Isaya 13:4 - Bhibhiliya Nya Guage

⁴ Yingisani ligwaha li pwalago vbatshani nya sigomo, la gu fanana ni ligwaha nya gidzemo nya gingi, ligwaha nya mifumo nya mayigo ma tombanidego. Pfhumu Nungungulu nya Tshivba Yatshavbo, a nga gu simama gu rana masotshwa nya nyimbi.

Isaya 13:4 Iomraidhean Croise

Isaya 17:12

Yowe! Gupwala huwa nya sidzemo nya mayigo nya mangi; kha nga gudzuma nya linene, ni ligwaha nya vathu nya mayigo, va dzumago kha nga mavimbi!

Isaya 48:14

Tshanganani enu mwatshavbo, mu yingise! Khu mani vbakari nya vanungungulu vovo, a tivisidego silo sesi? Pfhumu Nungungulu gode Kiro, a na gira guhaladza gwaye vbatshani ga Bhabhiloni, gyandza gyaye gi na dwana ni Vakalidhiya.

Isaya 5:26

Pfhumu Nungungulu a na khusedza ngavbya yaye a rana mayigo ya hwindzo, a na ma wombela ndrodzi a ma ranisa khu mahegiso gwatshavbo nya mafu; ayo ma nata khu guvbiredza khu gututuma.

Isaya 5:30

Khu litshigu lolo, va na bhongela Judha, kha nga gubhonga nya linene, uye a na khedzago tigoni, a na wona basi gidema ni gutshaniseka, lidambo li na pfhupedziswa khu mapfhi nya guthise.

Jeremiya 21:4

Pfhumu Nungungulu wa Israyeli, a ngu ganela kharati, khuye: Wonani nya gukhenu matshari yoyo mu gu nawo mandzani gwanu, mu dwanago khayo ni mufumeli wa Bhabhiloni gumogo ni Vakalidhiya va mi randredego khu hwane nya mabhiyo; nyi na ma wungedzela vbakari nya lidhoropa leli.

Jeremiya 25:14

Kholu Vabhabhiloni navo va na khoziswa khu mayigo nya mangi ni vafumeli nya vakhongolo; khu kharato nyi na va bweledzela gukhedza khu sigiro sawe ni gukhedza khu mithumo ya mandza yawe.”

Joyele 2:25

Nyi na mi bweledzela nyaluphye myaga yile dzimbewu dzanu dzi nga mbembiswago khu mbasa, khaba, sibukhwa, mipungu ni libutho langu nya likhongolo nyi nga mi rumelago.

Joyele 3:14

Sidzemo ni sidzemo nya vathu si tade kovani gu lamuledwago mahungu! Kholu litshigu la Pfhumu Nungungulu lomo vbafuvbi, li na vboha kovani gu lamuledwago umo mahungu.

Gutuledwa 18:8

Khu kharato, khu litshigu limwedo yi nata mitungu yaye khu gipitipiti: Gufa, gililo, ndzala; a na tsagamiswa khu nilo, kholu Pfhumu Nungungulu a mu lamudego, a na ni tshivba.”