Isaya 14:1 - Bhibhiliya Nya Guage

¹ Kholu Pfhumu Nungungulu a na pwela gisiro nyumba ya Jakobe, a dzi hathela va na Israyeli, va ta vbaha tigoni gwawe nya mavelego, va nya mayigo va nata tshangana gumogo navo, va dzi patanisa ga lihundzu la Jakobe.

Isaya 14:1 Iomraidhean Croise

Dzindzimo 102:13

U na khuga u ema u girela wuhindzi Siyoni, gikhati nya gu u mupwela gisiro, khigyo egi gikhati gi emisedwego.

Dzindzimo 102:14

Kholu, sithumi sago si ngu gola siwindri sa Siyoni, ni gupwa wuvi khu kotani nya marumbi yawe.

Dzindzimo 143:12

Khu kotani nya wuhindzi wago, fuvisa valala vangu, mbembisa vatshavbo va nyi wugelago, kholu eni nyi githumi gyago.

Dzindzimo 98:3

Alakanyide lihaladzo ni gutumbega gwaye ga ndranga ya Israyeli, dzitshokani nya litigo gu wonidwe guvbanyisa ga Nungungulu wathu.

Isaya 19:18

Ga litshigu lolo, gu na manega livbandre madhoropa ya Egipito, aya ma na gu ganelago khu lidimi nya gikhanani ni gu sambanya ga Pfhumu Nungungulu nya Tshivba Yatshavbo, limwedo nya ayo, li na ranwa Lidhoropa nya Gumbembise.

Isaya 21:1

Aya khu mahungu nya giwula gya vbafuvbi ni yiphwa: Kholu, kha nga phuvbo nya gingulu ni gipupwane sitago khu Marandzi, si vbiyelago satshavbo, musaseli a nata khu giwulani, litigo nya guthise.

Isaya 27:6

Ma nguta matshigu, avbo Jakobe a na bugago mikhamba, Israyeli a nyuga a thela wenge, a tadza tigoni gwatshavbo khu mihandro.

Isaya 41:8

Aholu, uwe Israyeli, githumi gyangu, ni uwe Jakobe, nyi gu hathidego, livelego la pari yangu Abrahama,

Isaya 41:9

uwe nyi gu dzegidego khu mahegiso nya litigo, nyi gu ranide khu dzikhonani gwaye dza hwindzo; nyi gu rana, kheni: “Uwe khuwe githumi gyangu, nyi gu hathidego, gima kha nyi na gu nyenya;

Isaya 44:1

Gasi olu, yingisa uwe githumi gyangu Jakobe, uwe Israyeli nyi gu hathidego.

Isaya 45:14

Pfhumu Nungungulu a ngu ganela kharati, khuye: “Thomba ya Egipito ni wugwewo wa Etiyopiya, ni vavbanyi va Sabha, vathu nya vadandrangulu, va nata gwago vata lumba uwe; avo va na landra khu hwane gwago na va hungidwe makhetshe; va na noga mbeli gwago, va gira milombelo avbo gwago, khavo: Khu lisine Nungungulu womo avbo gwago basi; vbavbandze gwaye, mwalo mumbe Nungungulu.”

Isaya 47:1

Tshiga vbavbatshi, u khala ngumani, uwe likendzi nyamahegyane wa Bhabhiloni; khala vbavbatshi; kholu u mwalo gambe gikhalo nya wufumu, uwe nyamahegyane wa Vakalidhiya, kholu gima khu na ranwa gambe pwani khuwe nya gu dzi gole ni gumbura.

Isaya 49:10

Gima kha va na ngapwa ndzala ambari lidora, ambari gu furugedzwa khu phuvbo ni gu vbiswa khu lihani, kholu oyu a va pwelago wusiwana, a na thanga mbeli gwawe, a va yisa sifefeni nya mati.

Isaya 49:13

Ghiyani mu womba mikulungwane, enu ndzadzini, u nengela khu gutsaka, uwe litigo, ni enu sigomo bhumani mu kulungela, kholu Pfhumu Nungungulu pwide gisiro, a tangadzisa vathu vaye.

Isaya 49:15

Ina womo nyamayi a divalago gyanana gyaye gi nga gu mama, a si khathali khu gyanana a nga gi dusago khu mahembeni gwaye, gani? Ambari uye a gu divaledwa, eni gima kha nyi na nga divaledwa khuwe.

Isaya 49:25

Aholu Pfhumu Nungungulu a ngu ganela, khuye: “Khu lisine nyi ngu tiyisa, kheni: Vathu va modwego khu ndrena, nyi na va tshudzisa, nyi bwelo khavbo nyi wandra phango ga mufumeli nya dzihanyi, kholu nyi na dwana ni avo va gu dwanisago, nyi tshudzisa sanana sago.

Isaya 49:7

A ngu ganela kharati Pfhumu Nungungulu, Mudzegisi wa Israyeli ni Gihathwa gyaye, wule a vengwago ni gu nyenywa khu mayigo, a gu githumi gya vafumeli nya dzihanyi, khuye: “Avbo vafumeli va na mu wonago, va na khuga va ema, manganagana ma na noga ma khidzima ma mu khozela; kholu lihaladzo la Pfhumu Nungungulu li tumbegide, Nya Guage wa Israyeli a gu hathidego.”

