Isaya 16:4 - Bhibhiliya Nya Guage

⁴ Vale va tutumisidwego va Mowabhi, va na vbanye avbo gwago, va na mane gusihala avbo gwago, gasi va si manwi khu mumbembisi. Kholu muthu nya dzihanyi a na vbeledwa, yi vbela tshanisa, ni mutshanisi a na duga tigoni.

Isaya 16:4 Iomraidhean Croise

Isaya 14:4

mu na emba ndzimo yeyi nya gutsorodzele mufumeli wa Bhabhiloni, khenu: Mutshanisi thegede hayi! Ni dzihanyi dzaye dzi vbede kharini!

Isaya 15:6

Kholu mati ya Ninirimi ma vbwide, wuhaviseloni gu bangide, guvbela mwasi, gu mwalo gambe mitongwe.

Isaya 25:10

Kholu gyandza gya Pfhumu Nungungulu, gi na handzegwa vbatshani nya gigomo gegi; aholu Mowabhi, a na gandredzedwa avbo a guromo, kha nga idzo va gandredzelago khidzo mwasi talani nya ndzilo.

Isaya 33:1

Libango gwago, uwe muphangi, uwe gima u si gu phangwigo, u kanganyisago vakwanu avo gima va sa gu kanganyisago! Avbo uwe u na vbedzago gu phanga, u na phangwa nuwe, avbo u na vbedzago gu kanganyisa, va na gu kanganyisa nuwe!

Isaya 49:26

Vatshanisi vago nyi na va hodzisa nyama yawe, nyi bwelo khavbo nyi va levisa khu novba wawe, gukhwatshi wadwa nya givhayi; khu guralo, vathu vatshavbo va na dziti gukhavo kheni Pfhumu Nungungulu, Muvbanyisi, ni Mudzegisi wago, Nyadzitshivbe wa Jakobe.”

Isaya 51:13

Gasi khuwe mani uwe u divalago Pfhumu Nungungulu, a gu vangidego, uye a ladzidego ndzadzini ni gu tsitsa litigo wulangani gwaye; u na simama gu thedwa hwanga matshigu yatshavbo khu likhulo la mutshanisi a gu vbweta gu gu mbembisa, gani? Gasi olu, la gu vbelela hayini likhulo la wule a nga bani a gu tshanisa?

Isaya 54:14

U na tiyiswa khu gululama, sitshaniso si na manega hwindzo ni uwe, khu na thava gilo, ambari gu thusedzedwa kha gu na hidzimela vbafuvbi gwago.

Isaya 58:7

Ni gu kabana guhodza gwago ni oyu a gu mwalo gilo nya guhodze, ni gu hakha sisiwana si gu mwalo gaya, ni gu ambagisa uye a gu mwalo guambala, u nga gikheli marundra ndriyago.

Isaya 9:4

Kholu u fanyide kanga wu nga bani wu gu va lemela, ni lipitso li nga bani li va bayisa magata, ni ndronga ya mutshanisi wawe, u si fanyeledzede gukhwatshi wa gu fanya tshivba ya Vamedhiyani.

Jeremiya 21:12

Uwe nyumba ya Dhavhidhe! Pfhumu Nungungulu a ngu ganela kharati, khuye: Vbadzimindrutunu lamulani khu gululama, tshudzisani avo va tshaniswago, gasi likhulo langu li si dzuri nga nilo, li vbisa nyamba tshimwa khu muthu, khu kotani nya mithumo yanu nya guvivbe.

Jeremiya 40:11

Khu guralo, Vajudha vatshavbo va nga bani vari tigoni ga Mowabhi, vbakari nya sanana sa Amoni ni Edhomi ni mambe mayigwana, na va pwide gupwani mufumeli wa Bhabhiloni tshide tigoni ga Judha gipandre nya vathu va na Israyeli, ni gu vega Gedhaliya, mwamana wa Ayikamo wa Safani, gu khala mwamangulu wa Judha;

Jeremiya 48:18

Tshiga khu vbagikhalotunu gwago nya wudhumo, u khala mafuni nya gihala, uwe nyamahegyane u vbahidego tigoni ga Dhibhoni, kholu musaseli wa Mowabhi a ngu hidzimela avbo gwago guta gu dhumela ni gu khungumula makhokhola yago.

Jeremiya 48:8

Kholu musaseli a nata sasela madhoropa yatshavbo; li mwalo ni limwedo li na vbulugago, mikova yi na guledzedwa ni lipani li na ghohetedwa, kholu Pfhumu Nungungulu ganede.

Obhadhiya 1:14

U diri mwalo fanelo nya gueme khu mahandzakanyani nya dzindzila, gasi gu mbembisa avo va nga vbulugago va tutuma, ambari gu ningela avo va nga tshalago litshiguni nya gusasedwe.

Zakariya 10:5

Na va patane vatshavbo va na fanana ni dzindrena nyimbitunu dzi gandredzelago valala maragani ya dzindzilani; kholu Pfhumu Nungungulu womo vbakari gwawe, aholu a na thela dzitshoni vale va khiledego dzikavalu.

Zakariya 9:8

Eni mune furi, nyi na ta khala nyangwatunu nya nyumba yangu nyi ghadha, gasi yi si phangwi khu valala, gu si manegi ni muthu nya gu tsemakanye, ni muthu nya guwuye gasi gu si manegi gambe mutshanisi nya gutshanise vathu vangu; kholu eni mune furi nyi ngu si wona khu maho yangu.

Luka 21:24

Nya vangi va na songwa khu matshari, vambe va na vbagedwa va gu yiswa mayigoni kha nga dzikhumbi; Jerusalema gu na gandredzedwa khu va nya mayigo kala gi vbela gikhati gyawe.

Varoma 16:20

Nungungulu nya gurule a na pala Sathane, a mu vega nyamba hwela vbavbatshi nya migondro yanu. Pfhumu yathu Jesu Kristo a na mi kategise.

Dhewuteronome 24:14

U nga sololi muthumegeli nya gisiwana ni muhamugi, ambari nari ndriyago mwendro muluveli a vbanyago tigoni gwago ni dhoropani gwago.

Gutuledwa 11:2

Aholu, u nga pimi likupakupa li randredego Nyumba ya Nungungulu khu vbavbandze, kholu li ningedwe va nya mayigo va na gandredzelago Lidhoropa nya Gukatege ndrani nya magumana na mivili migima yitago.