Isaya 15:3 - Bhibhiliya Nya Guage

³ Va di ambala myendra nya silendra va duga dzindzilani; ni vbatshani nya dzinyumba dzawe, ni mitendrelani gwawe vaya lila ni gu tsikwila,

Isaya 15:3 Iomraidhean Croise

2 Samuweli 3:31

Dhavhidhe a di embela Jowabhi ni masotshwa yaye yatshavbo, khuye: “Pferulani dzingandzu dzanu, mu ambala silendra mu lilani Abhineri!” Mufumeli Dhavhidhe, a di landra khu hwane nya lithatho.

2 Dzipfhumu 6:30

Mufumeli na pwide magana ya nyamayi yoyu, a di pferula dzingandzu dzaye, na gu vbindra khu vbatshani nya ndzari, vathu va di mu wona gukhavo uye a di ambade dzingandzu nya gilendra a gira githangiso.

Isaya 15:2

Vavbanyi va Bhajiti Dhibhoni va gu gwela malangani nya miphaso ya musigomoni, vaya lila; Mowabhi a ngu lila khu kotani ya Nebhu ni Medhebha. Vatshavbo va vbalude ndzudzu ni guvila giledzo.

Isaya 22:1

Egi gitiviso ga kova nya Giwoniso gi gukhigyo: Gasi olu enu, ginani gi mi garadzago, gu kala mwatshavbo mu thavela vbatshani nya dzinyumba?

Isaya 22:4

Khu guralo, nyi ganede, kheni: Mu nga nyi khedzi; nyi digeni nyi lila khu wuvi, mu nga zami gu nyi tangadzisa khu kotani nya gumbembiswe ga nyamahegyane wa tigoni gwangu.

Isaya 3:24

Wulangani nya mafura nya gunungele, gu na pwala gununga nya silo nya guhine, wulangani nya libhandri, gu na manega ngodzi; wulangani nya gulugwe ndzudzu, gu na manega likhwalu; wulangani nya guambale nya buzo, gu na ambadwa silendra; wulangani nya wumburi, gu na manega mambala nya guvbiswe khu nilo.

Jeremiya 19:13

Dzinyumba dza Jerusalema gumogo ni dzinyumba dza vafumeli va Judha, dzi na nyenyeziswa khu sirumbi nya vathu gu fanana ni wulanga wa Tofeti; kholu va na Israyeli va litide vbatshani nya sikoli nya dzinyumba va ya vbisa libani va phasela lidambo, ngima ni dzinyeledzi, vanungungulu nya malipha.

Jeremiya 48:37

Kholu mihungoni gwawe gu na vbaludwa ni siledzo sawe si na vidwa; va na thedwa dzimbanga mandzani gwawe, siwununi gwawe gu fenengedzidwe khu silendra.

Gililo 2:10

Madhota ya vanyamahegyane va Siyoni ma khade vbavbatshi hayo kape. Va dzi phorodzede nguma hungoni, va ambala silendra, makendzi ya Jerusalema ma nogide dzithamo vbavbatshi. Caf

Ezekiyeli 7:18

Avo va na dzi fenengedza khu myendra nya silendra, na va tade khu gundrendremela. Va na fenengedzwa khovbeni khu dzitshoni, va vidwa likhwalo hungoni.

Amosi 8:10

Nyi na vbindrugedza mibuzo yanu yi khala gililo, ni dzindzimo dzanu dzi khala dzihuwa, musiwununi gwanu, mwatshavbo mu na hunga myendra nya silendra, mihungoni gwanu mwatshavbo mu na vbaludwa makhwalu. Litshigu lolo, li na khala na liri la gililo nya gufanane ni wule a nga fedwa khu gyanana gya gimwegyo, mahegiso gwaye nga litshigu nya wuvi.

Matewu 11:21

“Libango lago, Khorazini! Libango lago, Bhetisayidha! Kholu nari pwani Tiro ni Sidhoni va di wonide siliwugiso nya nga iso mu nga si wonago enu, na va dzi vbindrugedzide gale khu gu ambala dzisaku ni gu phorola nguma.

Dhewuteronome 22:8

Wa gu vbaha nyumba nya yiphya nya gitezi, u na gira libhiyo likupakupani la gitezi, gasi u si mani nandru nya novba, a gu thega muthu nya gukari khu vbale.

Jakobe 5:1

Olu, enu sitetema, upwani! Lilani, mu wombe dzihuwa khu kotani nya sisaniso mu na si wonago.

1 Samuweli 5:12

Avo va nga bani va si manwi khu lufu, va di tshaniswa khu sithunya; huwa ya dhoropani mule yi di gwela kala ndzadzini.