Isaya 18:2 - Bhibhiliya Nya Guage

² Li rumelago sirumwa saye khu linene, na siri ni mataro nya gugirwe khu madadanga, khilo: Gimbilani kha nga myango nya mazambo, ga litigo nya vathu nya vadandrangulu, vathu nya guthise gukhugela guvelegwani gwawe, litigo nya tshivba va palago vatshavbo, litigo lawe li tsemakanywago khu mitsongo.

Isaya 18:2 Iomraidhean Croise

2 Dzikoronika 14:9

Khavbo avbo, Zera, nya Muetiyopi, a di soma nyimbi guta dwana navo, nari ni vathu nya guenele likhulukhulu (1.000.000) nya masotshwa, ni mazana mararu (300) dzikareta, a vboha kala Maresa.

2 Dzikoronika 16:8

Ina Vaetiyopiya ni Valibhiya, dzinyimbi dzawe dzi diri mwalo tshivba nya yikhongolo ni dzikareta nya dzingi, ni vakhileli nya dzikavalu, gani? Olu u nga tumba Pfhumu Nungungulu, Uye a va ningede mandzani gwago.

Joba 9:26

Ma gu mwalalega kha nga gitataru nya gugirwe khu madadanga; ma fanana ni lighama li milelago pfimba.

Ekisodha 2:3

Kha nga a nga bani a si kodzi gu simama gu gi siha matshigu nya gulaphe, a di luga gitataro nya dzimbosi a gi londra khu nyedzi a vega umo gyanana aya gi vega dzitshavani bambe nya tsongo.

Isaya 18:7

Khu gikhati gyogyo, gu na reswa gihiwa ga Pfhumu, Nungungulu nya Tshivba Yatshavbo, vathu nya vadandrangulu, na vari ni wumburi, avo va thawago khu vathu gukhugela gutumbulugani gwawe, litigo nya dzihanyi nya guganele sihonohono, Eli li tsemakanywago khu vbakari ni vbakari khu mitsongo. Va na resa miningelo yawe gigomoni ga Siyoni, avbo gu khozedwago lina la Pfhumu Nungungulu nya Tshivba Yatshavbo.

Jeremiya 49:14

Nyi pwide mahungu na ma guta khu ga Pfhumu Nungungulu; rumede mwango ga mayigo a ma embela, khuye: “Tshanganani, mu mu wugela, hongoleni hi ya mu dwanisa!”

Ezekiyeli 30:9

Ga litshigu lolo, nyi na rumela sirumwa khu mataro, gasi guya thusa Etiyopiya, a dzipwago na khade gurulani; wuvi wu na manega gwawe, kha nga litshigu nya gulamudwe Egipito, kholu khu lisine litshigu lolo li na vboha.

Obhadhiya 1:1

Giwoniso gya Obhadhiya. Pfhumu Nungungulu a ngu ganela kharati khu kotani ya Edhomi, khuye: “Hi pwide magana ya Pfhumu Nungungulu ni moyo nya girumwa a rumedwego ga mayigo ya vbavbandze, a ganela, khuye: Khugani mu eme! Hongoleni hi wugela Edhomi hi ya mu sasela.

Habhakuka 1:7

Vathu nya guthise va thelago hwanga, va gu gira ni sevbini va si golago.

Luka 10:19

Dzitini nya gukhenu nyi mi ningide tshivba nya gugandre dzinyoga ni dzihume, gumogo ni tshivba nya gupale wuhungu watshavbo wa nala. Gi mwalo gi na gu mi girago gilo.