Isaya 14:6 - Bhibhiliya Nya Guage

⁶ Yile yi nga bani yi veta vathu khu dzihanyi, a va thela dzimbanga nyamba vbola, a fumela mayigo khu gigaha, a va tshanisa nyamba himbedzedwa khu muthu.

Isaya 14:6 Iomraidhean Croise

2 Dzikoronika 36:17

Khu guralo, a di va rumela mufumeli wa Vakalidhiya a ta va sasela a songetela madzaha yawe khu matshari nyumbani gwawe nya miphaso: Kha pwela gisiro madzaha ni vanyamahegyane, ambari khu sikhosane nya dzinvi; vatshavbo Nungungulu a di va ningela mandzani gwaye.

Joba 9:13

Nungungulu kha na bosa likhulo laye, ni vaphasedzeli va Egipito va na dzi nogisa mbeli gwaye.

Mavingu 21:30

Mwalo muthu a gengedego ni mapimo ambari wusingalagadzi, a vbindrago Pfhumu Nungungulu.

Mavingu 28:15

Mufumeli nya guvivbedwe khu monyo a gu fuma litigo nya sisiwana, a gu fanana ni nghala yi bhongago ni gikankanka gya gupwa ndzala.

Isaya 10:14

Nyi dzegide khu mandza yangu dzithomba dza va nya mayigo; kha nga muthu a thumbago gihaga nya sinyoni; nyi dzegide litigo rumba kha nga muthu a rolago mandra ma digidwego, mwalo a thawuludzidego mambapi mwendro gu tula likana, ambari gu keta.”

Isaya 14:5

Pfhumu Nungungulu fanyeledzede ndronga ya va nya guvivbedwa khu monyo, ni ndronga ya vakhozisi.

Isaya 33:1

Libango gwago, uwe muphangi, uwe gima u si gu phangwigo, u kanganyisago vakwanu avo gima va sa gu kanganyisago! Avbo uwe u na vbedzago gu phanga, u na phangwa nuwe, avbo u na vbedzago gu kanganyisa, va na gu kanganyisa nuwe!

Jeremiya 25:26

ni vafumeli vatshavbo va Wuronga, va vbafuvbi ni va hwindzo, khu gulandrelana, ni mifumo yatshavbo ya tigoni yi guromo vbatshani nya mafu; khu hwane nya avo vatshavbo, a na sela mufumeli wa Bhabhiloni.

Jeremiya 25:9

wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 48:17

Pwelani gisiro Mowabhi, ni enu mwatshavbo vaakelane vaye ni enu mwatshavbo mu litigo lina laye; ganelani, khenu: “Li fanyegide kharini lipitso leli nya tshivba, ndronga nya wudhumo!”

Jeremiya 50:31

Wona nya gukhuwe eni nyi dzi emisede gu dwana nago, uwe nyamatshandza wewe, a ngu ganela Pfhumu Nungungulu nya Tshivba Yatshavbo, kholu, li vbohide litshigu ni gikhati nya tsayiso wago:

Gililo 1:21

Va ngupwa mahika yangu, aholu mwalo ni moyo a nyi tangadzisago. Valala vangu vatshavbo va gu ghiya khu gupwa guthega gwangu, va tsaka khiso U giridego. Aholu, Uwe Pfhumu vbiredza gu resa litshigu U li tumbisidego gasi vathu va tsayiswa navo nga eni. Tau

Habhakuka 1:17

Ina a na simama gu thesa ligoga laye, nyamba diga gu simama gu songa vathu nyambana gisiro, gani?

Habhakuka 2:5

Muthu a dzi ningedzelago ngudzu guselani nya wadwa, gipumbu, ni muthu nya matshandza mwalo gurula; a gu khala na hamide likana kha nga lithowo. A gu fanana ni lufu; a gu si vbweta si manega kha khuri, a gu tombanisa vathu nya mayigo yatshavbo, a gu khozisa vathu nya mafumbu yatshavbo va khala vaye.

Jakobe 2:13

Gikhati Nungungulu a na gu lamulago, kha na tsetselela ava va ngamba tsetselela vakwawe, aholu, ava va nga tsetselelago vakwawe, kha va na ningwa nandru Litshigu nya Gulamudwe.