Isaya 14:4 - Bhibhiliya Nya Guage

⁴ mu na emba ndzimo yeyi nya gutsorodzele mufumeli wa Bhabhiloni, khenu: Mutshanisi thegede hayi! Ni dzihanyi dzaye dzi vbede kharini!

Isaya 14:4 Iomraidhean Croise

2 Dzikoronika 36:18

Sombo satshavbo sa Nyumbani ga Nungungulu, nya sikhongolo niso nya sidugwana, dzithomba dza Nyumbani ga Pfhumu Nungungulu, dzithomba dza mufumeli ni manganagana yaye, a di dzega satshavbo a si yisa tigoni ga Bhabhiloni.

Isaya 13:1

Aya Mahungu nya gupfhungumudwe ga Bhabhiloni ma nga woniswago ga Isaya, mwamana wa Amosi:

Isaya 13:19

Bhabhiloni, oyu a gu mburi ga mifumo yatshavbo, lidhoropa nya matshandza ya Vakalidhiya ni wuzundzo wawe, li na fanana ni Sodhoma ni Ghomora, ayo Nungungulu a nga ma mbembisago.

Isaya 14:17

A nga bani a gira litigo li khala giwula, madhoropa ma khala marumbi, a nga bani a si tshuli dzikhumbi dzaye dzi bwelela magaya gwawe, gani?

Isaya 14:5

Pfhumu Nungungulu fanyeledzede ndronga ya va nya guvivbedwa khu monyo, ni ndronga ya vakhozisi.

Isaya 14:6

Yile yi nga bani yi veta vathu khu dzihanyi, a va thela dzimbanga nyamba vbola, a fumela mayigo khu gigaha, a va tshanisa nyamba himbedzedwa khu muthu.

Isaya 16:4

Vale va tutumisidwego va Mowabhi, va na vbanye avbo gwago, va na mane gusihala avbo gwago, gasi va si manwi khu mumbembisi. Kholu muthu nya dzihanyi a na vbeledwa, yi vbela tshanisa, ni mutshanisi a na duga tigoni.

Isaya 21:2

Gu dita gwangu giwoniso nya gusamadzise ngudzu gi ta nyi embela, khigyo: “Mukanganyisi a ngu kanganyisa, ni muphangi a ngu phanga. Enu va na Elamo indrani mu ya dwana, enu Vamedhiyani, randrelani lidhoropa; dzihuwa dzawe dzatshavbo nyi ngu dzi vbedza.

Isaya 47:5

Khala vbavbatshi huwe kape, u bela vbakari nya gidema, uwe nyamahegyane wa Vakalidhiya, kholu gima khu na ranwa gambe pfhumugadzi nya mifumo.

Isaya 49:26

Vatshanisi vago nyi na va hodzisa nyama yawe, nyi bwelo khavbo nyi va levisa khu novba wawe, gukhwatshi wadwa nya givhayi; khu guralo, vathu vatshavbo va na dziti gukhavo kheni Pfhumu Nungungulu, Muvbanyisi, ni Mudzegisi wago, Nyadzitshivbe wa Jakobe.”

Isaya 51:13

Gasi khuwe mani uwe u divalago Pfhumu Nungungulu, a gu vangidego, uye a ladzidego ndzadzini ni gu tsitsa litigo wulangani gwaye; u na simama gu thedwa hwanga matshigu yatshavbo khu likhulo la mutshanisi a gu vbweta gu gu mbembisa, gani? Gasi olu, la gu vbelela hayini likhulo la wule a nga bani a gu tshanisa?

Isaya 51:23

Aholu nyi na gi vega mandzani ga vatshanisi vago, avo va gu embelago, khavo: Thega, huwe labalaba, gasi hi vbindre khu vbatshani gwago; kholu hwambo wago wu namide mafuni, wu khala nga ndzila va vbindrago khavbo vathu.”

Isaya 54:14

U na tiyiswa khu gululama, sitshaniso si na manega hwindzo ni uwe, khu na thava gilo, ambari gu thusedzedwa kha gu na hidzimela vbafuvbi gwago.

Isaya 9:4

Kholu u fanyide kanga wu nga bani wu gu va lemela, ni lipitso li nga bani li va bayisa magata, ni ndronga ya mutshanisi wawe, u si fanyeledzede gukhwatshi wa gu fanya tshivba ya Vamedhiyani.

Jeremiya 24:9

Nyi na va gira gilo nya gisamadziso ni guthisa, ga mifumo yatshavbo ya mafuni nyi na gu va phalalegiselago umo, va na khala gihegiso ni givalo malangani yatshavbo.

Jeremiya 48:17

Pwelani gisiro Mowabhi, ni enu mwatshavbo vaakelane vaye ni enu mwatshavbo mu litigo lina laye; ganelani, khenu: “Li fanyegide kharini lipitso leli nya tshivba, ndronga nya wudhumo!”

Gililo 4:1

Gasi yi pfhurede kharini ndralama! Ndralama yi hutidwego yi pfhurede kharini! Siwindri sa wulangani nya miphaso si mbambamede umo nya mahandzakanya yatshavbo nya dzindzila! Bet

Ezekiyeli 5:15

Uwe u na khala gilo nya gihegiso ni givalo, u vbindrugedza u khala giyeyedzo nya gisamadziso ga vathu nya vaakelane vago, gikhati nyi na gu tsayisago khu likhulo, khorodza ni sitsayiso nya gulemele. Eni, Pfhumu Nungungulu nyi ganede kharato.

Dhaniyeli 2:38

Malangani yatshavbo a gu ningide vathu, sirengo sa khabini ni sinyoni sa damboni, a si ningede mandzani gwago, gasi satshavbo si fumwa khuwe, hungo nya ndralama khuwe.

Habhakuka 2:17

Kholu dzihanyi u giredego Libhanoni dzi na gu thegela. U na thedwa hwanga khu sirengo u si songetedego. Kholu u vbaladzide novba nya wungi, u sasede mayigo, madhoropa ni vavbanyi vaye.

Gutuledwa 17:6

Nyi di wona nyamayi wule na gu levide khu novba wa va nya gukatega ni novba wa dzifakazi dza Jesu; na nyi mu wone nyi di liwuga ngudzu.

Gutuledwa 18:16

“Libango! Libango lago uwe lidhoropa nya likhongolo, li nga bani li ambade myendra nya seda, nya siwunguwungu, nya gufuvile, nya gumburisedwe khu ndralama, ni siwindri nya lisima, ni dziperola. Kholu khu gikhatinyana nya gidugwana wu pfhungumugide wufumu nya wukhongolo ngudzu nya guvbindre tengo!”

Gutuledwa 18:20

Nengelani mu bhuma vbatshani gwaye, ndzadzi, ni enu mwatshavbo va nya gukatega, ni vapostoli, ni vaprofeti. Kholu Nungungulu lamude khu gu mi phodzela, khu gu tsayisa kharati lidhoropa leli.