Isaya 17:13 - Bhibhiliya Nya Guage

¹³ Vathu nya mayigo va na gulumela kha nga gudzuma nya mavimbi, aholu Uye a na va kawuka, va tutuma va hongola hwindzo, gu fanana ni mungu wa gigomoni wu phalalegiswago khu phuvbo.

Isaya 17:13 Iomraidhean Croise

Joba 21:18

Dzinyondro dzingani va vbuvbiswago khu phuvbo gukhwatshi mavivi ni gukhwatshi wulelu wu vbuvbiswago khu gipupwane.

Joba 38:11

avbo nyi nga li embela gukheni: U na hegisa khavba, khu na vbindra gambe uya mbeli, mavimbi yago nya wurena ma nata vbela avba?

Dzindzimo 1:4

Kha gu giregi kharato ga vathu nya guvivbedwe khu monyo; avo va gu fanana ni mwasi wu phalalegiswago khu phuvbo.

Dzindzimo 35:5

Va na gire kha nga mavivi ma vbiyedwago khu phuvbo, va lundrwa khu ngilozi ya Pfhumu Nungungulu.

Dzindzimo 65:7

Uwe u ngu degudza ligwaha nya linene, ni mavimbi yaye, u vbedza ligwaha la vathu va tigoni.

Dzindzimo 65:8

Ni ava va vbanyago mayigoni ya mahegiso nya mafu, va ngu samala siliwugiso nya mithumo yago; gukhugela Khugadambo kala Muhwadambo, gu pwala mikulungwane nya gutsake.

Dzindzimo 9:5

U kawukide mayigo, u fuvisa vathu nya guvivbedwe khu monyo, u futide malina yawe kala gupindruga.

Isaya 14:25

Nyi na fanyeledzela Vaasiriya, va guromo tigoni gwangu, nyi va gandredzela khu migondro musigomoni gwangu, gasi va rula kanga va hungidego Israyeli, ni gu rula rwalo magatani gwaye.

Isaya 21:15

Kholu avo va gu thava matshari, wulaho wu ghwimbidwego ni nyimbi nya guthise.

Isaya 22:18

A na gu dzuwulugisela nga puri, a gu dzudzuga mafuni nya guaname, u na ya fela iyoyo gumogo ni dzikareta dzago nya wuzundzo dzi na ya vbelela nidzo iyoyo, uwe u na thela dzitshoni mune wago!”

Isaya 27:1

Khu litshigu lolo, Pfhumu Nungungulu a na tsayisa khu litshari laye nya likhongolo, nya tshivba, levhiyatani, nyoga nya tshivba ni mazambo, nya gu dzi tshomborosele, ni gu songa mwamilambo, nyoga yi guromo linene.

Isaya 29:5

Gidzemo ya valala vago, gi na fanana ni lipfhi nya kudzudzwane, ni gidzemo nya vatshanisi, gi na fanana ni mavivi ma vbuvbiswago khu phuvbo; khu gikhati gidugwana, isoso si na girega.

Isaya 30:28

A gu hefemula gu duga liphuvbo nya gufanane ni tsongo wu tadego khu mati ma gogago, ma gugumuga ma langaladza kala thamoni; a gu vbevbera mayigo khu gisavala nya gumbembise; a thela matomu maganani nya vathu gasi gu va ndreyisa va ghoha.

Isaya 34:17

Kholu Pfhumu Nungungulu ningide giavelo ga gimwegyo ni gimwegyo nya iso, khu mandza yaye a va kabanisede litigo a li pima khu ngodzi. Iso si na li fumela khu mimelana ni melana kala gupindruga, yi vbanya umo.

Isaya 40:15

Wonani nya gukhenu mayigo ga uye, ma gu fanana ni lidodoto nya mati li dotago khalini, ni gu fanana ni kudzudzwane wu thegedego mugikaloni, ni sidwa a gu si wona na si gu fanana ni kudzudzwane wu vbuvbago.

Isaya 40:24

Na va ngari gu sigedwa mwendro gu yadwa, avbo va phelago gu thela mikhamba, tshina yaye ya gu pidwa; va gu furugedzwa khu phuvbo vbatshani gwawe va vuna, va ta dzegwa khu gingulu va vbuvba kha nga mavivi.

Isaya 41:11

Vatshavbo avo va gu zondrago va na poyilega va tala khu dzitshoni, va na vbwasamiswa vatshavbo va gu dwanisago, va vbela havo bhi.

Isaya 8:7

wona nya gukhuwe, Pfhumu a na resa gwawe mati nya tshivba nya tsongo wa Ewufrate, a gu mufumeli wa Asiriya a na tago ni dzinyimbi dzaye dzatshavbo nya tshivba. Va na fola va enedza dzibambe gwatshavbo nya tsongo;

Dhaniyeli 2:35

Khavbo avbo, simbi, libumba, sugu, parata ni ndralama si di khungumuledwa, si gira nga mungu nya tirigu nya guvbudwe vbamarongatunu, si di vbuvbiswa khu phuvbo si mwalalega. Aholu giwindri gi nga pandra gifananiso gi di vbindrugedza gi khala gigomo nya gikhongolo gi fenengedza litigo latshavbo.

Hoseya 13:3

Khu guralo, va na khala nga mapfhi nya wuronga ni hunguva nya mambagugya yi vbiredzelago guvbindra, ni mungu wu vbuvbiswago khu gingulu, ni wutshi wu tuvigago khu nyumbani.

Sofoniya 2:2

Mu si gu phalalegiswi kha nga mungu wu mwalalegago khu litshigu limwedo, mu si gu thegedwi khu likhulo nya guthise la Pfhumu Nungungulu; ina, mu si gu vbohedwi khu litshigu nya likhulo la Pfhumu Nungungulu.