Isaya 17:10 - Bhibhiliya Nya Guage

¹⁰ Kholu u divade Nungungulu nya guvbanyiswe gwago, u divaledwa khu Likhokhola nya wuthavelo wago. Khu guralo, u di lima marembwe nya misimbo nya wumburi, u yala dzimbewu nya gudhumise vanungungulu va nya mayigo.

Isaya 17:10 Iomraidhean Croise

1 Dzikoronika 16:35

Ganelani, khenu: Hi vbanyise Uwe Pfhumu Nungungulu nya guvbanyise gwathu, gasi hi kodze gu bonga lina lago nya Guage, hi bhuma khu wuzundzo wago.

Dzindzimo 106:13

Aholu kha va hwela gu divala sigiro saye, kha va virela gu wona mahegiso nya gisambanyo gyaye.

Dzindzimo 106:21

Avo va di divala Nungungulu, Muvbanyisi wawe, a nga va girela sisamadziso tigoni ga Egipito.

Dzindzimo 18:2

Pfhumu Nungungulu, givhikelo gyangu, likhokhola langu, mudzegisi wangu; nyi ngu thavela gwaye, muvhikeli wangu, gitshangu ni tshivba nya guvbanyiswe gwangu, langwe yangu nya gutiye, wuthavelo wangu.

Dzindzimo 31:2

Neredza dzindzeve dzago eno gwangu, u nyi vbanyisa khu guvbiredza; khala giwindri nya wuthavelo wangu, likhokhola nya gu nyi vbanyise.

Dzindzimo 65:5

Nungungulu muvbanyisi wathu, Uwe u ngu hi hakha ni gu hi vbanyisa khu gu gira silo nya gusamadzise; litigo latshavbo la gutumba uwe, ni avo va guromo linene ga hwindzo.

Dzindzimo 79:9

Hi phase Nungungulu muvbanyisi wathu, khu wudhumo nya lina lago, hi tshudzise u hi tsetselela siwono sathu, khu lihaladzo nya lina lago.

Dzindzimo 85:4

Hi wuyise nyaluphye, uwe Nungungulu muvbanyisi wathu, u nga simami gu hi girela likhulo.

Dzindzimo 9:17

Va nya guvivbedwa khu monyo, va na dzudzugwa phalani nya vafi, gumogo ni vathu vatshavbo va si khathaligo khu Nungungulu.

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Isaya 17:9

Khu litshigu lolo, madhoropa yawe nya makhokhola ma na khala kha nga malanga nya marumbi ya khabini, ni dzitshokani nya sigomo, umo va nga tutumelago umo khu gu thava va na Israyeli, gu na tshala nari giwula basi.

Isaya 18:5

Kholu na gu si gu vbohi nango nya guvbwere, na wu vbede guthega wenge, dziuvha na dzi vidzidwe, u na thena matamo khu ngala, u dusa ni mithungedwa yakone.

Isaya 25:4

Kholu u wuthavelo nya sisiwana, ni likhokhola ga wule a hamugago gutshanisekani gwaye, u wuthavelo wawe matshiguni nya phuvbo nya gingulu, ni mutsa litshigu nya lihani. Kholu, lunya nya vathu nya guvivbedwe khu monyo la gu fanana ni phuvbo nya guthise yi furugedzago ndzari,

Isaya 26:4

Tumbani Pfhumu Nungungulu khavbo gu si vbeligo; kholu Pfhumu Nungungulu, khuye giwindri nya gusihale avbo, kala gupindruga.

Isaya 30:29

Gasi enu mu na embelela ndzimo, nya gufanane ni eyi yi embeledwago vbawutshigutunu nya buzo nya guage; myonyo yanu yi na nengela kha nga vale va wombago misengele na va gu hongola gigomoni gya Pfhumu Nungungulu, muvhikeli wa Israyeli.

Isaya 33:2

Pfhumu Nungungulu, hi pwele wusiwana, kholu ethu ha gu tumba uwe! Khala uwe tshivba yathu khu litshigu ni litshigu li gyago, ni muvbanyisi wathu gikhatini nya mhango.

Isaya 44:8

Mu nga thavi, gambe mu nga vbeli tshivba; ina gukhugela gale kha nya mi embela mahungu yaya, kha nya mi tivisa, gani? Enu mu dzifakazi dzangu, womo mumbe Nungungulu vbavbandze ga Eni, gani? Gi mwalo gimbe Giwindri nyi gitigo.”

Isaya 51:13

Gasi khuwe mani uwe u divalago Pfhumu Nungungulu, a gu vangidego, uye a ladzidego ndzadzini ni gu tsitsa litigo wulangani gwaye; u na simama gu thedwa hwanga matshigu yatshavbo khu likhulo la mutshanisi a gu vbweta gu gu mbembisa, gani? Gasi olu, la gu vbelela hayini likhulo la wule a nga bani a gu tshanisa?

Isaya 61:10

Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.

Isaya 62:11

Wonani gukhenu Pfhumu Nungungulu magana yaye ma vbohide kala mahegiso nya litigo, khuye: “Embelani lidhoropa la Siyoni, khenu: Wona a nguta muvbanyisi wago; a nguta ni tshatshazelo waye a gu vathu a va tshudzisidego a va thangisa mbeli gwaye.

Jeremiya 12:13

Va di yala tirigu, va vbwera miba; va dzi garadzide mahala; mu na khalani dzitshoni khu mihandro nya guvbwere gwanu; khu kotani nya gukhondre nya nilo nya likhulo la Pfhumu Nungungulu.

