tangadzisa ndranga yangu, nyi digide thomba yangu; nyi ningela gigodwa gyangu mandzani ga valala vaye.

Gililo 5:20

Ina u na hi divala gikhati gyatshavbo, gani? Ni gu hi pfhurarela khu gikhati nya gingi, gani?

Levhi 19:31

Mu nga khidzimeli maphuvbo nya vafi, mu ngayi ga vanyamandriki, mwendro ga va nya gulola dzisolo mu ya wudzisa gilo. Mu nga dzi nyenyezisi khisoso. Eni kheni Pfhumu Nungungulu wanu.

Levhi 20:6

Muthu ayago ga vanyasikwembu, ni va nya gulola dzisolo, a dzi ningedzela gukhodwa ga silo soso, Eni nyi na mu wugela nyi mu fuvisa vbakari ga va na gyawe.

Mikeya 5:11

nyi na khungumulela madhoropa ya tigoni gwago, nyi thesa vbavbatshi makhokhola yago yatshavbo.

Mikeya 5:12

Nyi na vbedza wuloyi wa mandzani gwago; khu na nga mana gambe va nya gu lola dzisolo;

Sofoniya 1:8

Litshigu nya miphaso ya Pfhumu Nungungulu, nyi na tsayisa manganagana ni sanana sa mufumeli, ni vatshavbo avo va yedzedzelago maambalelo ya mambe mayigo.

Mitengo 23:7

Khavbo avbo, a di ganela magana yaye, a mu embela, khuye: “Khu tigoni ga Arami, nyi di raniswa khu Bhalaki, mufumeli wa Mowabhi, a nyi rumela mwango sigomoni sa Khugadambo, guta nyi embela, khuye: Delu u ta vala Jakobe! Delu uta yuyutela Israyeli!

Varoma 11:20

Lisine ilolo. Avo va kokidwe khu kotani nya gumba khodwa, gasi uwe olu u vegidwe wulangani wowo khu kotani u khodwago. Ambari ulo, u nga dzi giri matshandza khu kotani nya isoso. Aholu gu vbwetega gu dzi wonela.

1 Samuweli 6:2

Vafilistiya va di ramba vaphasi nya mhamba ni valoli nya dzisolo, va ta va embela, khavo: “Hi na gira ginani khu Ngasa ya Pfhumu Nungungulu? Hi embeleni hi na yi bweledza kharini wulanga waye.”