Isaya 2:3 - Bhibhiliya Nya Guage

³ Mafumbo nya mangi nya mayigo, ma nata ganela, khayo: Hongoleni hi gwele gigomoni ga Pfhumu, hiya Nyumbani ga Nungungulu wa Jakobe, gasi a hi hevbudze dzindzila dzaye, hi gimbila khu dzindzila dzaye, kholu, nayo wu na duga khu Siyoni, magana ya Pfhumu Nungungulu, ma na duga khu Jerusalema.

Isaya 2:3 Iomraidhean Croise

Dzindzimo 102:23

Uye a nyi vbedzide tshivba vbakari nya ndzila, a rodzisa matshigu yangu nya guvbanye.

Dzindzimo 110:2

Pfhumu Nungungulu a guromo Siyoni a na tiyisa ndronga nya wufumu waye a ganela, khuye: “Fuma vbakari ya valala vago.”

Dzindzimo 119:171

Nyi na embelela ndzimo nya gu gurungudze, kholu u nyi hevbudzide guti sileletelo sago.

Dzindzimo 122:1

Nyi nengede gikhati nyi nga embedwa, gupwani: “Hongoleni Nyumbani ga Pfhumu Nungungulu!”

Dzindzimo 48:1

Pfhumu Nungungulu khongolo, a ngu yela gu rungudzwa ngudzu, dhoropani ga Nungungulu wathu.

Isaya 1:26

Nyi na gu wuyisela valamuli vago, nya gufanane ni vale va gale, ni vasingalagadzi vago kha nga guhegulani; khavbo u na ranwago nyaluphye, gupwani u lidhoropa nya gululame ni gutumbega.

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Isaya 19:23

Khu litshigu lolo, gu na manega ndzila nya gutshanganise litigo la Egipito ni la Asiriya, Vaasiriya va na hongola Egipito, Vagipiti navo, va na hongola Asiriya, Vagipiti ni Vaasiriya, vatshavbo va na khozela Pfhumu.

Isaya 28:9

Va gu wudzisa, khavo: “A gu pimisa gukhuye na hevbudza mani wugengeli, na? A gu pimisa gukhuye a na tshamusela mani mahungu va ma pwidego? Ina kamwe ethu hi ngari sanana nya sidugwane si ngari gulumudwago, gani? Esi si ngari gu digago libele, gani?

Isaya 44:5

Moyo a na ganela, khuye: Eni nyi wa Pfhumu Nungungulu; mumbe a na dzi riya lina la Jakobe; mumbe a na lova mandzani gwaye, khuye: Eni nyi wa Pfhumu Nungungulu, limbe lina, a dzi rana khuye kheni Israyeli.”

Isaya 56:5

nyi na va ninga wulanga ni lina nyumbani ni mabhiyoni gwangu, eli li vbindrago gu mana sanana nya sikhwathana ni sagadzyana. Nyi na ninga moyo ni moyo nya avo lina nya gukala gupindruga, li na gumba fuva.

Isaya 56:7

avo navo nyi na va dzega nyi va yisa gigomoni gwangu nya gukatege, nyi ya va tsakisa Nyumbani gwangu nya Milombelo. Miphaso yawe nya guvbiswe ni dzimhamba dzawe, si na hakhwa siluveloni gwangu, kholu Nyumba yangu yi na ranwa nyumba nya Milombelo ga mayigo yatshavbo.

Isaya 60:3

Mayigo ma na mana wenengedzo wago, ni vafumeli va na wona gungangamela nya wuronga wago.

Isaya 65:11

Aholu enu mu si khathaligo khu Pfhumu Nungungulu, mu divala gigomo gyangu nya guage, enu mu dongiselago meza vanungungulu nya malipha va ranwago pwani Gadhi ni Meni,

Isaya 66:20

Va na resa vandriyanu vatshavbo khu mayigoni, gasi gu gira ningelo ga Pfhumu Nungungulu, na va khilede dzikavalu, dzikareta, vambe na va khusidwe khu matsira, vambe khu dzimula, ni dzingameriya, gigomoni gwangu nya gukatege gya Jerusalema, a ngu ganela Pfhumu Nungungulu. Va gira kha nga va na Israyeli gikhati va resago miningelo yawe nya dzimbewu Nyumbani ga Pfhumu Nungungulu khu mikanvuni yi agidego.

Jeremiya 12:16

Va gu bani va hevbude dzindzila dza vathu vangu, gasi va sambanya khu lina langu, khavo: Khu Pfhumu Nungungulu a vbanyago; kha nga olu u hevbudzidego vathu vangu gu sambanya khu Bhahali, khu guralo, avo va na vbaha vbakari nya vathu vangu.

