Isaya 14:3 - Bhibhiliya Nya Guage

³ Litshigu Pfhumu Nungungulu a na gu bani a mi ningide guhefemula ga mithumo yanu yatshavbo, ga tshanisa yatshavbo, ni ga wugumbi watshavbo va mi giredego,

Isaya 14:3 Iomraidhean Croise

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Isaya 12:1

Ga litshigu lolo, u na embelela, khuwe: “Nyi ngu gu bonga uwe Pfhumu Nungungulu, kholu, ambari nyi gu gorosidego, olu U duside likhulo lago avbo gwangu. Uwe u ngu nyi tangadzisa.”

Isaya 32:18

Vathu vangu va na vbanya wulanga nya gurule, malangani nya gukhadzisege gwadi, khu gurula ni gutangala,

Isaya 40:2

Ganelani khu gutsaka ga Jerusalema, mu mu tiyisa hwambo, khenu gusaniseka nya wugumbi waye guvbede, sighoho saye si futidwe, kholu eni Pfhumu Nungungulu, nyi va vetide gukhedza khu sighoho va giridego.

Jeremiya 17:4

Khu guralo, nyi na dusa mandzani gwago thomba yatshavbo nyi gu ningidego, nyi na gu gira u thumela valala vago, ga litigo u si litigo; kholu u vaside nilo nya likhulo langu, wu na khondra nyamba tshimega.

Jeremiya 30:10

Khu guralo, u nga thavi uwe githumi gyangu, Jakobe, gambe u nga vbeli tshivba uwe Israyeli; kholu nyi na mi vbulugisa mayigoni ga hwindzo, nyi na mi wuyisa gumogo ni melego wanu khu tigoni nya wugumbi; Jakobe a na wuya ata khala na tangade ni gurula; gambe kha na manega muthu nya gu mu thusedzele.

Jeremiya 30:8

Pfhumu Nungungulu nya Tshivba Yatshavbo, a ngu ganela, khuye: “Khu litshigu lolo, nyi na fanya kanga wu lemelago dzithamoni gwawe, nyi kavila ni dzingodzi dzakone; vathu vava gima kha va na nga khala gambe dzikhumbi dza va nya mayigo.”

Jeremiya 50:34

Aholu uye a gu Mutshudzisi wawe a na ni tshivba, lina laye khu Pfhumu Nungungulu nya Tshivba Yatshavbo. A na ema navo a va vhikela gasi litigo lawe li mana gurula, a ndrendremedzisa vatshavbo vavbanyi va Bhabhiloni.

Ezekiyeli 28:24

Kha gu na manega gambe ndrangani ga Israyeli miba yi na gu va payago, ambari sirangalabwa nya gu va pwise wuvi, vbakari ga vaakelane va va hembululago, gambe va na dziti nya gukhavo Eni kheni Mune Pfhumu Nungungulu.

Zakariya 8:2

Pfhumu Nungungulu nya Tshivba Yatshavbo a ngu ganela kharati, khuye: “Khu kotani gwago uwe Siyoni, nyi ngupwa likhulo nya likhongolo ngudzu li khondrago monyoni gwangu, li nyi wusela wufu ni khorodza nya yikhongolo ngudzu.”

Zakariya 8:8

nyi na va resa, va ta khala vbakari ga Jerusalema; va na bani vari vathu vangu, Eni neni nyi na bani nyiri Nungungulu wawe khu lisine ni gululama.”

Dhewuteronome 28:48

Khu guralo, u na thumela valala avo Pfhumu Nungungulu a na gu va rumela avbo gwago, va ta gu tshanisa khu ndzala, lidora, wuhagadzo ni wusiwana nya wukhongolo ngudzu; avo va na gu rwega kanga nya dzisimbi nya gulemele thamoni gwago, kala va gu mbembisa.

Gutuledwa 18:20

Nengelani mu bhuma vbatshani gwaye, ndzadzi, ni enu mwatshavbo va nya gukatega, ni vapostoli, ni vaprofeti. Kholu Nungungulu lamude khu gu mi phodzela, khu gu tsayisa kharati lidhoropa leli.