Isaya 2:18 - Bhibhiliya Nya Guage

¹⁸ Sifananiso satshavbo nya vanungungulu nya malipha si na khungumuledwa muphelo.

Isaya 2:18 Iomraidhean Croise

Isaya 2:17

Khu litshigu lolo, vathu va dzi khusedzago va na thedwa dzitshoni, ni avo va dzi gugumugisago va na vbwasamiswa. Pfhumu Nungungulu khuye basi a na khusedzwago.

Isaya 21:9

Olu, wonani! Gu nguta gikwata nya vama, vakhileli nya dzikavalu khu vavili vavili. Khavbo avbo, uye a di khusa lito a ganela, khuye: Thegide! Thegide Bhabhiloni; ni sifananiso saye satshavbo nya vanungungulu nya guvatwe, si pandregede si mbambamela mafuni.”

Isaya 27:9

Khidzo kharato, nandru wa Jakobe wu na handzwa, owu a nga bani nari handro nya gutsetseledwe sighoho saye, si na dzi yeyedza khu gu va khungumulela siluvelo satshavbo, va pandrelela siwindri sakone si khala wuguvbi, va sigulela madingo ya nungungulu nya malipha Asitaroti ni sifananiso nya lidambo, si thega vbavbatshi.

Isaya 46:1

Bheli, nungungulu nya malipha thegide, ni Nebhu nogide vbavbatshi; sifananiso sawe si ngu rwegwa vbatshani nya sirengo ni dziburu; mirwalo yanu ya gu lemela dziburu dzi garadego khu gu lemedwa.

Jeremiya 10:11

Khu guralo, va embeleni gukhenu: “Vanungungulu vava va ngamba gira ndzadzi ni mafu, va na fuva tigoni ni vbavbatshi nya lidambo leli.”

Jeremiya 51:18

Iso kha si phasi gilo, mithumo nya wupumbu; khu litshigu nya tsayiso, satshavbo si na mbemba.

Ezekiyeli 30:13

Mune Pfhumu Nungungulu, a ngu ganela kharati, khuye: Nyi na khungumula gambe sifananiso, ni gu vbedza vanungungulu va Menifisi; kha gu na manega gambe vathangeli tigoni ga Egipito, nyi na thela hwanga tigoni gwatshavbo.

Ezekiyeli 36:25

Khu guralo, nyi na mitegedzela mati nya gukatege vbatshani gwanu, mu agani; nyi na mi agisani gunyenyezani gwanu gwatshavbo mu nga dzi nyenyezisa khu sifananiso sanu.

Ezekiyeli 37:23

Gima kha va na dzi nyenyezisa gambe khu sifananiso sawe, ambari khu guvivba gwawe, mwendro khu gevbini gimbe nya guhambanise gwawe nya nayo; nyi na va vbulugisa guyeyisani gwawe gu nga va gurumedza gughoha, eni nyi va agisa. Khu guralo, avo va na khala vathu vangu, Eni nyi na khala Nungungulu wawe.

Ezekiyeli 6:6

Ni evbini mu na ya vbahago umo, madhoropa ma na khungumudwa, ni siluvelo nya wuhedheni si na pandreledwa si khala marumbi, ni siluvelo sawe nya libani si na khungumudwa ni yatshavbo mithumo ya mandza yanu yi na fuviswa.

Hoseya 14:8

Enu va na Efrayimi: Kha nyi vbweti gambe gupwa gilo khu sifananiso sanu? Kheni kamwe nyi mu ningago phindrulo nyi bwelo khavbo nyi mu sayisa. Eni nya gu nyuga gu fanana ni simbo nya pinyu, mihandro yago, ya gu dugela avbo gwangu.

Mikeya 1:7

Sithombe saye satshavbo nya guvatwe, si na khungumuledwa ni satshavbo iso a nga bhindzulago khu wuphuphulu, si na dagarela khu nilo, sithombe saye satshavbo si na khungumuledwa, kholu uye a si wungedzede khu tengo nya wuphuphulu, kha nga hakhelo nya wubhayi waye.

Mikeya 5:13

Nyi na fuvisa vbakari gwago sifananiso sago nya guvatwe ni sihuru sago nya miphaso, uwe gima khu na khidzima gambe mbeli nya thumo nya mandza yago.

Sofoniya 1:3

Nyi na mbembisa vathu ni sirengo; nyi vbedza sinyoni sa damboni ni dzindzandzi dza phwani; avo va khunguvanyisago vakwawe ni va nya guvivbedwa khu monyo, nyi na fuvisa vathu mafuni, a ngu ganela Pfhumu Nungungulu.

Sofoniya 2:11

Pfhumu Nungungulu a na thisa vbakari gwawe, kholu a na fuvisa vbakari gwawe vanungungulu vatshavbo va mafuni; vatshavbo va nata mu khozela, muthu ni muthu gukhugela tigoni gwawe, ambari sidwa sa hwindzo ni lihundzu lawe.

Zakariya 13:2

Khu litshigu lolo, a ngu ganela Pfhumu Nungungulu nya Tshivba Yatshavbo, khuye nyi na fuvisa tigoni ga Israyeli malina ya vanungungulu nya malipha, gima va si alakanywi gambe, nyi na tutumisa gambe tigoni vaprofeti nya malipha ni liphuvbo nya gunyenyeze.