Isaya 15:2 - Bhibhiliya Nya Guage

² Vavbanyi va Bhajiti Dhibhoni va gu gwela malangani nya miphaso ya musigomoni, vaya lila; Mowabhi a ngu lila khu kotani ya Nebhu ni Medhebha. Vatshavbo va vbalude ndzudzu ni guvila giledzo.

Isaya 15:2 Iomraidhean Croise

2 Samuweli 10:4

Khavbo avbo, Hanumi, a di dzega sithumi sa Dhavhidhe, gimwegyo ni gimwegyo a gi vila giledzu gihaya gimwegyo, a va pilela gipandre gimwegyo nya dzingandzu dzawe kala maragoni a va bweledza va hongola.

1 Dzikoronika 19:4

Khavbo avbo, Hanuni, a di mola sithumi sa Dhavhidhe, a si vbalula ndzudzu, a si pferulela guambala khu vbakari ni vbakari kala vbamaragotunu a va bweledza nyamba ambala gilo.

Joba 1:20

Khavbo avbo, Joba a di khuga a ema, a pferula dzingandzu dzaye, a vbalula ndzudzu hungoni, a thega vbavbatshi khu khovbe, a lombelela,

Isaya 14:31

Womba huwa uwe nyangwa, lila uwe lidhoropa, ndrendremelani enu Vafilisitiya mwatshavbo; kholu, gu nguta wutshi khu Wuronga, ni moyo a nga khugi khu wulangani gwaye.

Isaya 15:3

Va di ambala myendra nya silendra va duga dzindzilani; ni vbatshani nya dzinyumba dzawe, ni mitendrelani gwawe vaya lila ni gu tsikwila,

Isaya 16:12

Ambari ulo Mowabhi a dzi garadzago khu gu gwela malangani nya sigomo, ni gu bela nyumbani gwaye nya miphaso, aya lombelela, kha na mana gilo.

Isaya 16:7

Khu guralo, enu va na Mowabhi, lilelani litigo lanu; mu lilela ngudzu mihandro nya dziuvha dza Kiri-Hareseti.

Isaya 22:12

Ga litshigu lolo, Mune, Pfhumu Nungungulu nya Tshivba Yatshavbo, a ngu mi ramba gu muta lila, ni gutsikwila, mu vbalula ndzudzu hungoni ni gu ambala myendra nya silendra.

Isaya 3:24

Wulangani nya mafura nya gunungele, gu na pwala gununga nya silo nya guhine, wulangani nya libhandri, gu na manega ngodzi; wulangani nya gulugwe ndzudzu, gu na manega likhwalu; wulangani nya guambale nya buzo, gu na ambadwa silendra; wulangani nya wumburi, gu na manega mambala nya guvbiswe khu nilo.

Jeremiya 3:21

Gupwala dzihuwa sigomoni nya gulaphe; gililo gya va na Israyeli va lombago gu divaledwa ni gu pwedwa wuhindzi; kholu va nga diga Pfhumu Nungungulu wawe, va landra yimbe ndzila.

Jeremiya 47:2

Pfhumu Nungungulu a ngu ganela kharati, khuye: “Wonani nya gukhenu mati ma khugago khu Wuronga, ma gu goga nga tsongo wu tutumago, wu langaladza litigo latshavbo ni satshavbo si guromo umo, ma na taledwa madhoropa ni vavbanyi vaye. Vathu va na womba dzihuwa, ni vatshavbo vavbanyi va mafuni va na lila,

Jeremiya 47:5

Vavbanyi va dhoropani ga Gaza va gayide ndzudzu, Asikalomi mwalo lito, mbembide gumogo ni mitshaledwa ya kovani gwaye. Kala lini nu ngu dzi hendrelela givili gyago?

Jeremiya 48:1

Khu mahungu ya Mowabhi, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Libango ga va na Nebhu, kholu lidhoropa lawe li khungumudwe.” Va na Kiriyatayimi, va padwe va modwa; likhokhola lawe li khungumudwe li thedwa dzitshoni.

Jeremiya 48:18

Tshiga khu vbagikhalotunu gwago nya wudhumo, u khala mafuni nya gihala, uwe nyamahegyane u vbahidego tigoni ga Dhibhoni, kholu musaseli wa Mowabhi a ngu hidzimela avbo gwago guta gu dhumela ni gu khungumula makhokhola yago.

