Isaya 17:5 - Bhibhiliya Nya Guage

⁵ Gu na fanana ni muvbweri a vbwerago tirigu, a wungedzelago mahwatshu khu mandza yaye, fanana gambe ni wule a vbwerago tirigu kovani ga Refayimi.

Isaya 17:5 Iomraidhean Croise

2 Samuweli 5:18

Vafilistiya, va di ta mbambamela kovani wa Refayimi.

2 Samuweli 5:22

Vafilistiya va di engedza gambe va ta mbambamela kovani wa Refayimi.

Mavingu 27:25

Avbo gu duswago mwasi nya gubange, gu buga nyenvu, gu wungedzedwa mwasi musigomoni,

Isaya 17:11

Ambari iso u na si yalago, si vbiredzela gudandra, khu litshigu li landrelago si thela wenge, iso u na vbwerago si na mwalalega khu litshigu nya gutshaniseke ni wuvi nyamba vbela.

Jeremiya 51:33

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Nyamahegyane wa Bhabhiloni womo kha nga githala avbo nya gikhati nya guvbwere, gu tshade vbadugwana, gi na vboha gikhati nya guvbule.

Jeremiya 9:22

Va embele, khuwe: Pfhumu Nungungulu a ngu ganela kharati, khuye: “Sirumbi nya vathu si na mbambamela kha nga gitoromu gi thedwago marembweni, si mbambamede kha nga dzinyandra nya mavbila ya muvbweri, nyamba kodzwa gu roledwa khu muthu.”

Hoseya 6:11

Uwe nuwe Judha, li nguta litshigu lago nya gutsayiswe, litshigu nyi na gu wuyisago vathu vangu khu wugumbitunu.

Joyele 3:13

Resani sivbwero, kholu gikhati nya guvbwere gi vbohide. Deluni hi relele hiya vhuva dziuvha, kholu gikhwati gi tade ngudzu, maphiso ma gu vbalagela kholu wuvivbi wawe wu tade ngudzu.

Matewu 13:30

Si digeni si dandre satshavbo kala gu vboha nango nya guvbwere; gikhati gyogyo nyi na embela vavbweri, kheni: Dusani guphela nyasavare, mu wu hunga khu dzinyandra mu vbisa; gasi mavbila, ma pileni, mu ma thela gisangalani gwangu.”

Josuwa 15:8

Khu vbale wu di gwela kala kovani ga Bheni-Hinomi, kala wu vboha vbinganoni ga Vajebhusi khu phuvbo ga Marandzi, mwendro Jerusalema; wu gwela kala tshokani nya gigomo gi guromo mbeli nya kova wa Himoni, guya Pfoladambo, gu guromo mahegiso nya kova wa Varefayini, khu phuvbo ga Wuronga.

Josuwa 18:16

Wu relela wuya gira vbingano khu mahegiso nya gigomo gi khedzanago ni kova wa mwamana wa Hinomi, khu Wuronga nya kova wa Varefayimi, wu relela khu kova wa Hinomi khu bambe ga Vajebhusi, guya Marandzi, kala wuya vboha Eni-Rogeli;