Isaya 17:3 - Bhibhiliya Nya Guage

³ Likhokhola la Efrayime li na fuviswa, gumogo gambe ni mufumo wa Dhamasiko; ni mitshaledwa ya Siriya, yi na mana wudhumo nya gufanane ni wa sanana sa Israyeli, a ngu ganela kharato Pfhumu Nungungulu nya Tshivba Yatshavbo.

Isaya 17:3 Iomraidhean Croise

2 Dzipfhumu 16:9

Mufumeli wa Asiriya a di mu yingisa, a gwela aya dwana ni Dhamasiko, a li wandra, a mola vathu vakone a va gira dzikhumbi, a va yisa Khiri, a songa Rezimi.

2 Dzipfhumu 17:6

Khu mwaga nya livbandre na wu na nya gufume ga Ozeya, mufumeli wa Asiriya a di dhumela Samariya, a vbagela va na Israyeli a va yisa Asiriya; aya va vega va khala Hala ni Habhori, vbafuvbi ni tsongo wa Gozani ni madhoropani ya Medhi.

Isaya 10:9

Gasi kha sa girega idzosaye ga Kalino ni Karikemisi, gani? Hamati kha giri kha nga Aripadhe, gani? Ni Samariya kha giri kha nga Dhamasiko, gani?

Isaya 16:14

Khu guralo, Pfhumu Nungungulu a ngu ganela, khuye: “Ndrani nya myaga miraru, a gu myaga yi fananago ni ya muthu a thodwego gu yi thuma, wudhumo wa Mowabhi ni gidzemo gyaye nya gingi, wu na poyidwa; ni mitshaledwa yaye yi na bani yiri yidugwana na yiri mwalo tshivba.”

Isaya 17:4

Khu litshigu lolo, wudhumo wa Jakobe wu na vbungudwa, a na wondra a tshala khu marambo.

Isaya 25:2

U giride lidhoropa, li khala litala nya siwindri, ni lidhoropa nya likhokhola, u li pfhungumudwe li khala marumbi, lidhoropa nya gutiye la va nya mayigo, li thegide, khandri lidhoropa gambe, gima kha li na wusedzwa gambe.

Isaya 7:16

Aholu, gyanana gegi, na gi si gu kodzi gu nyenya guvivba ni gu hatha wuwadi, mayigo ya vafumeli va vavili va gu thusedzelago ma na bani ma vbindrugedzide ma khala giwula.

Isaya 7:8

Kholu tsindza wa Siriya khu Dhamasiko, Ni mufumeli wa Dhamasiko, khu Rezimi; ndrani nya livbandre na limwedo magumi ni livbandre myaga, Efrayimi, a na mbembiswa muphelo, a si khali gambe litigo!

Isaya 8:4

Kholu, gyanana na gi si gu kodzi gu gu rana khigyo baba wangu, mwendro mayi wangu, thomba ya tigoni ga Dhamasiko ni gyuma gya Samariya, si na wandrwa si ya ningedwa ga mufumeli wa Asiriya.”

Hoseya 1:4

Khavbo avbo, Pfhumu Nungungulu a di embela Hoseya, khuye: “Mu riye lina la Jezireyeli, kholu kha nyi na hwela gu tsayisa mufumo wa Jewu, nyi fuvisa mufumo wa linyumba la Israyeli.

Hoseya 1:6

Ghomeri a di engedza a khura mimba a velega gyanana nya nyamahegyane. Khavbo avbo, Pfhumu Nungungulu a di mu embela, khuye: “Mu riye lina la Lo-Ruwama, kholu eni gima kha nya na ngapwa gambe gisiro khu nyumba ya Israyeli, nyi na mu dzegela satshavbo.

Hoseya 10:14

Khu guralo, vbakari nya vathu vago, gu na duga ghudzeghudze nya nyimbi, makhokhola yago yatshavbo ma na khungumudwa, kha nga Salamani a nga pfhungumula Bheti-Aribheli khu litshigu nya nyimbi, avbo mayime a nga vbadzuledwa gumogo ni sanana saye.

Hoseya 3:4

Kholu sanana sa Israyeli si na vbanya matshigu nya mangi nyambana mufumeli, nyambana muthangeli, nyambana miphaso, nyambana gihuru nya guphasele avbo, nyambana efodhe mwendro terafime.

Hoseya 8:8

Israyeli midzidwe; olu womo vbakari ga mambe mayigo kha nga gyombo nyamba phasa gilo.

Hoseya 9:11

Wudhumo wa Efrayimi wu na vbuvba nga ginyoni, kha gu na manega va nya guvelega sanana, ambari uye a na gu khurago mimba.

Amosi 8:14

Vale va sambanyago khu nungungulu nya malipha wa Samariya, va ganela, khavo: “Hi ngu sambanya khu nungungulu wago, uwe Dhani; ni avo va gukhavo: Hi ngu sambanya khu ndzila yiyago Bherisebha! Vanungungulu wowo va na thega, nyamba wuga gambe.”