Isaya 14:2 - Bhibhiliya Nya Guage

² Va nya mayigo va na va dzega va va yisa malangani gwawe, aholu vathu vovo nya vama ni vanyamayi, va na fumedwa khu nyumba ya Israyeli, tigoni ga Pfhumu Nungungulu. Va gira dzikhumbi vale va nga girwago khavo dzikhumbi, bwelo khavbo va tshanisa avo va nga tshaniswago khavo.

Isaya 14:2 Iomraidhean Croise

Ezira 2:65

nyamba sayela ni dzikhumbi dzawe nya vama nidzo nya vanyamayi, va nga bani va gu enedza tengo nya livbandre na mavili magumi mazana ni mazana mararu ni magumararu na livbandre na vavili (7.337); gumogo navo, va diromo gambe mazana mavili (200) vaembeleli nya vama ni vanyamayi.

Dzindzimo 68:18

Uwe u gwede gigomoni nya gulaphe, u dzegide sibotshwa nya singi; u hakhide miningelo ga vathu, ni ava va gu wugelago navo va reside miningelo yawe, Pfhumu Nungungulu a na vbanya vbakari gwawe.

Isaya 18:7

Khu gikhati gyogyo, gu na reswa gihiwa ga Pfhumu, Nungungulu nya Tshivba Yatshavbo, vathu nya vadandrangulu, na vari ni wumburi, avo va thawago khu vathu gukhugela gutumbulugani gwawe, litigo nya dzihanyi nya guganele sihonohono, Eli li tsemakanywago khu vbakari ni vbakari khu mitsongo. Va na resa miningelo yawe gigomoni ga Siyoni, avbo gu khozedwago lina la Pfhumu Nungungulu nya Tshivba Yatshavbo.

Isaya 31:8

Asiriya a na sasedwa khu matshari ma si gu ya muthu, a na mbembiswa khayo, a na tutuma a thava gusasedwa khu matshari. Madzaha yaye ma na padwa ma rwegwa mithumo nya gulemele.

Isaya 45:14

Pfhumu Nungungulu a ngu ganela kharati, khuye: “Thomba ya Egipito ni wugwewo wa Etiyopiya, ni vavbanyi va Sabha, vathu nya vadandrangulu, va nata gwago vata lumba uwe; avo va na landra khu hwane gwago na va hungidwe makhetshe; va na noga mbeli gwago, va gira milombelo avbo gwago, khavo: Khu lisine Nungungulu womo avbo gwago basi; vbavbandze gwaye, mwalo mumbe Nungungulu.”

Isaya 49:22

A ngu ganela kharati Pfhumu Nungungulu, khuye: Wona nya gukhuwe nyi na khusedza mandza nyi ghwimba ngavbya vbakari nya mayigo; khavbo avbo, va na resa sanana sago nya madzaha khu mawogoni, iso nya vanyamahegyane, na va si vbagaride magatani gwawe.

Isaya 49:23

Vafumeli va na khala vasayisi vago, ni dzipfhumugadzi dzawe, dzi na khala vamayi vago; va na noga mbeli gwago va tsitsa khu khovbe va dandzela kudzudzwane wa migondroni gwago. Khavbo avbo, u na si pima gukhuwe, eni kheni Pfhumu Nungungulu, avo va nyi tumbago kha va na thedwa dzitshoni.

Isaya 49:25

Aholu Pfhumu Nungungulu a ngu ganela, khuye: “Khu lisine nyi ngu tiyisa, kheni: Vathu va modwego khu ndrena, nyi na va tshudzisa, nyi bwelo khavbo nyi wandra phango ga mufumeli nya dzihanyi, kholu nyi na dwana ni avo va gu dwanisago, nyi tshudzisa sanana sago.

Isaya 54:3

Kholu u na nava uya phuvbo ga nyamudye ni phuvbo ga nyambade; livelego lago li na fumela mayigo, va wusa madhoropa ma khadego marumbi.

Isaya 60:14

Sanana sa vatshanisi vago, si nata noga migondroni gwago; ni vale va nga bani va gu hembulula, va nata khidzima migondroni gwago; va na gu rana khavo u “Lidhoropa la Pfhumu Nungungulu,” “Siyoni wa Uye a Kategidego wa Israyeli.”

Isaya 60:4

Khusa maho u khedzisa maphuvbo yatshavbo; vathu vatshavbo vava va ngu tombana vata avbo gwago; sanana sago si nata khu hwindzo, esi nya sagadzyana si na wuya na si wugaredwe mawogoni.

Isaya 61:5

Vathu nya mambe mayigo va nata havisa mitshambi yanu; va nya mayigo va na khala valimeli vanu ni vasayisi nya marembwe yanu nya vhinya.