Jeremiya 48:31

Khu guralo, nyi na lila khu litigo la Mowabhi, nyi na womba huwa khu kotani nya litigo latshavbo la Mowabhi, kholu vathu va Kiri-Heresi va na wombeledzela dzihuwa.

Jeremiya 48:35

Nyi na fuvisa va na Mowabhi, a ngu ganela Pfhumu Nungungulu vale va gwelago musigomoni gasi guya gira dzimhamba ni gu vbisela libani vanungungulu vawe.

Jeremiya 49:3

Womba huwa uwe Hesibhoni, Wombani huwa enu vanyamahegyane va Rabha! Ambalani silendra mu lila! Dzundrulugelani eno ni eno, kholu Malikani a na vbagedwa a yiswa wugumbini gumogo ni vaphasi vaye nya mhamba ni dzindruna dzaye.

Jeremiya 7:29

Vbalulani ndzudzu wa hungoni gwanu mu dzudzuga hwindzo; wombani huwa ni gu lila musigomoni nya gulaphe, kholu Pfhumu Nungungulu hambanide ni gitugulwana gegi gi wusidego likhulo laye, a gi diga.

Ezekiyeli 27:31

Va na vidwa likhwalo ni gu ambala silendra khu kotani gwago; va na gu lilela khu wuvi wawe watshavbo; va gira gililo nya gikhongolo.

Ezekiyeli 30:2

Mwamana wa muthu, profeta u ganela, khuwe: Mune Pfhumu Nungungulu, a ngu ganela kharati, khuye: Wombani huwa mu ganela, khenu: Yowe Libango! Ga litshigu lile!

Ezekiyeli 7:18

Avo va na dzi fenengedza khu myendra nya silendra, na va tade khu gundrendremela. Va na fenengedzwa khovbeni khu dzitshoni, va vidwa likhwalo hungoni.

Levhi 13:40

Mwama a gu thegelela ndzudzu hungoni, khu lihandza, agide.

Levhi 21:5

A nga vili ndzudzu hungoni; a nga vili tshiba bambe nya giledzu gambe a nga hatshedwi milini.

Amosi 8:10

Nyi na vbindrugedza mibuzo yanu yi khala gililo, ni dzindzimo dzanu dzi khala dzihuwa, musiwununi gwanu, mwatshavbo mu na hunga myendra nya silendra, mihungoni gwanu mwatshavbo mu na vbaludwa makhwalu. Litshigu lolo, li na khala na liri la gililo nya gufanane ni wule a nga fedwa khu gyanana gya gimwegyo, mahegiso gwaye nga litshigu nya wuvi.

Mitengo 21:28

Khaguva nilo wu dugede Hesibhoni, ni luvbya khu lidhoropani ga Seyoni li di mbembisa Ari ni Mowabhi, ni vamune nya sigomwana sa Herimoni!

Mitengo 21:30

Ethu hi va hekhide khu sighalala; va pfhungumudwe gukhugela Hesibhoni kala Dhibhoni; hi sasede kala Nofa khu nilo kala Medhebha!

Mitengo 32:3

“Mayigo ya Ataroti, ya Dhibhoni, Jazeri, Nimera, Hesibhoni, Eleyali, Sebami, Nebhu ni Bheyoni

Mitengo 32:38

Nebho, Bhahali-Meyomi, va li vbindrugedza lina; ni Sibima; mambe madhoropa va nga ma vbahago va di ma riya mambe malina.

Dhewuteronome 14:1

Enu mu sanana sa Pfhumu Nungungulu wanu. Khu guralo, mu nga hatshedwi dzindrova milini gwanu, ambari guvbaludwa ndzudzu hungoni gwanu khu kotani nya gufe muthu nya gukari.

Dhewuteronome 34:1

Mosi a di khuga khu mapanini ga Mowabhi a gwela gigomoni ga Nebhu, tshokhatunu nya gigomo gya Pisiga, gi nga khedzanago ni Jeriko. Pfhumu Nungungulu a di mu yeyedza litigo latshavbo, gukhugela Gileyadhi kala Dhani,