Isaya 14:11 - Bhibhiliya Nya Guage

¹¹ Matshandza yago ma rinyidwe phalani, ma patwa ni gudzuma nya dzimbila dzago, lidawu lago khu guhina, siwungu i vholo wago.

Isaya 14:11 Iomraidhean Croise

Joba 21:26

Vambe ni vambe va gufa gumogo vaya lala vatshavbo thowoni, va wulugedwa khu siwungu.

Isaya 22:2

Gasi nyenganyenga muni ni ligwaha li pwalago dhoropani, na? Vathu vanu kha vafa khu matshari mwendro guya songwa nyimbitunu!

Isaya 5:14

Khidzo kharato, lithowo li engedzedego gulodza magwaha li hama likana gasi gu midza wuzundzo wa Jerusalema, gumogo ni gidzemo gi girago ligwaha, ni vatshavbo va tsakago.

Isaya 51:8

Kholu avo va na hodzwa khu muhwa kha nga mwendra, va hodzwa khu siwungu kha nga mawoya; aholu gululama gwangu gu na simama kala gupindruga, ni guvbanyisa gwangu, gu na thapela mimela ni mimelana.

Isaya 66:24

Va na duga vaya wona sirumbi nya vathu va nga nyi wugelago; kholu siwungu sawe gima kha si na ngafa, ambari nilo wawe, kha wu na tshimega; gu na bani guri tshanisa ga vathu vatshavbo.

Ezekiyeli 26:13

Nyi na fuvisa dzindzimo dzago nya litsako, ni gudzuma nya sitendre gima kha gu na pwala gambe.