Isaya 66:12

Kholu Pfhumu Nungungulu a ngu ganela kharati, khuye: Wonani nya gukhenu nyi na mi resela gurula nya gungi, nya gukhwatshi tsongo wu khulungago, gumogo ni thomba nya mayigo, gukhwatshi gitsongwana gi gogago. Khavbo avbo, mu na mama, va mi wugarela mawogoni, va mi ladzisa vbamarumbitunu gwawe.

Jeremiya 30:16

Ambari ulo, vatshavbo vale va na gu saselago, Eni neni nyi na va sasela; valala vago vatshavbo va na yiswa wugumbitunu; avo va na gu gu belago, avo navo va na bedwa, ni avo va na gu phangago va na phangwa navo.

Jeremiya 49:2

Khu guralo, Pfhumu Nungungulu a ngu ganela khuye, ma nguta matshigu, nyi na womba huwa nya nyimbi, nyi dwana ni lidhoropa la Rabha, tsindza wa va na Amoni; ilo li na vbindrugedza li khala matala nya marumbi, mitalala yawe yi na dagarela khu nilo. Khavbo avbo, Israyeli a na hodza thomba ya vale va hodzidego thomba yaye, a ngu ganela Pfhumu Nungungulu.

Ezekiyeli 39:10

Kha va na resa dzikhuni khu gundze, ambari gu dzi koka khabini, aholu khu matshari va na vasa khayo nilo; va na wandra ga vale va nga va wandrelago, va na phanga ga vale va nga va phangago, a ngu ganela Mune Pfhumu Nungungulu.

Dhaniyeli 7:18

Aholu, sihathwa sa wule a Khusegidego ngudzu, khavo va na gu ningwago mufumo wu khala wawe kala gupindruga ni gupindruga.

Joyele 3:8

Nyi na rengisa sanana sanu nya sikhwathana niso nya sagadzyana khu mandzani ga va na Judha, avo va naya rengisela va na Sebha vathu nya litigo li khadego hwindzo ngudzu, kholu nyi ganede eni Pfhumu Nungungulu.

Levhi 25:44

Gasi khumbi nya mwama mwendro nya nyamayi u na yi rengago, gu vbwetega nya valombo, nya gute khu mayigoni ya vbavbandze; mu ngu dzi kodza gu renga dzikhumbi nya vama ni vanyamayi.

Obhadhiya 1:17

Aholu gigomoni gya Siyoni va na manega avo va nga vbulugago; va na bani va kategide; lihundzu la Jakobe, li na fuma dzithomba dzawe.

Zakariya 2:13

Vathu vatshavbo va na degule mbeli ga Pfhumu Nungungulu, kholu uye khugide a dzi wonegisa khu Wulangani gwaye nya Guage.

Zakariya 2:9

Wonani, eni nyi na khusa gyandza gyangu nyi va bayisa va fela gu khoziswa khu dzikhumbi dzawe. Khavbo enu mu na dzitigo gukhenu khu Pfhumu Nungungulu nya Tshivba Yatshavbo a nyi rumedego.

Luka 12:45

Aholu githumi gile gya gu pimisa, kharati: ‘Pfhumu yangu a ngu hwela gu vboha’, gi gu phela gu vetelela sithumi, gi hodza, gi sela, gi leva,

Varoma 15:27

Va di wona nari gwadi gu gira kharato, gambe a diri fanelo yawe. Kha nga ulo va nya mayigo va hakhidego makategwa nya liphuvbo a gu ya Vajudha, avo navo va na ni fanelo nya gu va phasedzele khu siningwa sawe nya mafu.

2 Vakorinto 10:5

hi na khungumule matshandza yatshavbo ma wugelago guti gwa Nungungulu, hi wuyisela mapimo yatshavbo nya wuthu, ma ta yingisa Kristo.

Vagalatiya 5:13

Gasi enu vandruye, mu ranedwe guvbanya na mu tshulegide. Aholu mu nga dzegi gutshulega gwanu mu gu gira ndzila nya gutsakise gunavela nya tumbunugo nya wuthu; thumelanani khu lihaladzo.

Vaefeso 4:8

Khidzo yi ganelago Milowo, khiyo: “Gikhati a nga khusedzedwa Ndzadzini a di dzega va nya gukhothedwa pasoni a gu kabanisela vathu siningwa.”

Gutuledwa 3:9

Nyi na gu ninga tshangano nya valandreli va Sathane, vale va dzi randrago Vajudha nari va gu lipha. Va na khidzima migondroni gwago, gasi va dziti nya gukhavo nyi ngu gu gola.