Isaya 19:1 - Bhibhiliya Nya Guage

¹ Gitiviso khu litigo la Egipito: Wonani gukhenu, Pfhumu Nungungulu, a nguta na khilede vbatshani nya lipfhi nya mazambo, ata tigoni ga Egipito. Sifananiso nya vanungungulu va Egipito, si na ndrendremela mbeli gwaye, ni myonyo ya Vagipiti yi na ghavata ndrani gwawe.

Isaya 19:1 Iomraidhean Croise

Dzindzimo 104:3

U vbahide dzinyumba dzago matini ya vbatshani, u giride kareta yago khu mapfhi, u gimbila dzimbapini nya phuvbo.

Dzindzimo 104:34

Gupimisa gwangu gu na tsakise Uye, eni nyi na nengela ga Pfhumu Nungungulu.

Dzindzimo 18:9

Uye a di tula ndzadzini a tshiga, na gandride lipfhi nya gusivbale migondroni gwaye.

Dzindzimo 68:4

Embani ga Nungungulu, mu dhumisa lina laye khu dzindzimo; tulelani ndzila oyu a khiledego vbatshani nya mapfhi. Lina laye khu Pfhumu Nungungulu, nengelani mahoni gwaye.

Ekisodha 12:12

Ni wutshigu wowo, nyi na vbindra tigoni ga Egipito, nyi na songa satshavbo sanana nya matiwula ya tigoni ga Egipito, nya vathu ni sifuyo; nyi na lamula vanungungulu vatshavbo va Egipito. Eni kheni Pfhumu Nungungulu!

Isaya 13:1

Aya Mahungu nya gupfhungumudwe ga Bhabhiloni ma nga woniswago ga Isaya, mwamana wa Amosi:

Isaya 13:7

Khu guralo, vathu vatshavbo va na vbela tshivba, vathu vatshavbo va na pilega hwambo.

Isaya 19:16

Khu litshigu lolo, Vagipiti va na fanana ni vanyamayi, va na ndrendremela va thava gu vetwa khu gyandza gya Pfhumu Nungungulu nya Tshivba Yatshavbo, a gi khusedzidego gasi gu va wugela.

Isaya 21:9

Olu, wonani! Gu nguta gikwata nya vama, vakhileli nya dzikavalu khu vavili vavili. Khavbo avbo, uye a di khusa lito a ganela, khuye: Thegide! Thegide Bhabhiloni; ni sifananiso saye satshavbo nya vanungungulu nya guvatwe, si pandregede si mbambamela mafuni.”

Jeremiya 25:19

ni Faro, mufumeli wa Egipito, madhota, manganagana gumogo ni vathu vaye;

Jeremiya 4:13

Mupfhungumuli a nata kha nga lipfhi nya gingulu, dzikareta dzaye dzi nata kha nga gipupwane; dzikavalu dzaye dzi na vbuvba guvbindra maghama. Libango avbo gwathu, kholu hi ngu mbemba!

Jeremiya 44:8

Khu ginani mu wusago likhulo langu khiso mu girago, nya guvbisele libani vambe vanungungulu tigoni ga Egipito, umo mu dzudego guta vbanya umo? Khu ginani mu dzi vangedego lufu, avbo mayigo yatshavbo ma mi wonago kha nga gilo nya gihegiso ni givalo mbeli gwawe.

Jeremiya 50:2

Huwelelani vbakari nya mayigo, mu ma pwadzela, ghwimbani ngavbya mu va embela, mu nga va siheli gilo, va embeleni, khenu: Bhabhiloni wandridwe; Bheli thedwe dzitshoni, Moridhaki nuye pandreledwe, va poyila sifananiso saye, va khungumulede vanungungulu vaye nya malipha.

Jeremiya 51:44

Nyi na tsayisa Bheli, nungungulu wa Vabhabhiloni, nyi mu gosisa khu kanani gwaye, satshavbo a hodzidego. Mayigo gima kha ma na ngata tshangana gambe gwaye, ni libhiyo la Bhabhiloni li khungumudwe.

Ezekiyeli 30:13

Mune Pfhumu Nungungulu, a ngu ganela kharati, khuye: Nyi na khungumula gambe sifananiso, ni gu vbedza vanungungulu va Menifisi; kha gu na manega gambe vathangeli tigoni ga Egipito, nyi na thela hwanga tigoni gwatshavbo.

Joyele 3:19

Litigo la Egipito li na khala marumbi, Edhomi a na vbindrugedza a khala giwula nya gihala, khu kotani nya wusaseli va nga wu girago ga va na Judha, va vbaladzide tigoni novba nyambana nandru.

Nahume 1:1

Gulamudwa ga Ninivha. Libhuku nya giwoniso gya Nahume, nya lifumbu la Elikosi.

Nahume 1:3

Pfhumu Nungungulu a ngu hwela gu goroga, gambe khongolo khu Tshivba; kha na diga gu tsayisa gighohi. Ndzila yaye yomo omu nya gingulu numo nya gipupwane; mapfhi i kudzudzwane nya migondro yaye.

Zakariya 10:11

Avo va na tsemakanya yiphwa nya sitshaniso, a na veta mavimbi nya yiphwa, milondrwa nya guete nya tsongo wa Nilo yi na banga. Khavbo avbo, ma na vbela matshandza yatshavbo ya Asiriya, yi duswa ni ndranga nya wufumu wa Egipito.

Zakariya 14:18

Ambari ni mafumbo nya Vagipiti ma gumba gwela ma ta mu khozela, kha va na wedwa navo; va na thegedwa khu tungu Pfhumu Nungungulu nya Tshivba Yatshavbo, a na gu bayisago khuwo mayigo yale ma na gumba gwela gasi guya gira Buzo nya Mitshatsha.

Mitengo 33:4

Vagipiti va di gu dzinga avo Pfhumu Nungungulu a nga va songago vbakari gwawe, sanana sawe satshavbo nya matiwula; kholu Pfhumu Nungungulu a di wugela vanungungulu vawe, a gu wonegisa gulamula gwaye.

Dhewuteronome 33:26

Mwalo mumbe nya gu fanane ni Nungungulu wa Jesurumi, uye atago a ta mu phasa, a tsemakanyago ndrengelenge nya mapfhi!

Josuwa 2:11

Avbo hi nga pwago isoso, myonyo yathu yi di vbela tshivba, mwalo na moyo a mi tiyelago, kholu Pfhumu Nungungulu wanu, Nungungulu wa vbatshani ndzadzini, ni vbavbatshi mafuni.

Josuwa 2:24

Avo va di mu embela, khavo: Pfhumu Nungungulu ningede mandzani gwathu latshavbo litigo leli; vavbanyi vaye vatshavbo va gu ndrendremela khu hwanga mbeli gwathu.

Josuwa 2:9

a va embela, khuye: “Nyi ngu dziti gukheni Pfhumu Nungungulu a mi ningide litigo leli; ethu ni vatshavbo vavbanyi va tigoni momu, hi tade khu hwanga ni gu vbela tshivba khu kotani yanu.

Gutuledwa 1:7

Mu ngu mu wona, a guta khu mapfhini; vatshavbo va na mu wona, ambari vale va nga mu songago, mafumbu yatshavbo ya mafuni ma na dzi laya khu kotani gwaye. I tiyiso: Amen.