Isaya 15:1 - Bhibhiliya Nya Guage

¹ Aya khu mahungu mayelano khu Mowabhi: Khu wutshigu wumowo basi, gu di pfhungumudwa lidhoropa la Ari wa Mowabhi; khu wutshigu wumowo basi, Kiri wa Mowabhi, di pfhungumudwa gu khala giwula.

Isaya 15:1 Iomraidhean Croise

2 Dzipfhumu 3:25

Va di khungumulela madhoropa; khavbo avbo, mwama ni mwama a di rinya giwindri marembweni nya dzimbewu, va futela milambo, va kokelela misimbo yatshavbo yi ningago mihandro, gu di tshala basi lidhoropa la Kiri-Hareseti; aholu avo va nga bani na va rinya siwindri, va di li randrela va li sasela, gu tshala basi siwindri.

Isaya 11:14

Mayigo ya mavili ma na wugela Vafilisitiya va Muhwadambo; ma na hongola gumogo ma ya phanga vathu va Khugadambo; ma na dwanisa Vaedhomi ni Vamowabhi, sanana sa Amoni si na khala sithumi sawe.

Isaya 13:1

Aya Mahungu nya gupfhungumudwe ga Bhabhiloni ma nga woniswago ga Isaya, mwamana wa Amosi:

Isaya 14:28

Mwaga a fudego khuwo mufumeli Akazi, ma tivisidwe mahungu yaya, gupwani:

Isaya 16:11

Khu guralo, mahembe yangu ma gu dzuma nga gitendre khu kotani ya Mowabhi, monyo wangu wa gu vbisega khu kotani ya Kiri-Heresi.

Isaya 16:6

Hi pwide na gu ganedwa khu matshandza ya Mowabhi, gu dzi khusedza gwaye ni gigaha gyaye; gambe gu ghwira gwaye khwa mahala.

Isaya 16:7

Khu guralo, enu va na Mowabhi, lilelani litigo lanu; mu lilela ngudzu mihandro nya dziuvha dza Kiri-Hareseti.

Isaya 25:10

Kholu gyandza gya Pfhumu Nungungulu, gi na handzegwa vbatshani nya gigomo gegi; aholu Mowabhi, a na gandredzedwa avbo a guromo, kha nga idzo va gandredzelago khidzo mwasi talani nya ndzilo.

Isaya 25:12

A na khungumula makhokhola nya mabhiyo yawe; a na ma khungumula ma thega mafuni ma khala kudzudzwane nya mafu.

Jeremiya 9:26

Egipito, Judha, Edhomi ni sanana sa Amoni, ni va na Mowabhi, ni vatshavbo va vbahidego giwulani, avo va gayidwego ndzudzu dzibambe gwawe; kholu avo mafumbu nyamba hana wugwera, ni nyumba yatshavbo ya na Israyeli, myonyoni gwawe kha va hana wugwera.”

Mitengo 21:28

Khaguva nilo wu dugede Hesibhoni, ni luvbya khu lidhoropani ga Seyoni li di mbembisa Ari ni Mowabhi, ni vamune nya sigomwana sa Herimoni!

Dhewuteronome 2:18

Muhuno, u na tsemakanya Ari, khu mivbinganoni ga Mowabhi,

Dhewuteronome 2:19

u gu vboha mbeli ga sanana sa Amoni; u nga va dwanisi gambe u nga va khuti, kholu litigo la sanana sa Amoni kha nyi na gu ninga li khala thomba yago, kholu nyi li ningede ga sanana sa Loti kha nga thomba yawe.

Dhewuteronome 2:9

Khavbo avbo, Pfhumu Nungungulu a di nyi embela, khuye: U nga khuti va na Mowabhi, a gu situgulwana sa Loti ambari gu va dwanisa, kholu kheni nyi va ningidego gipandre gegi gya Ari gambe kha nyi na gu ninga ni gipandryana gimwegyo nya litigo lawe.