Isaya 54:3

Kholu u na nava uya phuvbo ga nyamudye ni phuvbo ga nyambade; livelego lago li na fumela mayigo, va wusa madhoropa ma khadego marumbi.

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

Isaya 56:3

Muluveli a dzi ningelago ga Pfhumu Nungungulu, a nga pimisi kharati, khuye: “Pfhumu Nungungulu khu lisine a na nyi hambanisa ni vathu vaye;” ambari thenwa a nga ganeli nuye, khuye: “Wona nya gukhuwe eni nyi simbo nya gubange.”

Isaya 60:10

Va nya mayigo va na vbahedza makhokhola yago, ni vafumeli vawe va na gu thumela, kholu nyi gu tsayiside khu likhulo langu, aholu khu wuhigo wangu, nyi gu pwede wuhindzi.

Isaya 60:14

Sanana sa vatshanisi vago, si nata noga migondroni gwago; ni vale va nga bani va gu hembulula, va nata khidzima migondroni gwago; va na gu rana khavo u “Lidhoropa la Pfhumu Nungungulu,” “Siyoni wa Uye a Kategidego wa Israyeli.”

Isaya 66:20

Va na resa vandriyanu vatshavbo khu mayigoni, gasi gu gira ningelo ga Pfhumu Nungungulu, na va khilede dzikavalu, dzikareta, vambe na va khusidwe khu matsira, vambe khu dzimula, ni dzingameriya, gigomoni gwangu nya gukatege gya Jerusalema, a ngu ganela Pfhumu Nungungulu. Va gira kha nga va na Israyeli gikhati va resago miningelo yawe nya dzimbewu Nyumbani ga Pfhumu Nungungulu khu mikanvuni yi agidego.

Jeremiya 16:15

“Gambe va na ganela, khavo: Pfhumu Nungungulu a ngu vbanya, Uye a nga wuyisa sanana sa Israyeli khu tigoni ga Wuronga ni ga mayigoni gwatshavbo a nga bani a va phalalegisede umo; kholu nyi na va wuyisa ga litigo nyi nga ningago vababe vawe.”

Jeremiya 29:14

Pfhumu Nungungulu a ngu ganela kharati, khuye: Nyi na dzi wonegisa vbakari gwanu nyi wuyisa dzikhumbi dzatshavbo ni vatshavbo va phalalegidego mayigoni ni malangani gwatshavbo nyi mi yisidego, a ngu ganela Pfhumu Nungungulu, nyi bwelo khavbo nyi mi wuyisa ga wulanga nyi mi khusidego khavbo mu ya wugumbitunu.

Jeremiya 30:8

Pfhumu Nungungulu nya Tshivba Yatshavbo, a ngu ganela, khuye: “Khu litshigu lolo, nyi na fanya kanga wu lemelago dzithamoni gwawe, nyi kavila ni dzingodzi dzakone; vathu vava gima kha va na nga khala gambe dzikhumbi dza va nya mayigo.”

Jeremiya 31:4

Eni nyi na gu vbahedza nyaluphye, uwe likendzi la Israyeli! U na wusedzwa! U bwelo khavbo u mburisedwa khu dzingoma dzago, u duga ni dzindzimo u ya hana ni avo va tsakago.

Jeremiya 50:33

A ngu ganela kharati Pfhumu Nungungulu nya Tshivba Yatshavbo, khuye: “Va na Israyeli gumogo ni va na Judha vomo gutshanisekani; vatshavbo avo va nga va vbagelago va va yisa wugumbini, kha va dzumeli gu va tshula.

Jeremiya 51:51

Ganelani, khenu: Hi tade khu dzitshoni kholu va hi poyide; va fenengedzide dzikhovbe dzathu khu dzitshoni, kholu va nya mayigo va bede nyumbani nya guage Nyumba nya miphaso ya Pfhumu Nungungulu.

Ezekiyeli 16:60

Ambari khu guralo, eni nyi na alakanya gidzumeledzwano nyi giridego nago wumbirini gwago, gambe nyi na hunga nago gidzumeledzwano nya kala gupindruga.

Ezekiyeli 47:22

Enu mu na kabana kha nga thomba yanu kamwe gumogo ni valuveli va vbanyago vbakari gwanu, na vari ni sanana. Enu va vegeni kha nga sivelegwa sa Israyeli; gumogo nanu va na bela thombani, vbakari nya mahundzu ya Israyeli.

Zakariya 1:17

“Huwelela gambe, u ganela, khuwe: Pfhumu Nungungulu nya Tshivba Yatshavbo a ngu ganela kharati, khuye: Madhoropa yangu ma na bwelo khavbo ma tala gambe khu makategwa; Pfhumu Nungungulu a na tangadzisa Siyoni, a wuya gambe a hatha nyaluphye Jerusalema.”

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Luka 1:54

Endredzide Israyeli, githumi gyaye, khu gudundruga wuhindzi waye.

Luka 2:32

Uye khuye wenengedzo wu na gu wenengedzago va nya mayigo, Uye gambe gidhumo gya Israyeli, ngamo yago.”