Isaya 18:1 - Bhibhiliya Nya Guage

¹ Libango ga litigo li fundramedwago khu mambapi nya sirengwanana, li khalago khisikheyi nya mitsongo ya Etiyopiya!

Isaya 18:1 Iomraidhean Croise

2 Dzipfhumu 19:9

Avbo mufumeli a nga pwago gupwani: “Tiraka, mufumeli wa Etiyopiya, khu mu woni oyu atago guta gu dwanisa;” a di engedza gambe gu rumela myango ga Ezekhiya, khuye:

Dzindzimo 17:8

Nyi vegise kha nga ndzololo nya liso lago, nyi sihe vbavbatshi nya mambapi yago,

Dzindzimo 36:7

Oh, Pfhumu Nungungulu, lihaladzo lago li ngu tsakisa ngudzu! Khu magirelo yoyo, mutsani nya mambapi yago va nguta sihala umo vathu.

Dzindzimo 57:1

Nyi pwele wusiwana Nungungulu, nyi pwele wuhindzi, hefemulo wangu wu ngu thavela avbo gwago; nyi na sihala mutsani nya dzimbapi dzago, kala si vbindra sigaradzo.

Dzindzimo 61:4

Nyi vbanya nyumbani gwago kala gupindruga; nyi sayisega mutsani nya dzimbapi dzago.

Dzindzimo 63:7

Kholu u khade wuthavelo wangu, nya gu nengela mutsani nya mambapi yago.

Dzindzimo 91:4

A na gu fenengedza a gu vhikela, u na mana gu sayisega vbavbatshi nya dzimbapi dzaye; gutumbega gwaye gitshangu gyago.

Isaya 31:1

Libango ga avo vayago Egipito guya lomba giphaso, na va gu tumba dzikavalu; Va gu tumba dzikareta ni va vakhileli vakone, kholu avo vangi, na vari ni tshivba ngudzu, aholu va si theli kota khuye a Agidego wa Israyeli, ambari gu vbweta giphaso ga Pfhumu Nungungulu.

Isaya 37:9

Avbo mufumeli wa Asiriya a nga pwago mahungu yaya nya gupwani: Tiraka, mufumeli wa Etiyopiya, a dongide guta mu dwanisa, a di rumela myango ga Ezekhiya, mufumeli wa Judha vaya, khavo:

Isaya 45:14

Pfhumu Nungungulu a ngu ganela kharati, khuye: “Thomba ya Egipito ni wugwewo wa Etiyopiya, ni vavbanyi va Sabha, vathu nya vadandrangulu, va nata gwago vata lumba uwe; avo va na landra khu hwane gwago na va hungidwe makhetshe; va na noga mbeli gwago, va gira milombelo avbo gwago, khavo: Khu lisine Nungungulu womo avbo gwago basi; vbavbandze gwaye, mwalo mumbe Nungungulu.”

Ezekiyeli 30:9

Ga litshigu lolo, nyi na rumela sirumwa khu mataro, gasi guya thusa Etiyopiya, a dzipwago na khade gurulani; wuvi wu na manega gwawe, kha nga litshigu nya gulamudwe Egipito, kholu khu lisine litshigu lolo li na vboha.

Sofoniya 2:12

Enu nenu vathu Vaetiyopiya, mu na songwani khu litshari langu.

Sofoniya 3:10

Gukhugela khisikheyi nya mitsongo ya Etiyopiya, vakhozeli vangu, a gu vathu vangu va phalalegidego, va na nyi resela miphaso.

Matewu 23:37

“Jerusalema, u songago vaprofeti ni gu pfara khu siwindri avo u rumedwago! Dzinyondro dzingani nyi vbwetidego gu tshanganisa sanana sago kha nga mbaha nya khugu wu fundramelago sitshondryana saye vbavbatshi nya mambapi yaye, u si dzumeli!”

Rute 2:12

Pfhumu Nungungulu a na gu bweledzele mithumo yago, u hakha tshatshazelo nya yikhongolo khu ga Pfhumu Nungungulu wa Israyeli, Uye u dzudego vbavbatshi nya dzimbapi dzaye gasi guta mana wuthavelo.”