Isaya 2:19 - Bhibhiliya Nya Guage

¹⁹ Avbo, vathu va naya sihala dziphagoni nya siwindri, ni vbavbatshi nya mavbala, khu gu thava likhulo nya guthise li tago khu ga Pfhumu Nungungulu, ni gungangamela nya wugulu waye, gikhati a na tago guta thusa litigo.

Isaya 2:19 Iomraidhean Croise

2 Samuweli 22:46

Vatshavbo va gu vbela tshivba; va duga khu makhokholani yawe na va gu ndrendremela.

Joba 9:6

Uye a gu vbevbera mafu a ma dusa malangani gwaye, a ndrendremedzisa ni madingo yakone.

Dzindzimo 7:6

Pfhumu Nungungulu, khuga u ema nu gorogide! Wuga nu tade khu likhulo, u dwana ni valala vangu; delu u ta nyi emela, gukhedza khu gulamula u gu vegisedego.

Isaya 13:13

Khu guralo, nyi na ndrendremedzisa damboni; mafu ma na khuga wulangani gwaye, khu kotani nya likhulo la Pfhumu Nungungulu nya Tshivba Yatshavbo, ni kotani nya litshigu nya likhulo laye nya guthise.

Isaya 2:10

Sihalani dziphagoni nya siwindri, belani vbavbatshi nya mavbala, mu thava likhulo la Pfhumu Nungungulu ni wudhumo nya wugulu waye.

Isaya 2:21

Vathu va na bela dziphagoni nya siwindri ni mavbalani nya sigomo, khu gu thava likhulo la Pfhumu Nungungulu ni gungangamela nya wugulu waye, gikhati a na tago guta thusa litigo.

Isaya 24:1

Wonani nya gukhenu! Pfhumu Nungungulu a na mbembisa litigo a li gira marumbi, a vbindrugedza litigo ni gu phalalegisa vavbanyi vaye.

Isaya 24:18

Uye a na thavago lito nya tshanisa a na thegela phalani, ni uye a na dugago khu phalani, a na modwa khu lizinga; kholu sihogo sa ndzadzini si tulegide, gu tsekatseka siseketelo nya mafu.

Isaya 24:19

Mafu yatshavbo ma na pandrega, ma kabanega khu vbakari, ma kutsungwa, ma tsekatseka khu tshivba.

Isaya 30:32

Ndronga ni ndronga Pfhumu Nungungulu a na va vetago khiyo gasi gu va tsayisa, yi longoloka ni guwombwa singomana ni sitendre. A na dwana navo khu gyandza nya gukhugege.

Isaya 33:10

Pfhumu Nungungulu a ngu ganela kharati, khuye: “Olu, Eni kamwe nyi na khuga nyi ema; olu, va na nyi khusedza.

Isaya 7:19

Idzo dzi nata mbaka mikovani nya guete ni dziphagoni nya siwindri, mibani gwatshavbo, ni wuhaviseloni gwatshavbo.

Jeremiya 16:16

Pfhumu Nungungulu a ngu ganela kharati, khuye: Nyi na rumela tengo nya wungi nya vagogi vuta va goga; khu hwane nya isoso, nyi na rumela wumbe tengo nya vasoti, vaya va sota sigomoni ni sigomwanani, gumogo ni dziphagoni nya siwindri.

Jeremiya 4:29

Madhoropa yatshavbo ma na tutuma ma thava khu kotani nya ligwaha nya vakhileli nya dzikavalu ni vakhwandri nya siholoma, vathu vaye va na thava va ya sihala sipoponi ni dziphagoni; madhoropa yatshavbo ma na khala na mari marumbi nyamba khadwa khu muthu.

Jeremiya 48:28

Dugani madhoropani mu ya khala musiwindrini, enu mu vbanyago Mowabhi! Girani nga matuva ma vbahago sihaga sawe myanyani nya dziphago.

Ezekiyeli 33:27

U na va embela kharati, khuwe: Mune Pfhumu Nungungulu, a ngu ganela kharati, khuye: Nyi ngu sambanya khu guvbanya gwangu kheni, avo va tshadego marumbini va na songwa khu matshari, avo va guromo khabini, nyi na va ningela va hodzwa khu sirengo sa khabini, ni avo va na gu sihalago makhokholani ni mavbalani va nafa khu tungu.

