Isaya 13:6 - Bhibhiliya Nya Guage

⁶ Wombani huwa khu guvbisega, kholu Litshigu la Pfhumu Nungungulu li vbohide; la guta khiyo ga uye nya Tshivba Yatshavbo gasi guta mbembisa.

Isaya 13:6 Iomraidhean Croise

Joba 31:23

Kholu nyi ngu thava gumbembiswa khu Nungungulu, eni nyi si kodzi gu ema mbeli nya wugulu waye.

Isaya 10:25

Kholu ndrani nya gikhati gidugwana yi na wuga khorodza ni likhulo langu, gasi nyi va pfhungumula.”

Isaya 10:3

Mu na khenu ginani khu litshigu nya tsayiso, gingulu gi ngu guta khu hwindzo? Mu na thavela ga mani gasi guya lomba guphaswa? Dzithomba dzanu mu na dzi vega hayi?

Isaya 13:9

Wonani, li nguta Litshigu la Pfhumu Nungungulu, litshigu nya guthise ni likhulo li khondrago, gasi gu vbindrugedza litigo li khala marumbi, gumogo ni gu mbembisa sighohi si vbanyago umo.

Isaya 14:23

Nyi na li gira li khala wuvbahelo nya mapfhuguli. Li na vbindrugedza li khala wulanga nya mati nya guhine, nyi na li vbiyela khu piyelo nya gumbembise, a ngu ganela Pfhumu Nungungulu nya Tshivba Yatshavbo.

Isaya 14:31

Womba huwa uwe nyangwa, lila uwe lidhoropa, ndrendremelani enu Vafilisitiya mwatshavbo; kholu, gu nguta wutshi khu Wuronga, ni moyo a nga khugi khu wulangani gwaye.

Isaya 2:12

Kholu Litshigu la Pfhumu, Nungungulu nya Tshivba Yatshavbo, li nata ga va nya matshandza ni ga va nya gu dzi khusedza, ni ga vatshavbo va nya gu dzi gugumugisa gasi va vbwasamiswa;

Isaya 23:1

Gitiviso nya gusasedwe litigo la Tiro. Wombani dzihuwa enu mataro ya Tarisisi! Kholu Tiro mbembisidwe, avbo gu si wonegigo gambe ni nyumba mweyo, ambari ni lisiwo nya gutshegeme avbo dzingalava, mahungu yaya ma tivisidwe gukhugela tigoni ga Kipre.

Isaya 34:2

Kholu Pfhumu Nungungulu a gorogede mayigo yatshavbo; ni likhulo laye lomo vbatshani nya mabutho yawe; uye a ma ningede ma songetedwa ni gu mbembisedwa muphelo.

Isaya 34:8

Kholu gu na bani guri litshigu nya guphodze ga Pfhumu Nungungulu, ni mwaga nya gubweledzele valala, khu kotani ya Siyoni.

Isaya 47:11

Kholu u na dugeledwa khu libango, u na gumba liti umo litago khumo; libango leli li na gu thegela, nyamba kodza gu dzi vhikela; kholu li na gu thegela khu githugedza, li ta gu mbembisa nu si pimi gilo.

Isaya 52:5

Olu avba ginani nyi na girago? A ngu wudzisa Pfhumu Nungungulu, olu vathu vangu va modwego vbavbandze nya nandru? Avo va va fumelago va gu va hembulula, a ngu ganela Pfhumu Nungungulu; lina langu la gu vadwa khu litshigu ni litshigu.

Isaya 61:2

Pfhumu Nungungulu a nyi rumede guya tivisa mwaga nya wadi ni litshigu nya gu dzi phodzele ga Nungungulu wathu; ni gu tangadzisa vale va lilago.

Isaya 63:4

Kholu litshigu nya gu dzi phodzele li diri monyoni gwangu, ni mwaga nya gu dzegise vathu vangu, wu di vbohide.

Isaya 65:14

wonani nya gukhenu sithumi sangu si na embelela khu gutsaka nya myonyo yawe, aholu enu mu na keta khu guvbisega myonyoni gwanu, mu womba huwa khu guvbisega hefemuloni.

Jeremiya 25:34

Lilani enu vahavisi nya tshambi, ni gu womba dzihuwa; enu nenu vathangeli nya mitshambi, puluwundrani ngumani, kholu litshigu lanu nya gusongwe ni guphalalegiswa li vbohide, nyi na mi pandra mu thega nga kanvu nya lisima.

Jeremiya 49:3

Womba huwa uwe Hesibhoni, Wombani huwa enu vanyamahegyane va Rabha! Ambalani silendra mu lila! Dzundrulugelani eno ni eno, kholu Malikani a na vbagedwa a yiswa wugumbini gumogo ni vaphasi vaye nya mhamba ni dzindruna dzaye.

