Isaya 2:21 - Bhibhiliya Nya Guage

²¹ Vathu va na bela dziphagoni nya siwindri ni mavbalani nya sigomo, khu gu thava likhulo la Pfhumu Nungungulu ni gungangamela nya wugulu waye, gikhati a na tago guta thusa litigo.

Isaya 2:21 Iomraidhean Croise

2 Samuweli 22:46

Vatshavbo va gu vbela tshivba; va duga khu makhokholani yawe na va gu ndrendremela.

Joba 30:6

Va gu khala miseleni nyambana mati nya mikova nya guthise; mavbalani ni dziphagoni nya siwindri.

Joba 9:6

Uye a gu vbevbera mafu a ma dusa malangani gwaye, a ndrendremedzisa ni madingo yakone.

Ekisodha 33:22

Gikhati wudhumo wangu wu vbindrago, nyi na gu bedza phagoni nya giwindri, Eni nyi na gu fenengedza khu mandza yangu, kala nyi gu vbindra.

Gizimba 2:14

Uwe lituva langu u sihalago dziphagoni nya siwindri, ni gukhwekelani nya gusihale; nyi yeyedze khovbe yago, nyi napwe lito lago, kholu lito lago li ngu tshamba, ni khovbe yago yi mburide.”

Isaya 2:10

Sihalani dziphagoni nya siwindri, belani vbavbatshi nya mavbala, mu thava likhulo la Pfhumu Nungungulu ni wudhumo nya wugulu waye.

Isaya 2:19

Avbo, vathu va naya sihala dziphagoni nya siwindri, ni vbavbatshi nya mavbala, khu gu thava likhulo nya guthise li tago khu ga Pfhumu Nungungulu, ni gungangamela nya wugulu waye, gikhati a na tago guta thusa litigo.

Isaya 24:18

Uye a na thavago lito nya tshanisa a na thegela phalani, ni uye a na dugago khu phalani, a na modwa khu lizinga; kholu sihogo sa ndzadzini si tulegide, gu tsekatseka siseketelo nya mafu.

Isaya 33:10

Pfhumu Nungungulu a ngu ganela kharati, khuye: “Olu, Eni kamwe nyi na khuga nyi ema; olu, va na nyi khusedza.

Isaya 7:19

Idzo dzi nata mbaka mikovani nya guete ni dziphagoni nya siwindri, mibani gwatshavbo, ni wuhaviseloni gwatshavbo.

Jeremiya 16:16

Pfhumu Nungungulu a ngu ganela kharati, khuye: Nyi na rumela tengo nya wungi nya vagogi vuta va goga; khu hwane nya isoso, nyi na rumela wumbe tengo nya vasoti, vaya va sota sigomoni ni sigomwanani, gumogo ni dziphagoni nya siwindri.

Hoseya 10:8

Malangani nya gukhugege ya Bheti-Avheni, a gu tsindza nya giwono gya Israyeli, gu na pfhungumudwa; miba ni sirangalabwa, si buga vbatshani nya siluvelo sawe. Khavbo avbo, va na embela sigomo, khavo: “Hi fenengedzeni!” Ga sigomwana, khavo: “Hi futeleni!”