Jeremiya 17:13

Uwe Pfhumu Nungungulu u gitumbo gya Israyeli! Vatshavbo va gu digago va na thedwa dzitshoni; malina ya avo va hambanago ni uwe ma na lowa phalani nya vafi; kholu va hambanide ni Pfhumu Nungungulu, a gu nambo nya mati nya womi.

Jeremiya 2:32

Ina yomo mbiri yi divaledwago khu dziphera nya gu dzi mburisele, mwendro khundzwa yi divaledwago khu keka waye, gani? Aholu vathu vangu va nyi divade, khu gipandre nya matshigu nyambana tengo.

Jeremiya 3:21

Gupwala dzihuwa sigomoni nya gulaphe; gililo gya va na Israyeli va lombago gu divaledwa ni gu pwedwa wuhindzi; kholu va nga diga Pfhumu Nungungulu wawe, va landra yimbe ndzila.

Ezekiyeli 22:12

Vbakari nya vathu vago, vomo va dzumelago gu rengeledwa gasi gu vbaladzwa novba; va fuyariside dzitsapawu gasi gu kodza gu mana bhindzu, u kanganyisa muakelane wago khu gu mu dzegela silo saye; gambe uwe u divaledwe khu eni.” A ngu ganela Pfhumu Nungungulu.

Ezekiyeli 23:35

Khu guralo, Mune Pfhumu Nungungulu a ngu ganela kharati, khuye: “Kha nga olu u nyi divadego, ni gu nyi pfhurarela, u na tsayiswa khu gunyenyeza ni wubhayi u giridego.”

Hoseya 4:6

Vathu vangu va pfhungumudwe, khu gumbana mapimo. Kholu uwe u bombide guti, eni neni kha nyi gu vbweti, u khala muphasi nya mhamba mbeli gwangu, kholu u hambanide ni nayo wa Nungungulu wago, eni neni nyi na divala khu sanana sago.

Hoseya 8:14

Kholu Israyeli divaledwe khu Muvangi waye, a dzi vbahela dzinyumba nya dzikhongolo nya wufumu, Judha, a di engedzela madhoropa nya makhokhola; aholu eni nyi na rumela nilo madhoropani gwawe wu ya dagaredzisa dzinyumba dzawe dzatshavbo nya wufumu.”

Joyele 1:17

Mbewu yi hinide vbavbatshi nya mafu, sisangala si tshade nyambana gilo ni sithathe si pfhungumudwe, kholu tirigu yi bangide.

Levhi 26:16

eni nyi na mi girani esi: Nyi na mi rumela sigaradzo nya guthise, gikhohola ni gindrendrewane, si ta mi vbedza tshivba maho yanu ni womi wanu; mu na lima mu yala mahala dzimbewu dzanu, dzi ta hodzwa khu valala vanu.

Levhi 26:20

Mu na luza tshivba khu guthuma mahala; mafu yanu kha ma na dusa dzimbewu, ni misimbo ya tigoni gwanu kha yi na dusa mihandro yaye.

Amosi 5:11

Khu guralo, kha nga olu mu gandredzelago gisiwana, mu gi gurumedza gu livba gikhaba nya tirigu. Khu guralo, mu na vbahani dzinyumba nya siwindri nya guvatwe, aholu kha mu na khala umo; mu limani marembwe nya miuvha mu ma golago, aholu kha mu na sela wadwa wakone.

Habhakuka 3:18

ambari khu guralo, eni nyi na khusedza Pfhumu Nungungulu, nyi nengela ga Nungungulu nya guvbanyise gwangu.

Sofoniya 1:13

Khu guralo, dzithomba dzawe dzi na phangwa, dzinyumba dzawe dzi khungumuledwa. Va na vbaha dzinyumba, aholu kha va na lala umo, va na yala misimbo nya mihandro nya miuvha, aholu kha va na sela wadwa wakone.

Dhewuteronome 28:30

U na lowola nyamayi, aholu a ta lala ni mumbe mwama; u na vbaha nyumba, aholu gima khu na lala umo; u na lima lithembwe, aholu u si hodzi mihandro yakone.

Dhewuteronome 32:15

Aholu Jakobe, a di ena a gugumugelana a tala khu mafura, aholu a di hambana ni Nungungulu a nga mu vangago, a wugela Giwindri nya guvbanyiswe gwaye.

Dhewuteronome 32:18

U yeyiside Giwindri gi nga gu velega, gambe u divade Nungungulu a nga gu wumbago.

Dhewuteronome 32:31

Kholu muvhikeli wawe, kha fanani ni Muvhikeli wathu, ni valala vathu, dzifakazi nya isoso.

Dhewuteronome 32:4

Uye Giwindri nya gutiye, thumo waye wu vbelede, kholu dzindzila dzaye dzatshavbo dzi lulamide! Nungungulu tumbegide, avbo gwaye gu mwalo gukanganyisa; Uye khwa lisine ni gululama.

Dhewuteronome 6:12

dzi wonele gu tshukha u divala Pfhumu Nungungulu, a gu dusidego khu tigoni ga Egipito, nyumbani nya wugumbi.

Dhewuteronome 8:11

Dzi wonele, u nga divali Pfhumu Nungungulu wago, khu gumba landrisa milayo, sirumo ni sileletelo saye, esi nyi gu ningago muhuno;

Dhewuteronome 8:14

monyo wago wu dzi khusedza khu matshandza, u divaledwa khu Pfhumu Nungungulu wago, a gu dusidego khu Tigoni ga Egipito, nyumbani nya wugumbi.

Dhewuteronome 8:19

Wa gu divaledwa khu Pfhumu Nungungulu wago, u landrisela vambe vanungungulu, u va thumela ni gu va khozela, nyi ngu sambanya mahoni gwago muhuno kheni, khu lisine mu na mbemba.