Jeremiya 51:8

Khu githugedza, Bhabhiloni thegide a khala marumbi; lilani khu uye, vbwetani rendre mu todze dzimbanga dzaye; mwendro saye a na hawuluga.

Ezekiyeli 13:5

Kha mwa tshikedzela malufa nya libhiyo, enu va na Israyeli gasi mu kodze gu dwana nyimbi litshiguni la Pfhumu Nungungulu.

Ezekiyeli 21:12

Womba huwa ni gu dilela, uwe mwamana wa muthu, kholu, ilo li na songetela vathu vangu, ni dzindruna dzatshavbo dza Israyeli. Avo, gumogo ni vathu vangu va ningedwe gasi gu songwa khu matshari; khu guralo, lila u dzi veta nyonga yago.

Dhaniyeli 5:26

Tshamuselo waye khowu: MENE: Gupwani Nungungulu sayide matshigu nya mufumo wago, olu ma vbede.

Dhaniyeli 5:9

Khavbo avbo, mufumeli a di vbisega ngudzu a thuviga khovbe yaye; dzindruna dzaye dzi di pilega hwambo.

Joyele 1:11

Valimi va va vbede tshivba, va yali nya miuvha va womba huwa khu kotani nya tirigu ni mala, kholu dzimbewu dza mahangeni dzi fuvisidwe.

Joyele 1:13

Enu vaphasi nya mhamba, ambalani silendra mu lila; wombani huwa enu mu thumelago vbagiluvelotunu; belani na mu ambade silendra, mu lila wutshigu watshavbo, enu mu thumelago Nungungulu wangu; kholu miningelo nya dzimbewu niyo nya wadwa, kha yi ningedwi gambe Nyumbani ga Nungungulu wanu.

Joyele 1:15

Yowe! Litshigu lile! Kholu litshigu la Pfhumu Nungungulu lomo vbafuvbi.

Joyele 1:5

Wugani mu lila, enu sidhakwa; wombani huwa mwatshavbo vaseli nya vbinyu, lilani khu kotani nya wadwa nya dosi nya diuvha, wu dusidwego maganani gwanu.

Joyele 2:1

Wombani pundru Siyoni; mu lila khu lito nya gukhugege gigomoni gwangu nya guage; va na khale hwanga vavbanyi vatshavbo va tigoni, kholu litshigu la Pfhumu Nungungulu li ngu vboha, gambe lomo vbafuvbi;

Joyele 2:11

Pfhumu Nungungulu a ngu khusedza lito laye mbeli nya mabutho yaye; kholu masotshwa yaye mangi ni tshivba ngudzu kholu a na ni tshivba uye a yingisago milayo yaye; kholu litshigu la Pfhumu Nungungulu likhongolo ni guthisa ngudzu, khu mani a na gu li tiyelago?

Joyele 2:31

Lidambo li na vbindrugedza li khala gidema, ngima wu fuvila wu khala novba, li si gu vbohi litshigu nya likhongolo nya guthise la Pfhumu Nungungulu.

Amosi 5:18

Libango ga vale va vbwetago gu wona litshigu la Pfhumu Nungungulu! Mwa gu li vbwetela ginani gu li wonani litshigu leli la Pfhumu Nungungulu? A na bani nari litshigu nya gidema, nyambana wenengedzo.

Sofoniya 1:14

Li ngu vboha litshigu nya likhongolo la Pfhumu Nungungulu, lomo vbafuvbi li nata khu guvbiredza. Upwani! Litshigu la Pfhumu Nungungulu li na bani liri la wuvi; ambari ni dzingwazi dzi na keta.

Sofoniya 1:7

Degulani mu khala khu githawo mbeli ga Pfhumu Nungungulu, kholu litshigu la Pfhumu Nungungulu lomo vbafuvbi ni gu vboha, Pfhumu Nungungulu dongisede miphaso, agiside avo a va ranidego.

Zakariya 14:1

Wonani, li ngu vboha litshigu la Pfhumu Nungungulu, avbo phango wanu wu na guta kabaniswa vbakari gwanu.

Jakobe 5:1

Olu, enu sitetema, upwani! Lilani, mu wombe dzihuwa khu kotani nya sisaniso mu na si wonago.

Gutuledwa 18:10

Va na ema khu hwindzo khu gu thava gutshaniseka gwaye, khavo: “Libango! Libango lago uwe lidhoropa nya likhongolo la Bhabhiloni, lidhoropa nya gutale khu tshivba! Kholu u vbohedwe khu gikhati nya gutsayiswe gwago.”