Isaya 17:4 - Bhibhiliya Nya Guage

⁴ Khu litshigu lolo, wudhumo wa Jakobe wu na vbungudwa, a na wondra a tshala khu marambo.

Isaya 17:4 Iomraidhean Croise

Genesi 41:3

hwane nya edzi, gu di duga yimbe livbandre na mivili migadzi nya dzimombe nya gunyenyeze, nya guwondre, dzi ya ema vbafuvbi ni edzi nya guhegule, bambe nya tsongo.

2 Dzipfhumu 17:3

A di ta dhumedwa khu Salimaneseri, mufumeli wa Asiriya a mu khozisa; Ozeya a di khala githumi gyaye, a mu luva miningelo.

2 Dzipfhumu 17:6

Khu mwaga nya livbandre na wu na nya gufume ga Ozeya, mufumeli wa Asiriya a di dhumela Samariya, a vbagela va na Israyeli a va yisa Asiriya; aya va vega va khala Hala ni Habhori, vbafuvbi ni tsongo wa Gozani ni madhoropani ya Medhi.

Isaya 10:16

Khu guralo, Pfhumu Nungungulu nya Tshivba Yatshavbo, a na rumela tungu ga vathu, wu ta wondrisa sitetema satshavbo sa Asiriya; vbavbatshi nya thomba yawe wu na dzura nilo, kha nga uye a vbiswago khu nilo.

Isaya 10:3

Mu na khenu ginani khu litshigu nya tsayiso, gingulu gi ngu guta khu hwindzo? Mu na thavela ga mani gasi guya lomba guphaswa? Dzithomba dzanu mu na dzi vega hayi?

Isaya 10:4

Gi mwalo gambe gi mi tshaledego gu gira, vbavbandze nya gu dzi pateni ni sibotshwa, ni gu thega, mu patana ni sirumbi, ambari khu kharato, likhulo laye kha la bosa gilo, ni libogo laye li nga gu simama guthawuluga.

Isaya 17:3

Likhokhola la Efrayime li na fuviswa, gumogo gambe ni mufumo wa Dhamasiko; ni mitshaledwa ya Siriya, yi na mana wudhumo nya gufanane ni wa sanana sa Israyeli, a ngu ganela kharato Pfhumu Nungungulu nya Tshivba Yatshavbo.

Isaya 24:13

Gu na girega kharato, omu mafuni, vbakari nya mayigo yoyo, kha nga idzo va girago umo nya simbo nya olivha, mwendro gikhatini nya guvbedze guvbwera mihandro.

Isaya 24:16

Gukhugela mahegiso nya litigo, hi pwide na gu embeledwa, gupwani: “Wudhumo ga uye a lulamidego!” Aholu eni nyari, kheni: Nyi vbede tshivba, nyi vbede tshivba! Libango langu! Valogovedzi, va ngu nyi logovedza! Kholu va gu logovedza, kha va garali khu nyi logovedza.

Isaya 9:21

Manasi a ngu dhumela Efrayimi, Efrayimi nuye a ngu dhumela Manasi; khu wuvili wawe va gu wugela Judha. Ambari khu guralo, likhulo laye kha li bosi gilo, ni libogo laye li nga thawulugide.

Isaya 9:8

Pfhumu a di rumela magana yaye mayelano khu gutsayiswa ga va na Jakobe, ma ya thegela vbatshani ga Israyeli.

Ezekiyeli 34:20

Khu kotani nya isoso, Mune Pfhumu Nungungulu, a ngu ganela kharati, khuye: Eni mune kamwe nyi na lamula vbakari nya dzinvuta nya guene ni idzo nya guwondre.

Amosi 3:12

Pfhumu Nungungulu a ngu ganela gambe kharati, khuye: “Kha nga muhavisi a vbulugisago mawundru mavili nya nvuta mwendro gipandre gimwegyo nya ndzeve kanani nya nghala, kharato nugo va na vbulugisa guralo sanana sa Israyeli, va vbanyago tigoni ga Samariya, va khadego havo ghagha vbatshani nya masofa nya seda.

Sofoniya 2:11

Pfhumu Nungungulu a na thisa vbakari gwawe, kholu a na fuvisa vbakari gwawe vanungungulu vatshavbo va mafuni; vatshavbo va nata mu khozela, muthu ni muthu gukhugela tigoni gwawe, ambari sidwa sa hwindzo ni lihundzu lawe.