Jeremiya 26:18

Na nga gu fuma Ezekhiya, mufumeli wa Judha, muprofeti Mikeya wa Morasi, a hi profetide a ganela ga vathu vatshavbo va Judha, khuye: Pfhumu Nungungulu nya Tshivba Yatshavbo ganede kharati, khuye: Siyoni a na limwa nga lithembwe, Jerusalema a na vbindrugedza a khala litala nya marumbi, lina nya Nyumba ya Nungungulu li vbindrugedza li khala gigomo gi bhiyidwego khu likhabi.

Jeremiya 31:6

Kholu, li na vboha litshigu dzighadhi dzi na gu laledzago khu musigomoni sa Efrayimi, khidzo: “Khugani mu eme! Hi gwela Siyoni, mbeli ga Pfhumu Nungungulu wathu.”

Ezekiyeli 40:2

Khu siwoniso, Nungungulu a di nyi yisa tigoni ga Israyeli, aya nyi vega gigomoni nya gulaphe ngudzu; avbo khu Marandzi gakone, gu diromo dzinyumba nya sitezi dzi nga bani dzi fanana ni lidhoropa.

Hoseya 3:5

Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.

Hoseya 6:3

Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

Mikeya 4:2

Mayigo yatshavbo ma nata ma ta khayo: Hongoleni hi gwele gigomoni gya Pfhumu Nungungulu ni Nyumbani ga Nungungulu wa Jakobe, gasi a ta hi hevbudze dzindzila dzaye, ethu hi na landra sindzilana saye; kholu nayo wu na duga khu Siyoni, khu Jerusalema gu na duga magana ya Pfhumu Nungungulu.

Matewu 7:24

“Wule a pwago mahungu yangu a ma landrisa, a gu fanana ni mwama nya mapimo a nga vbaha nyumba yaye mugiwindrini.

Luka 11:28

Aholu Jesu a di hakha, khuye: “Indra, khuwe: Va kategide avo va pwago magana ya Nungungulu, va ma landrisa.”

Luka 24:47

ni gupwani, khu lina laye, gu na hevbudzwa mayigoni gwatshavbo gu vbindrugedza mavbanyelo ni tsetselelo nya sighoho, gukhugela Jerusalema.

Johane 4:22

Enu mwa gu khozela igyo mu si gitigo, gasi ethu ha gu khozela igyo hi gitigo, kholu guvbanyiswa gwa guta khu ga Vajudha.

Johane 7:17

Uye a vbwetago gu gira gugola gwa Nungungulu a na dzi wudzisa gukhuye gihevbudzo gyangu gya guta khu ga Nungungulu, mwendro nya gu gi khugela.

Mithumo 1:8

Gasi enu, mu na hakha tshivba gikhati Liphuvbo nya Guage li na gu tshigago gwanu. Mu na khala dzifakazi dzangu gukhugela Jerusalema ni Judheya gwatshavbo, ni Samariya, kala mahegiso nya mafu.”

Mithumo 10:33

Nyi di dzegela gu gu ranisa. Nyi ngu bonga olu u dzudego. Olu hi tshanganide avba hatshavbo mahoni ga Nungungulu, hi dzi dongisede gu yingisa satshavbo esi u rumedwego khu Pfhumu.”

Varoma 10:18

Olu nyi ngu wudzisa: Ina avo kha va mapwa mahungu yaya, gani? Khu lisine va ma pwide. Gambe iyo Milowo nya Guage yabune yi ngu ganela, khiyo: “Lito la vativisi li pwade tigoni gwatshavbo, ni magana yawe ma vbohide kala mahegiso nya mafu.”

Dhewuteronome 33:19

Avo va na tombanisa vathu gigomoni; avbovbo va na ya ningela miphaso nya gululame, kholu va na mana nya singi sa phwani ni dzithomba dzi sihidwego mafuni.”

Dhewuteronome 6:1

Esi khu sirumo ni milayo ni sileletelo esi Pfhumu Nungungulu wago, a nyi rumidego gu mi hevbudza, gasi muya si landrisa ga litigo mu na li dzegago gasi li khala thomba yanu.

Jakobe 1:25

Aholu, muthu a khedzisago gwadi Nayo nya gululame wu hi ningago gutshulega a tiya ga uwo, a si tsakiswi basi khu gupwa, aholu, a landrisa esi Nayo wu rumago, a na kategiswa mithumoni yaye yatshavbo.