Hoseya 10:8

Malangani nya gukhugege ya Bheti-Avheni, a gu tsindza nya giwono gya Israyeli, gu na pfhungumudwa; miba ni sirangalabwa, si buga vbatshani nya siluvelo sawe. Khavbo avbo, va na embela sigomo, khavo: “Hi fenengedzeni!” Ga sigomwana, khavo: “Hi futeleni!”

Mikeya 7:17

Va na dandzela kudzudzwane kha nga dzinyoga, ni simbe sirengo si khwirirago khu lididi mafuni, va na duga khu mugusihalani gwawe na va gu ndrendremela khu hwanga, va nata gwago Pfhumu Nungungulu wathu, na va gu gu thava.

Nahume 3:11

Uwe nuwe, Ninivha, u na leva uya sihala; u na vbweta wulanga nya gusihale, u thava valala vago.

Agewu 2:6

Kholu Pfhumu Nungungulu nya Tshivba Yatshavbo a ngu ganela kharati, khuye: Khu gikhati gidugwana, Eni nyi na tsekatsekisa ndzadzini, litigo, linene ni mafu nya gubange.

Agewu 2:7

Nyi na tsekatsekisa mayigo yatshavbo, gasi ma rese eno dzithomba dzawe dzatshavbo; nyi na tadza nyumba yeyi khu wudhumo; a ngu ganela Pfhumu Nungungulu nya Tshivba Yatshavbo.

Luka 23:30

Gikhati gyogyo va na embela sigomo, khavo: ‘Hi thegeleni.’ Va na embela sigomwana, khavo: ‘Hi sihaledzeni!’

2 Vatesalonika 1:9

Avo va na mbembiswa va yiswa hwindzo, nyamba wona ni gupwa tshivba ni wudhumo wa Pfhumu.

Vahebheru 11:38

Va di pepetega giwulani ni sigomoni, va gu vbanya dziphagoni nya siwindri ni mavbalani. Litigo li di si lumbi avo.

Vahebheru 12:26

Wule khu Lito laye a nga kutsungago mafu, olu tumbiside, gukhuye: “Eni nyi na engedza gambe gu kutsunga, nasiri mafuni basi, aholu, ni ndzadzini gambe.”

Gutuledwa 11:13

Gikhati gyogyo, gu di dugelela girevareva nya gikhongolo. Gipandre nya likhumi nya lidhoropa gi di pfhungumudwa. Livbandre na mavili magumi mazana (7.000) nya vathu va fude khu girevareva gyogyo. Ava va nga vbulugago va di tala khu rerema va gu dhumisa Nungungulu wa ndzadzini.

Gutuledwa 11:19

Khavbo avbo, Nyumba ya Nungungulu a guromo ndzadzini yi di tudwa, yi gu wonega Ngasa nya Gidzumeledzwano ndrani nya Nyumba ya Nungungulu, khu gikhati gyogyo, gu di lasa, gu pwala malito ni gu pandra mabara, gu duga girevareva, ni maralala.

Gutuledwa 16:18

Khavbo avbo, gu di lasa, gu pwala dzihuwa, gu dzuma mabara, gu handzamedza girevareva nya gu gima na gima gi di si gu wonwi khu muthu; a diri girevareva nya gikhongolo ngudzu.

Gutuledwa 20:11

Nyi di wona gambe gikhalo nya gikhongolo nya wufumu nya guage ni wule a nga bani a khade ga igyo. Mahoni gwaye ndzadzi ni mafu si di mwalalega nyamba wonega gambe.

Gutuledwa 9:6

Ndrani nya migima yoyo, vathu va na dogorela gufa va gu hamuga, va na vbweta gufa, aholu, lufu li na va thava.

1 Samuweli 13:6

Avbo va na Israyeli va nga wona gukhavo, va randredwe khu maphuvbo yatshavbo, va di sihala mudziphagoni, ni mavbalani, sirangalabwani, siwindrini ni milamboni.

1 Samuweli 14:11

Khu guralo, khu wuvili wawe, va diya dzi wonegisa ga vawoneleli nya Vafilisitiya, avo va di ganela, khavo: “Kha mu va woni vale va dugago khu dziphagoni va nga bani va sihade umo.”