Isaya 17:7 - Bhibhiliya Nya Guage

⁷ Khu litshigu lolo, muthu a na khedza Muvangi waye, maho yaye ma na khedza Nyaguage wa Israyeli.

Isaya 17:7 Iomraidhean Croise

2 Samuweli 22:42

Avo va gu lila, aholu mwalo nya gute va vbanyisa va gu lila ga Pfhumu Nungungulu, aholu Uye kha va hakhi.

2 Dzikoronika 31:1

Hwane nya gu bani gu vbede esi, vatshavbo va na Israyeli va nga bani na vari vbale, va di khuga va hongola madhoropani ya Judha, vaya pandrelela sifananiso, va kokelela madingo nya sifananiso sa Asitaroti, va khungumulela malanga nya sigomo, ni siluvelo tigoni gwatshavbo gwa Judha, ga Bhejami, ga Efrayimi ni ga va na Manasi, kala va vbedza satshavbo. Khavbo avbo, vatshavbo va na Israyeli, va di bwelela, muthu ni muthu a hongola gaya gwaye.

Dzindzimo 95:6

Deluni hi ta khidzima hi lombelela Pfhumu Nungungulu. Kholu khuye muvangi wathu.

Isaya 19:22

Pfhumu Nungungulu a na bayisa Vagipiti. A na va bayisa bwelo khavbo a va hawulugisa; avo va na vbindrugedza va wuya ga Pfhumu Nungungulu, Uye a na hakha milombelo yawe, a va vbanyisa.

Isaya 22:11

Mu giride gambe lidhamo vbakari nya mabhiyo ya mavili, gasi gu thela mati ma nga bani ma romo ga lidhamo la gale, aholu kha mwa khedza vbatshani, mu wona uye a si giridego, ambari gu khathala khu wule a si giridego galegaleyo.

Isaya 29:24

Vathu va ndreyidego ndzilani nya gululame, va na mana mapimo, ni avo nyamba khathala khu gilo, va na dzumela gu hevbudzwa.

Hoseya 3:5

Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.

Hoseya 6:1

Deluni, hi wuye ga Pfhumu Nungungulu, kholu uye a hi bayiside, gambe a na hi vbanyisa, a hi thede silondra aholu a hi hungelela.

Amosi 3:12

Pfhumu Nungungulu a ngu ganela gambe kharati, khuye: “Kha nga muhavisi a vbulugisago mawundru mavili nya nvuta mwendro gipandre gimwegyo nya ndzeve kanani nya nghala, kharato nugo va na vbulugisa guralo sanana sa Israyeli, va vbanyago tigoni ga Samariya, va khadego havo ghagha vbatshani nya masofa nya seda.

Mikeya 7:7

Gasi eni, nyi na tumba Pfhumu Nungungulu; nyi na namarela ga Nungungulu a gu muvbulugisi wangu; kholu Nungungulu wangu a na nyipwa.